منتديات حوامل النسائية - شرفت اميرتي ونورت دنيتي ( قصة ولادتي + نصائح )

السلام عليكم

عدت اليكم بعد انقطااااااااااااااااع

تقريبا باقي لي اسبوع واخلص الاربعين وحبيت اذكر تجربتي مع فيلم الرعب هههههههههههههhwaml9

كان مقرر ولادتي يوم 14 يونيو لكن طوفت اسبوع وقررو لي طلق صناعي رفضت وخرجت على مسؤوليتي لان بحسبتي انا الي اعتمدت فيها على التعشيش ولادتي 22 يونيوhwaml13

وفعلا يوم الاثنين الصباح اليوم الخامس من رمضان رجعت من المستشفى بعد ماكشف الدكتور الرحم فاتح واحد ونص سانتي قالي نعطيك طلق صناعي اليوم سويت فيها دراما وقلت لو كنت اختك او بنتك يادكتور تنصحني فيه او انتظر كمان كم يوم hwaml53 قال خلاص الخميس موعد نهائي وطرت من الفرحه لان فيني خوف مو طبيعي من كثر ماسمع عن ط صناعي رجعت البيت وسحبتها نومه الى اذان العصر تقريبا الساعه 4 صليت وبديت احس بألم مثل الدورة في بطني ماشكيت انه طلق الا بعد مابدى ينتظم تقريبا كل عشر دقايق يرجع علي وبحكم اني اعاني من الدورة الامرين كان بداية الطلق بالنسبه لي اعتيادي وطبيعي ماشاء الله وكنت اتحرك وامشي بالبيت بدون توتر وفوق هذا دخلت المطبخ وحاولت اساعد اختي بالفطور واكابر واشغل نفسي وفي هالفترة دهنت بطني بزيت زيتون دافي مع حبة البركة وقبل المغرب مع زيادة الالم كنت متيقنة ان ولادتي بعد ساعات رحت تسبحت بموية حارة ولبست وتعطرت وجهزت شنطتي بس الحمدلله كملت صيامي وفكيت الريق على ملعقة عسل بموية دافيه ورطب وماقدرت اكمل الفطور صار الالم منتظم واقوى ويتكرر كل 7 دقايق وبعدين كل خمس دقايق وكل ماشد احاول اشغل نفسي بالاذكار لين فقدت السيطرة وقلت لاهلي ودوني المستشفى تعبانه مرررررررررره كلهم تفاجو لاني حاولت ماابين تعبي عشان مايقلقون ويكملون فطورهم والساعه 8 بدى حالة الاستنفارhwaml10hwaml16
تحركنا من البيت وطول الطريق كنت اهوجس كيف ولادة وانا مانزلت علي مويات ولا افرزات سدادة عنق الرحم !!
وصلت وانا على الكرسي اترجف وابكي من الخوف اكثر من الالم هدتني الدكتورة وفحصت قالت سته سانتي برافو تحملتي الى الان حسيت براحة قلت يلا راح الكثير ماكنت ادري ان الجاي اصعب واضل سبيلا

عالساعه 10 فتح عشرة سانتي ودخلوني الكشك وهنا الصدمات متتالية اولا دفع بدون ولادة لمدة ساعه ونص تقريبا وكانو يهدوني خلاص باين شعرها شدي حيلك بدون فايده كل مره اصيح اشفطوها تكفون ماعاد اتحمل الين جا الاستشاري وسع البتاعة وسحبها بالجفت وحطوها على صدري شعور يمتص كل التعب الي شفتهhwaml29
وبعدها بدت الرحلة مع خرائط قوقل ههههههههههه اقصد الخياطه والزي منوو تقريبا ساعه كمان وبعدها دخلت نوم عميق لمدة ساعتين ماحاولو يزعجوني الين صحيت من حالي سبحوني ولبسوني وودوني التنويم وتمت بحمد الله

نصيحتي لكل بكرية وماهي ناوية تجيب اطفال ورى بعض على طول تكون ولادددددددددددتك قيصرية كل من حولي نصحوني بس كنت عامله فيها قدعة واقرى عن الولادة وامهد لنفسي لكن الواقع مو مثل الاحلام الولادة الطبيعية غير انها سكرات الموت هي بحد ذاتها صدمه خصوصا بمراحلها الاخيرة

النصيحة الثانيه لو قررتي تولدي طبيعي استفيدي من تجارب الاخرين الناجحة لان في تجارب فاشلة ومضرة على سبيل المثال انك تشربي زيت خروع والرحم مش مفتوح لانه يسبب زيادة حركة للجنين وممكن يختنق بالحبل السري لاسمح الله الصبررر طيب ومراح تولدي قبل مايستوفي تسع شهور كاملة وهذي رحمة من رب العالمين مع اني كنت امشي تقريبا من نهاية الثامن ومتوقعة اولد في اي وقت ..

النصيحة الثالثة الم الطلق الحقيقي اكثر مايميزه هو انتظام الوقت يعني يجي كل ربع ساعه بعدين كل عشر دقايق بعدين كل خمس دقايق نصيحتي بمجرد ماتوصلي لهالمرحلة توجهي للمستشفى عشان ماتروحي بدري وتتوتري ويكشفون عليك كل شوي ويزيد الضغط النفسي قبل الجسدي ولاتعتمدي على نزول المويات او السداده مو بالضرورة تشوفينها وكمان لاتخافي من الكشف والاكشن الي نسمعه غالبا الالم بسبب الطلق ام الكشف اذا ماشديتي اعصابك طبيعي ومايخوف

النصيحة الرابعة اول مايبدى الطلق امشي واشغلي نفسك بالاذكار وادهني بطنك وتسبحي واشربي موبه دافية بالعسل هالخطوات راح تريحك بعض الشيء وتسرع فترة المخاض باذن الله

النصيحة الخامسة يابنااااااااااااااااااااااات لاتهملون حبوب الحديد والتغذية الصحية عموما وراح تكتشفين فايدتها وقت الولادة لاني قبل الولادة كان الدم عندي 14 ماشاء الله بعد الولادة مباشرة نزل الى 10 تخيلوا نزول مو طبيعي بسبب النزيف الحاد

النصيحة السادسة والاخيرة لاتنسين الدعاء لنفسك ولاحبابك فترة الطلق كاملة بغض النظر عن صحة استجابة الدعاء في هالفتره من عدمها يكفي انك تتضرعين في قمة ضعفك للواحد القهار احساس يقوي ايمانك ويقوي عزيمتك وينزل عليك السكينة

عقبال كل الحوامل ساعه مبروكه باذن الله والله يرزق كل مشتاقه لضنى عاجلا غير اجل

((برااااااااااااايفت للي سألوا عني))
كلمة شكرا ماتوفيكم حقكم .. احبكم hwaml95