|
مجموعه اسئله ؟ساعدوني في الرد عليها .
السلام عليكم ورحمة الله وبركاته عندي مجموعه من الاسئله قلت الانسب اني اطرحها هون علشان الاخوات يفيدوني في الرد عليها : انا بعد كم يوم نازله الصيدليه ابغى اعرف ايش الاشياء المهمه اللي اقدر اخذها وكمان ايش افضل انواع الفوط الصحيه اللي اقدر اشتريها اخذ نوع واحد والا اشكل ؟ مو عارفه ايش اشتري بالنسبه للنظافه الشخصيه * المنطقه الحساسه * وقت النفاس اقدر انظفها تعرفون خياط والالام ومن متى ابدا انظفها ابغى اجابه شافيه ع السؤال اعذروني << بكريه متوهقه . اخرسؤال متى اقدر استحم بعد الولاده سواء طبيعي او قيصري وكمان اقدر استخدم شامبوا و صابون معطر ولوشنات معطره ادري تعبتكم بس الله يسعدكن ردن ع اسئلتي والله مره محتاره مره |
رد: مجموعه اسئله ؟ساعدوني في الرد عليها .
وعليكم السلام ورحمة الله وبركاته
أنا بكرية زيك يا عسل بس يعني عن بحثي المستمر وأسألتي للحريم اللي ما تخلص خخخخ حفيدك بالي أعرفوا: أهم الأشياء: (تشتريلك كلتات اللي تنلبس يوم واحد وتتترمي عشين لا تنعدم ملابسك الداخلية وتحصليها في الصيدلية وتاخذي المقاس اللي يناسبك،كمان قطن حق الصدر عشين الحليب لا يسرب)هذا اللي أعرفوا و أفضل أنواع الفوط الصحية (private)مرة كويسة ما تسببلك حساسية بإذن الله ولا شي وتريحك أنا طول عمري أستخدمها في الدورة ومرررة كويسة واشتريتها دحين للنفاس هذي صورتها،وطبعا تاخذي المقاس اللي يناسب النفاس وتاخذي الأصغر للأيام الأخيرة اللي ما بيكون فيها الدم_الله يكرمك_ كثير http://forum.hwaml.com/imgcache2/hwa...688021_730.jpg بالنسبة للمنطقة الحساسة : أكيد أن الدكتورة تكتب لك غسولات ودش مهبلي وأدوية عشين المنطقة ما تلتهب وتجيها جراثيم فتستخدميها حسب ما تقلك وإذا نسيت تكتبلك أسأليها أنت ،أما بالنسبة لإزالة الشعر صراحة لسه ما قد سألت أحد ينفع تشيلي في النفاس أولا . أما عن الاستحمام : في الولادة الطبيعية أنا أعرف أنو مافي شي عادي الوحدة تتروش بعد ما تولد ،في أحد قلك أنو في شي ما أدري؟؟؟؟ أما قيصري ما أعرف صراحة لأنو في خياة وكدا فالأفضل تسألي دكتورتك. وبالنسبة للشامبوهات العطرية وشامبوهات الجسم والكريم ما فيها شي لكن لا تغسلي صدرك بالصابون عشين النونو لما يرضع ما يكون في صدرك شي من طعم الصابون وهذا يضر البيبي هذا إذا كنت طبيعي أما قيصري ما أعرف صراحة زي ما قلتلك. والله يقومني وإياك بالسلامة يارب.. |
رد: مجموعه اسئله ؟ساعدوني في الرد عليها .
ياقلبي عادي استخدمي الفوط اللي انتي تستخدمينهااااااااا في ايام الدوره وعن الغسول خلي الدكتوره تكتبلك والاستحمام عادي انا ولدت وحده قيصري ووحده طبيعي كنت استحم عادي امااااا المنطقه الحساسه لو ولدتي طبيعي من تجربتي هذه علوم جدتي الله يطل في عمرهااااااااا كانت دايه عليك بالمكركوم للجرح حطيه بعود الاذان وبودره سلفاااااا كمان حطي فحم في المبخره وتبخري به يعني بحراره الجمر مجربه وراح تدعيلي
|
رد: مجموعه اسئله ؟ساعدوني في الرد عليها .
ماقصرو البنات و عقد لؤلؤ عطتك الاجابة بالشكل التفصيلي
|
رد: مجموعه اسئله ؟ساعدوني في الرد عليها .
أإأنـآ زيك بكريه ويـآـآرب يكون البنـآـآت أفـآدوكي وأإفـآدوني لأني محتـآجه مـ‘ع‘ــلومـآت في فترة النفـآـآسً...
|
رد: مجموعه اسئله ؟ساعدوني في الرد عليها .
يارب البنات يفيدوكي اكثر لاني مثلك بكريه
ربي يسهل علينا |
رد: مجموعه اسئله ؟ساعدوني في الرد عليها .
بالنسبه للفوط في فوط حقت بعد الولاده لانه الدم يكون كثير فاستخدمي فوط النفاس تلقيها بالصيدليه ..الفوط العاديه حقت الدوره ماتنفع للنفاس >> أسألي مجربه
وبالنسبه للإستحمآم عادي طبيعي اتحممي على طول مافي اي مشكله بس نصييييحه أتحممي بمويه دافيه مائله للحراره عشان يشد جسمك ويرجع عظامك وتستردي عآفيتك.. وأجلسي ع مويه وملح في اليوم مرتين عشان ألم الخيآطه تخف وتتفكك بسرعه واتبخري ببخور دكر كل يوم عشان يشد وينشف المنطقه,, وعادي اتروشي باي شامبو واي صابون عادي حتى لو معطر . وتولدي بالسلامه ان شاء الله... |
رد: مجموعه اسئله ؟ساعدوني في الرد عليها .
شكرا حبابيي ماقصرتوا الله يعطيكم العااافيه
|
رد: مجموعه اسئله ؟ساعدوني في الرد عليها .
بالنسبه للفوط تلاقيها بأي صيدليه بس إحكيلهم بدي فوط للنفاس لأنو الفوط العاديه ممكن تجرحك وماتكون ناعمه بمكان الجرح
وبالنسبه لتنظيف المنطقه الحساسه هنصحك نصيحه وياريت توخدن فيها أنا لمن كنت بكريه ... ماكنت أعرف شو يستناني طبعا مستعده اني انجرح وكل شي بس ماكنت اعرف انو الجرخ يألم كذا ...(مابدي إياكي تخافي ),, لحتى ماما الله يطول عمرها قالتلي ,, بس تدخلي الحمام وتخلصي من الغسال إستخدمي مناديل كلينكس العادي ونشفي الجرح وإدهن مرهم مضاد للبكتيريا .. مابدي أطول عليكي وكذا كنت اسوي بس انشف وأدهن عالخياطه وصدقيني ماحس بألم و15 يوم ويكون الجرح تشافى بإذن الله.. طبعا كنت أنتبه عحركتي مأمشي كتير ولاأجلس عالأرض وبالنهايه لاتتحممي إلا بعد الأسبوعين مابدي أطول عليكي بالشرح لاسباب كتير بس هادا مايمنع أنك تمسح جسمك بالمويه الدافيه وتركزي عالصدر حتى مايتكون بكتريا لانك ترضعي البيبي ولاتنسي تدهني حلمه صدرك بزيت الزيتون حتى مايصير عندك إلتهابات من الرضاعه المستمره للبيبي أتمنى أكون أفدتك صحيح طولت عليكي ,,, بس صار عندي خبره بسيطه بالحمل والنفاس الله يحميكي ويقومك بالسلامه |
رد: مجموعه اسئله ؟ساعدوني في الرد عليها .
ماشالله استفدت انا كمان من الردود لاني بكرية زيك
الف شكر لك وللي ردو |
| الساعة الآن 04:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .