منتديات حوامل النسائية - الف حمد وشكر لله ~ دعيت الله يجعل عيدي عيدين وربي استجاب

السلام عليكم

كيفكم بنات؟؟ وكل عام وانتم بالف خير

الحمد الله حتى يبلغ الحمد منتهاه ..
اللهم لك الحمد والشكر يارب .. بعد طول انتظار ومعاناة وألم سنة وتسع شهور ربي أكرمني وفرح قلبي بالحمل ما شاء الله تبارك الرحمن ..hwaml7

الي مايعرف قصتي يشوف مواضيعي ..

انا عملت اشعه الصبغة وشفت دوره بعدها والحمد الله ماشفت الثانيه حملت .hwaml03
اخر دورة جتني ب1 رمضان واخذت دوفاستون كمنظم من يوم 11 من الدوره لمدة اسبوعين .. وقفته وبالعادة تنزل بعد خمس ايام .. هذا الشهر صار 8 ايام موقفته ومانزلت .. والحمد الله حللت منزلي ظهرلي ع طول وطيران حللت دم وبان الف حمد وشكر له .. ما اوصف شعوري بكاء وفرح وضحك وكل شي .. الله لايحرمه احد ويرزقكم خواتي المتأخرات عاجل غير اجل ..

اعراضي عشان تستفيدون ..
كل شهر كنت احس باعراض اشكال الوان واتوهم واحزن بالاخر .. hwaml15هذا الشهر كل ماحسيت بشي طنشت وحطيتله عذر .. باختصار اعراضي
-حرارة بعد اسبوع من التبويض والتهاب حلق
-امسااك من التبويض لحد الحين .. وبالعاده اعرف الدورة بتشرف من الاسهال الي يجي قبلها الله يكرمكم
-الم بالصدر غريب من تحت الابط ع الجنبين .. والم بالحلمات صارو حساسات مراا .. وقبل الدوره يجيني الم صدر لكن مو من عند الابط يكون بشكل عام وثقل ..
-شد اسفل البطن وانا نايمه .. بولدي حسيت بنفس الشد .. وقبل كم شهر كنت احس مثله وما اطلع حامل
- الم اسفل الظهر شديد
- صداع بعد التبويض
- نزل دم من الانف قبل الدورة واستمر كم يوم
- دوخه خفيفه
- غثيان قبل الدوره باسبوع تقريباً .. كنت مستغربته لان مو ماخذه ادويه واكون صايمه ويجيني غثيان
-افراازات كثييييييييرة زي المويه وشوي بيضا .. بولدي كنت جااافه .. هنا يختلف كل حمل عن الثاني
-مغص دوره يروح ويجي كل يومين
- حرقاان
- انا كنت اتابع عنق الرحم ودايما اشوفه قريب قبل الدوره وقاسي وجاف .. هذا الشهر لمسته قبل موعدها بيوم كان طري وقريب ومررره مليان افرازات
-جاني شد غريب بطني ومع اول فخذي استمر دقايق وراح

- وحلمو فيني 3 من قريباتي وفسروها حمل hwaml03
- اهم من كل شي ان الوحده لازم تتقرب لربها وتقوم قيام ليل والي تقدر عليه من طاعات وصدقات وقراءه قران وتكون عندها ثقه بان ربي بيرزقها وكاتب لها متى بتحمل وبتلد .. والله اني دخلت الحمام الله يكرمكم احلل منزلي وفيني ثقه احساس ان بيطلع خطيين والحمد الله ربي ماخيب ظني ..

وان شا الله استفدتو حبيباتي .. اسعدوني بدعوة منكم hwaml13

الله يتتم حملي ع خير ويرزق كل منتظره بالقريب العاجل