|
من جربت مستشفى المانع بالاحساء
السلام عليكم ورحمة الله وبركاته
اخباركم وعلومكم hwaml13 بنات الموضوع باين من عنوانه من جربت مستشفى المانع بالاحساءوكيف عنايتهم وهل ياخذون البييبي بعد الولاده او لا اول مره اجربهم ومادري متخوفه ولادتي الاولى كانت بالحرس وممتازه عيبهم انهم يعطونك البيبي من ينظفونه لين تطلعين ومايعطوني رضاعه وعادي يصيح لين يحسون بيموت صياح عطوه حليب بغطاء الدوا😁 انتظر ردودكم 💖 |
رد: من جربت مستشفى المانع بالاحساء
الماااااااااااااااااااانع فاشله بقوه
مسكينه مرة اخوي راحت لهم وجننوها وهي الرحم مفتوح 8 سم ويقولو لها شكلك تؤم واحد منهم مات وكلام ماله داعي والحمدلله انها انسحبت وراحت الولاده ارحم منهم حبيبتي بخصوص ابرة الظهر انصحك فيها خواتي جربوها ويمدحونها ممتازه بس مادري ليش انا اخاف منها والولاده كلها اقل من ساعه وتنسي كل اللي صارhttp://forum.hwaml.com/imgcache2/hwa...151084_639.gif يارب يعين>>>ميته خوف |
رد: من جربت مستشفى المانع بالاحساء
حبيباتي مشكورات عالرد..
وبالنسبه لمستشفى الأحساء انا ولدت فيه ولادتي الأولى وكانت عمليه بعد ماتعذبت بالطلق وفتح الرحم لين ثمانيه بس مدري احسهم ماصبروا علي لأن راس البيبي كان مو داخل بالحوض,, بس من ناحية عنايتهم وتعاملهم بالعكس كان كويس مره يعني نظافه وحبوبات وعنايه بس حسيت انهم استغلاليين وماديين.. علشان كذا شلتهم هاالمره من راسي وفكرت بالمانع من كثر مايمدحونه.. ولأنها فرصتي الوحيده اني هالمره اجيب طبيعي قولوا آمين وللي تتمنى ياربhttp://forum.hwaml.com/imgcache2/hwa...151116_568.gif مع انه للحين ولا وحده كتبت لنا تجربتها الا انه كلي امل اني القى الرد من خواتي اللي جربوا الولاده عندهم.. |
رد: من جربت مستشفى المانع بالاحساء
ولادتي بمستشفي المانع
http://forum.hwaml.com/imgcache2/hwa...151251_461.jpg 15/08/13 السلام عليكم ورحمة الله وبركاته صبحكم الله بالخير حبيت اكتب لكم قصتي مع مستشفي المانع الي بالاحساء الي تبي تمووت تروح عندهم نزل معي مويه ورحت لهم خلوني 3 ايام ماسوو لي شي بس تخطيط يحطونه للبيبي من دون كشف وهات ياطلق صناعي تحاميل صناعيه كل 6 ساعات ةواخر شي من تعب اصريت انهم يولدوني قيصريه لاني تعبت من الطلق الصناعي الي حطووه حاار قلت في نفسي مراح اطلع لكن دعيت ربي يسلم الي بطني حتي لو ماعشت بعدها جات دكتورتي اسمها هناء اخصائيه نساء ولاده جلست ابوس يدينها وضميتها قعدت ابكي بكا طفله فاقده حاجه قلت سوي لي قيصريه الله يوفقك ترجيتها موافقوو انهم يسون الكل يجي علي ويكشفون وانا اصرخ من الم ورافضين يسون لي قيصريه اخر شي ترجيت دكتورتي تسوي لي قيصريه 6 دكاتره كل وحده تعتمد ع كلام الثانيه وبعد هالتعب دخلت 11 غرفة العمليات و12ولدت وجاتني بنوته مثل القمر سميتها حصه وبعد مجاتني دكتوره مصريه احمدي ربنا انك طلبتي قيصريه اصل البنت معترضه وانا لي 3 ايام بالمستشفي ماسوو لي شي ومعارضين ع القيصريه بس انا الي قاهرني شي واحد اني ماشتكيت ع هالكلاب الي ماينتسمون كل وحده تنبح من جهه جعل كل من ذوقتني الالم تذوقه ياارب هلكوني بالابره صناعيه كل 6 ساعات لكن الحمد الله ع كل شي انتظر تعليقاتكhttp://forum.hwaml.com/imgcache2/hwa...151251_725.gif |
رد: من جربت مستشفى المانع بالاحساء
والله يسهل عليك يارب وتلاقين مستشفى ترتاحين فيهاااااااااااااا
ويقومك ربي با السلامه ولاتنسينااااااااااااااااااا من دعواتك يا الغلا |
رد: من جربت مستشفى المانع بالاحساء
الله يجزاك خير بس ردودك كلها منقوله من منتديات اخرى قريتها بنفسي
ابي اللي حاليا جربوه مو عن تجربة قديمة شكرا لك |
رد: من جربت مستشفى المانع بالاحساء
اعذرينى خيتوو اانا مصريه ما عندى علم
الله يقومك بالسلامه انتى والبيبى ياارب تحياتى |
رد: من جربت مستشفى المانع بالاحساء
|
رد: من جربت مستشفى المانع بالاحساء
انا ابغى اعرف تجارب الناس كمان
|
رد: من جربت مستشفى المانع بالاحساء
انا كل اللي اعرفهم مانصحوني فيه يقولون فاشل
بنت عمتي اثناء الولاده مصعو يد ولدها يعني ماشفت احد يمدحه بصراحه والولاده يااختي تياسير وسهالات من رب العالمين ويارب تولدين بالسلامه |
| الساعة الآن 04:52 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .