|
الولادة في مستشفى المواساه بالرياض
الولادة في مستشفى المواساه بالرياض
الولادة في مستشفى المواساه بالرياض السلام عليكم ورحمة الله كيفكم بنات ؟؟ مثل ماهو واضح بالعنوان استفساري عن مستشفى ( المواساه & حي غرناطه ) في الرياض اللي لها اي تجربه مع طبيبات النساء هناك او تعرف احد جربهم ياليت تفيدني لان ولادتي قربت و انا مخططه اولد فيه ويعطيكم العافيه مقدما والله يسهل على الجميع و يرزقهم الولاده السهله الميسره |
رد: الولادة في مستشفى المواساه بالرياض
الله يسهل ولادتك يااااارب وان شاء الله بنات الرياض يجاوبوك موفقة
|
رد: الولادة في مستشفى المواساه بالرياض
انا جربت المواساه القديم اذا نفس الدكاتره وغيرو مكانهم بس ماانصحكم فيه الصراحه اصعب ولاده وللاسف الدكتوره اللي ولدتني الله لايسامحها تقهرني فوق ماانا تعبانه تتريق علي وتقول شوفي بكريه ولدت وانتي لسى طيب ايش تبيني اسوي اولد غصب وتقول انا حامل انتبهي تلمسيني او تضربيني برجولك قلت طيب تبين تجربين الولاده ليه تعامليني كذا وتتريق وتطلع برى وتضحك وصوتها عالي قهرتني وترجع وتقول انا عمليه ياحبيبتي مااتعب نفسي وفوق هاذا جا دكتور وفحص الحوض وانا ماابي رجال وف*** دفش ولان البنوته وزنها4كيلو قالو يمكن عمليه بنشوف الحوض وقت الولاده وتعبت تعب الله ياجرني وتووووبه اولد عندهم لو اروح لليمامه ولا الشميسي ارحم منهم .
اسفه طولت عليكم بس من جد مقهوره منهم ومن معامله الدكتوره وولادتي كانت قبل 6 سنوات يمكن تغيرو الله اعلم بس حبيت اذكر تجربتي . |
رد: الولادة في مستشفى المواساه بالرياض
هو مو نفس القديم ابد ولا لهم علاقه في بعض سالت الاداره خقتهم قالوا فروعهم اللي في الدمام والمدينه والجبيل بس
وسبحان الله احس الدكتوره مرا مويسه واسلوبها مريح بس الولاده من ربي الله يسهلها |
رد: الولادة في مستشفى المواساه بالرياض
انا اعرف المواساة القديم اسمه نجد جداً سيئ لي تجربه معاه فاشله اتحسب عليهم كل مامر من قدام المستشفى
وقريبتي ولدت في ذو الحجه تشتكي من معاملتهم حتى الممرضات ينافخو فيها واشتكت عليهم والدكتور ولدها عمليه كمان كان ينافخ عليهم هي كانت ناويه في التخصصي بس كانت تتابع عند الموساه ولمن رحت تنقل ملفها وهي في السابع قالو لها ﻻزم وﻻده قيصري ﻻن قلب البيبي بدء يضعف انت استخيري قبل ماتروحي اي مستشفى في النهايه تساهيل من رب العالمين على فكرة يمدحون مستشفى الفﻻح رغم انه قديم بس استغربت من الحريم يقولون افضل مستشفى وﻻده .. ادعي لي رب يرزقني بذريه الصالحه. . |
رد: الولادة في مستشفى المواساه بالرياض
كم سعر الولاده فيه
انا محتاره في المستشفيات مره وبنفس الوقت مابي اسعار مجنونه يعني الحبيب ٧٥٠٠ احس مرا السعر غالي حرام صراحه اتمنى الاقي مستشفى كويس وسعره مناسب جبتلكم الأسعار الولادة الطبيعية تكلفتها 5850 ريال مدة الإقامة ليلة واحدة غرفة مشتركة الولادة القيصرية تكلفتها 14400ريال ا إقامة ثلاث ليالي غرفة مشتركة فرق الغرف للغرفة الخاصة 150ريال لليوم الواحد غرفة رجال الاعمال 1080ريال لليوم الواحد جناح ديلوكس 1800 جناح رجال الاعمال 3900 جناح ملكي 7200 إبرة التخدير 1560 |
رد: الولادة في مستشفى المواساه بالرياض
اعرف وحده من قريباتي ولدت فيه قبل اسبوعين ومره تمدحه وتمدح الممرضات والدكتوره
|
رد: الولادة في مستشفى المواساه بالرياض
بصراحه السعر مغري بس ما انصح لاني كل مابحثت عنه الاقي يطلبون اطباء نساء وولاده يعني احس باقي مااكتفو بطاقم طبي خاصه الولاده ماتبين تكونين فار تجارب فافضل مستشفى ذو خبره ومتمكنين لان ماتضمنين لحظة الولاده ويش يصير والله يوفق الجميع واتمنى اللي تولد باي مستشفى تنزل اكشن ولادتها وملاحظاتها ليستفيد الجميع
|
رد: الولادة في مستشفى المواساه بالرياض
والله استخيري كل شيء تساهيل انا سمعت عن مستشفى اليمامة ذم مو طبيعي ولدت فيه ويارب لك الحمد أنا مادور معامله خاصه ابي دكتوره ماتستعجل علي بعملية وبالهم طويل انتي استخيري وشوفي دكتورتك وتوكلي ع رب العالمين ��
|
| الساعة الآن 09:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .