|
أبوي بيتخلص مني خلال شهر!!!
خواتي ..
السلام عليكم ورحمة الله وبركاته أبي أطرح لكم مشكلتي ياليت تساعدوني انا الحمدالله توظفت وظيفة محترمة وأكمل دراستي شلت نفسي من مسؤولية أبوي وللحين ربي ما كتب وانخطب واتزوج الأسبوع اللي طاف سمعت أبوي يكلم أمي يقولها : ( زوجي بنتك .. دوري لها رجل وش ما كان .. أبي أتخلص منها ومن مسؤوليتها قاعدة عله على قلبي .. وصار عمرها 30 ومحد خطبها ولا أحد يبيها .. خلال شهر بس وأبيها تكون موجودة ببيت زوجها .. وان ما جبتي لها رجال أنا بطريقتي أجيب لها رجال ياخذها ببلاش ) !!! متخيلين الكلام !!! أبوي بيتخلص مني ؟!! ليه مدري ؟!! إذا أنا موظفة وأصرف على نفسي وأكمل دراستي شلون أطلع علة على قلبه ؟!!!! ليه أبوي يكرهني هالشكل ليه ليه ليه ؟؟!!! لا ومحدد مهلة خلال شهر بس !!!! طبعا كل ذا سمعته وأمي ما تدري ولا علمتني .. توقعت أمي بتسكت وتطنش الموضوع .. طلع لا .. قامت تكلم الناس قرايبنا .. (ما تبون تزوجون ولدكم .. ودي أزوج بنتي لولدكم ؟!!) متخيلين ؟!!! أمي قامت تحرج دعاية علي ؟!! لا ولجأت لخطابة بعد !! وصارت تقول عادي أي رجال !! أهم شيء رجال صغير .. كبير .. مطلق .. موظف .. عاطل .. مو مهم عندها !!!! متخيلين ؟!!! أنا ماقدرت أسكت ووقفت أمي قلت لها ليه تطيعين أبوي !! ليه تسوين فيني كذا !! ليه ترخصين فيني .. ليه تبعيني !!! تقول وش أسوي خلاص .. انت عالة على أبوك صرتي وأبوك كبر في السن وما يبي يتحمل مسؤوليتك !! وتبون ترموني على أي واحد ؟!! كفء مب كفء رجال والسلام ؟!!!!! قعدت أهاوش أمي وأبكي وهي مصرة على هالحركة ؟!!!! أنا أقولها نصيبي ورزقي إذا بيجي بيجي وأنا قاعدة بنص غرفتي .. ليه هالحركات هذي !!! يا بنات .. أنا ما توقعت أمي وأبوي يرموني هالشكل !!! فعلا بيتخلصون مني !! فعلا يكرهوني ليه مدري !!!!!! بنات وش أسوي حطوا نفسكم بمكاني أهلكم يحرجون عليكم للزواج .. خذوا بنتنا للزواج !!!!!!! ولأي رجل كان !!!! أنا خايفة .. صج صج خايفة .. ومب عارفة وش أسوي أخاف أكلم أخواني وتصير مشكلة وش أسوي يا بنات |
رد: أبوي بيتخلص مني خلال شهر!!!
الله يعينك يااختي
والله مدري ايش اقولك حزنتيني ماعندي شي غير اني ادعي لك الله يرفع حضك يارب |
رد: أبوي بيتخلص مني خلال شهر!!!
الله ييسر امورك
ربنا معاكى اكثرى من الدعااااء والاستغفار |
رد: أبوي بيتخلص مني خلال شهر!!!
يا بنات قسما بالله ما عاد طايقه نفسي ما ادري وش اسوي لعمري
كرهت نفسي قسما بالله ادعي اني اموت قبل اللي يصير مو قادرة اتحمل كمية الألم اللي بصدري شايلته ولا اقدر اسوي شيء أو أدافع عن نفسي |
رد: أبوي بيتخلص مني خلال شهر!!!
ياحبيبتي الله يعينك ويهدي أبوك
شو هالعقليات !؟ احنا وين عايشين في اي زمن !؟ وبما انك موظفه الحمد لله يعني مو قاعده لاشغله ولا مشغله الله يهديهم لك حبيبتي الزواج مو غصب مو ع كيف ابوك فيه قاضي وقت عقد الزواج تقدرين ترفضين بس ادا كان زوج صالح توكلي على الله واستخيري يمكن يكون لك رحمة من العيشة في منزل ابوكي وقراراته الله يصبرك يا اختي |
رد: أبوي بيتخلص مني خلال شهر!!!
مادام امك نشرت الموضوع للي يسوى واللي مايسوى انا لو منك اخبر اخواني لان الامر محرج لهم وراح يتدخلو اكيد اذا مو لمصلحتك لمصلحة كرامتهم خبريهم وباذن الله راح يوقفو معاك بالتوفيق
|
رد: أبوي بيتخلص مني خلال شهر!!!
طيب غريب تصرف ابوك كذا بدون سبب يقول لامك دوري لها رجال وش اللي صاير وش اللي تغير
هو شايف انك موظفه وشايله نفسك وان شاء الله مو محتاجه لاحد والزواج مو بس احد يصرف عليه او يقعدك في البيت عنده تغيرت الدنيا وتغيرت الحياه ترى غريب بس الافضل عندي تجلسي مع ابوك وتتكلمي معاه وتحاولي تعرفي وش اللي في براسه وليه يتكلم باللهجه هذي وبعد وضحيلهم وفهميهم ان هاللي قاعد يصير واللي يقولونه للناس مو حلو في حقهم ترى لا الحين ولا لما يجي نصيبك ماتعودنا في مجتمعنا على كذا تعالوا اخذو بنتي ببلاش اصلا كلمي امك وابوك ان كذا بيجيك اي واحد طمعان فيك وبيخرب حياتك وبيرجك بيت اهلك لازم تتكلمي مع اهلك وتقوي نفسك وشخصيتك وماتخربي حياتك ومستقبلك وماتهتمي اصلا لكلامهم عمرك 30 وعاله ومادري ايش ومن هالكلام الله يكون بعونك وتمنيت اكتب بشكل مرتب اكثر بس ضيق الوقت وادعيلك بالتوفيق يارب والهدايه لاهلك |
رد: أبوي بيتخلص مني خلال شهر!!!
انتي انسانة راشدة ومتعلمة موظفة عم تصرفي ع حالك مو من حقه يرميك لأي كان
وأنتصحك الا تستسلمي رأي والدك لازم تنظري الزوج المناسب **** ما ترمي حالك مشان تسمي متزوجة**** الزواح تناسب وتفاهم واتفاق لا ترمي نفسك للتهلكة مشان يطلق عليك لقب متزوجة مارح ينفع بشي في سنك ومؤهلاتك لي ذكرتيها فيكي توقفي في وجه أبوك وتقرري مصيرك لحالك موووووفقة |
رد: أبوي بيتخلص مني خلال شهر!!!
اقتباس:
صالح مو صالح مدري أنا أخاف يزوجني غصبا عني وانا مدري |
رد: أبوي بيتخلص مني خلال شهر!!!
اقتباس:
من مرت أبوي وعلاقتي معهم سطحية نوعا ما ما ادري أخاف أتكلم يصير مشكلة |
| الساعة الآن 10:21 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .