|
تجربتي بالحمل بعد استخدام الابرة التفجيرية ولزقة الظهر
تجربتي بالحمل بعد استخدام الابرة التفجيرية ولزقة الظهر تجربتي بالحمل بعد استخدام الابرة التفجيرية ولزقة الظهر السلام عليكم ورحمة الله وبركاته كيفكم يابنات؟ الحمد لله رب العالمين أنا حامل ولأنى بحبكم هحكيلكم عن تجربتى وعملت ايه لغاية ما ربنا من عليا بالحمل والله أسأل أن يثبته ويتم الحمل على خير ويجعله ذرية طيبة مباركة أولا الدكتورة بتاعتى بدأت معايا من ثلاث شهور كورس منشطات ومحفزات للمبايض الشهر الأول بدأت بمنشط "نولفادكس " وده منشط زى الكلوميد بس أخف منه على بطانة الرحم وبيطلع بويضات قليلة بس صالحة للتلقيح " قرصين يوميا من اليوم الثانى لليوم السادس للدورة " فى اليوم 11 ابرة تفجيرية قوتها 500 بس نزلت الدورة فى ميعادها والحمد لله الشهر التانى أخدت " كلوميد " المنشط المشهور " قرصين يوميا من اليوم الثانى لليوم السادس للدورة " ونفس الكلام اتكرر فى اليوم 11 ابرة تفجير بعد ما اطمنت الدكتورة أنه عندى 3 بويضات أحجامهم ممتازة ونفس اللى حصل فى الشهر الأول نزلت فى ميعادها والحمد لله الشهر الثالث رحت للدكتورة وكانت حالتى النفسية مش حلوة خالص " نفسى أكون أم " الدكتورة ادتنى " نولفادكس وكلوميد " مع بعض كل واحد منهم قرصين من اليوم الثانى لليوم السادس للدورة وبعدين فى اليوم 11 عطتنى ابرة تفجير كالعادة مع أقراص "أجنوكاستون " ودى منظم للدورة ولو الأمور تمام بتساعد على الحمل بمشيئة ربى كمان عطتنى فوار اسمه " أستيل سيستايين " وده ملطف للكحة ومذيب للبلغم ولما سألتها قالتلى ده بيخلى الحيوانات المنوية تسبح بسهولة تجاه البويضات وادتنى كمان " الدوفاستون " من اليوم ال17 للدورة لليوم 24 قرص صباحا وقرص مساءا التزمت بكلام الدكتورة بس عملت شوية حاجات الشهر ده أظنها سبب للحمل بمشيئة الله عز وجل عملت لزقة الضهر الحارة ركبتها على ضهرى من اليوم الثالث لليوم السادس للدورة بعدها شيلتها واغتسلت وحصل جماع فى اليوم السابع انتبهوا معايا هنا لما حملت وزرت الدكتورة قالتلى الحمل حصل فى اليوم السابع يعنى بعد ما شلت لزقة الضهر مباشرة وقالتلى كمان أن ابرة التفجير ما كانش ليها لزمة لأنه فى الوقت اللى أنا اخدتها كان حصل تلقيح للبويضة طول الشهر ده وأنا بصلى نوافل وبدعى " رب لا تذرنى فردا وأنت خير الوارثين " وبكرره فى سجودى 40 مرة زى ماقال الشيخ المغامسى والله يابنات الدعاء ده له بركة عجيبة وبيطمن كده بييكى طاقة ايجابية جدا وكنت متأكده انى هكون حامل الشهر ده بفضل ربنا والدعاء ده بعد ما خلصت الدوفاستون انتظرت الدورة تيجى يومين تلاتة خمسة ماجتش قلت طيب باقى يومين على ميعادها مانزلتش عملت اختبار بعد غيابها بيوم وطلع أجمل خطين فى حياتى يارب يرزق كل مشتاقة بالحمل السليم المعافى يارب أنا أسفة لو طولت عليكم دى قصتى ودى تجربتى أتمنى تستفيدوا منها وأنا حاضرة معاكم لو واحدة عايزة تستفسر عن شىء بس لازم تباركولى وتدعولى انه ربنا يثبته ويكمله على خير مع السلامة |
رد: تجربتي بالحمل بعد استخدام الابرة التفجيرية ولزقة الظهر
ما شاء الله تبارك الرحمن
ألف ألف مبروووك ياحلوه استانست لج واييد عقبالي يااارب ... وعقبال كل محرومه عاد انا هالشهر مارحت للدكتور قلت بوكل امري لله ... وقاعده اخذ اشيا طبيعيه انا فكرت في اللزقه بس انا بكره بغتسل عادي احطه ولا لاء !! |
رد: تجربتي بالحمل بعد استخدام الابرة التفجيرية ولزقة الظهر
اقتباس:
ربى يرزقك الحمل السليم المعافى أختى الغالية انتى وكل مشتاقة ممكن تحطى اللزقة بكره وبعده بون جماع طبعا بعها شيليها والله يعطيك من فضله |
رد: تجربتي بالحمل بعد استخدام الابرة التفجيرية ولزقة الظهر
وعليكم السلام
ما شاء الله تبارك الرحمن الف الف الف مبرؤؤؤؤؤؤؤؤؤؤك الله يتمملك ع خير ويرزق كل منتظره الحمل السليم ويفرح قلوبهن |
رد: تجربتي بالحمل بعد استخدام الابرة التفجيرية ولزقة الظهر
الف مبررروك والله يثبته لك
والله يرزقني ويرزق كل محرومه في هذا الشهر |
رد: تجربتي بالحمل بعد استخدام الابرة التفجيرية ولزقة الظهر
الله يتمم لك على خير ياااارب
|
رد: تجربتي بالحمل بعد استخدام الابرة التفجيرية ولزقة الظهر
ماشاءالله الف مبروك الله يتمم لك على خير
|
رد: تجربتي بالحمل بعد استخدام الابرة التفجيرية ولزقة الظهر
مبروووووووووووووووووك الف مبروك حبيبتي ومشكورة على كتابة تفاصيل علاجك الله يتمم على خير يارب امين
|
رد: تجربتي بالحمل بعد استخدام الابرة التفجيرية ولزقة الظهر
ربي يتتم لك علي خير
بس حبيت اسالك متي خذتي استيل سبستايين من اول ماغتسلتي |
رد: تجربتي بالحمل بعد استخدام الابرة التفجيرية ولزقة الظهر
اقتباس:
بالنسبة لفوار أستيل سيستايين أخدته بعد الابرة التفجيرية مرتين باليوم لمدة 5 أيام |
| الساعة الآن 02:30 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .