|
اكتئاب والوسواس القهري بعد الولادة..اللي مرت بهالحالة تدخل !
السلام عليكم
انا لي والدة اربعين يوم والحمد لله على كل حال بس من كم يوم صرت اعاني من اكتئاب ووسواس اعوذ بالله تيجيني افكار مرعبة وانا خايفة أأذي ابني لا سمح الله ...فمين مرت بهالحالة او عندها فكرة وشو عملت بلييز ساعدوووني !! |
رد: اكتئاب والوسواس القهري بعد الولادة..اللي مرت بهالحالة تدخل !
ياعمري انا عانيت زيك اخر ولاده لما ولدت بنتي كنت كارهتها ومو طايقه اشوفها استغفر الله تحزني لما افتكر اللي سويتو
اتخيلي لما ولدوني جابتها الدكتوره على اساس اسلم عليها وانا مطنشتها حتى ماطالعت بوجهها وبعد ماطلعنا من المستشفى اقولهم شيلوها من وجهي مابغاها هههههههه استغفر الله وكانت تبكي تبغى ترضع من صدري وانا اطنشها اخليها تبكي الين تتعب واتفنن بتعذيبها ربنا يغفرلي وحتى اهلي خافو عليا وقالو عين مدري مسحوره اوهام تجي وتروح.بس الحمدلله فتره وعدت يعني تروح من نفسها ودي الحاله يسموها اكتئاب الولاده |
رد: اكتئاب والوسواس القهري بعد الولادة..اللي مرت بهالحالة تدخل !
يجي بس لاتهملين اذكارك والرقيه الشرعيه ضروريه عشان تتخلصين من هالتعب
وكل ماسويتي كذا تذكري ان اللي تسوينه حرام انتظرتي هالطفل وحملتيه وبالنهايه تسووين كذا اكثري من الاستغفار ًوريحي بالك وربي بيطلعك من الحاله اللي انتي فيها |
رد: اكتئاب والوسواس القهري بعد الولادة..اللي مرت بهالحالة تدخل !
يا عيني عليج والله ذكرتيني في نفسي بعد ولادتي الثانيه صار عندي اكتأب والي زاد الطينه هي الغربه وماكان احد قريب مني والمنطقه الي كنت ساكنتها ريفيه ، وبسبب هذي الحاله قررت بعد مااحمل، المهم اسبابي كانت واضحه يعني حطيت ايدي على العله،قلة التغذيه وقلة النوم وماكان في اي مكان اروح واغير جو فيه، حاولت أأذي نفسي والبيبي لكن الحمد لله عدت على خير كنت اسمع قرآن وادعي ربي ، وافكر في بنتي من بعدي، طبعآ خايفه لا تتكرر هذي الحاله لكن بأذن الله ما تتكرر لاني صارحت زوجي بالي كان يصير معي بعد ما طلب اسباب لاني كنت ممتنعه عن الحمل وحضرنا اشياء كثيره بأذن الله تنفع، آسفه على الاطاله، شوفي انتي حالتج شنو الي متعبج اكثر شي ، لان اكيد في اسباب.
|
رد: اكتئاب والوسواس القهري بعد الولادة..اللي مرت بهالحالة تدخل !
عليك بالاذكار
شغلي القران عندك هذي واسواس الشيطان اعوذ بالله منه |
| الساعة الآن 06:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .