منتديات حوامل النسائية

منتديات حوامل النسائية (https://naqatube.com/index.php)
-   منتدى الحياة الأسرية والزوجية (https://naqatube.com/forumdisplay.php?f=61)
-   -   ربي يحفظ عيالي بس مالي غيرهم؟اعطوني رايكم (https://naqatube.com/showthread.php?t=32591)

اروووجه 10-27-2010 09:46 AM

ربي يحفظ عيالي بس مالي غيرهم؟اعطوني رايكم
 
انا متزوجه من 6سنوات وعندي ولدين واللحين حامل وبالتاسع ادعولي ببنوته وساعه طيبه اولد فيها..
المهم زوجي من النوع العفش يعني من يوم تزوجته مايعرف رومنسيه وكلام حلو وحركات حتى بالنوم بس علمته انا كل شي كنت دايم انا اللي ابتدي وانا اللي ارسل واتحنحن عليه وهو بدى اللحين يتكلم ويقول احبك يعني يمكن في الشهر مره الاهم اني درست للثانوي ولما جيت ابي اكمل بعد زواجي يعني هو تحجج وقالي بتهمليني وبيكون تفكيرك دراسه وبس وشوفي كل واحد زوجته تدرس يخونها ودايم مشاكل قلتله طيب ماراح ادرس جامعه لانك حياتي كلها ومستحيل ارفضلك طلب وتخيلو حتى صديقاتي كلهم تركتهم ولااعرف احد ولااروح عند احد بس بيت اهلي واهله بس غيرهم لا وطول الوقت بالبيت مع عيالي ووالله ماقد دخل البيت ولقى فتفوته بالارض دايم عيالي نظاف والبيت مرتب وانا دايم متجهزتله قبل حملي مسكت جواله فجأه ولقيت رقم مرسله كذا مره بطايق شحن وصوره لحرمه لما سألته قال الرقم عامل عند ابوي اعطاني فلوس عشان اخذله بطاقه شحن والحرمه صاحبي اتعرف عليها ويبيها ترسل صورتها وجواله خرب فجأه فاعطاها رقمي عشان ترسل عليه انا قلت صدقيه ومشيها ولاتخربي بيتك وصار اهتمامي فيه اكثر مشكلته زوجي من النوع اللي يسهر مع اصحابه ولا شي ولاراعي خرابيط بس عمل او حوش ابوه او نخرج نمشي العيال ونقضي للبيت بس طبعا حملت هالمره بس حسيته كل ماله ويتغير يبعد عني وعن البيت يقول عندي مواعيد مع الموزعين ولاابوي يبيني ضروري ولاعندي فلوس ابي اخذها حتى طلع شريحه ثانيه وطول الوقت جوالاته معاه ممنوع المسها وبرضه فجأه اخذت جواله الثاني ولقيت رسايل لبنات قال هاذي من خارج السعوديه وبعدها قفل جواله فتره 3شهور ورجع شغله وصارت جوالاته لما ترن يدخل الله يعزكم الحمام يتكلم يقول مع العمل او المدير صارت معاملته معاي مره جافيه لدرجه وصلت حتى السلام بينا ماينقال يجي من العمل عالحمام وينان ويصحى عالنت والتلفزيون حتى مايرد علي ولاعلى عياله ولايسأل علي او مهتم بحملي ومره ولدي الصغير كان يبكي بالليل وهو صحي وقام يرفزني برجوله في ظهري وقلتله حرام عليك ظهري يوجعني مع الحمل قال (الله يلعن اهلك)اكيد ظربتيه وانا والله ماسويت شي فاصار كل يوم اذا سمع شي يقولها لي او وجع يوجعكي او بنت الكلب وقبل اسبوع كان جالس عالنت وولدي الصغير عمره 2سنتين طاح واتعور في شفايفه ونزله دم قمت عصبت وقلتله حرام عليك انت جالس ماتشوف عيالك خلي عينك عليهم انا بالمطبخ اسويلهم اكل ماعندي 100عين يكفي شغل البيت وقله النوم ووجع ظهري والي ببطني ساعدني شوي قال(هاذااللي ماخذينه منك من يوم تزوجتك وانتي حامل ولاتتعبين)ابي حرمه استمتع معاها مع اني استخدم موانع بس حرقني بالكلمه لاوزودها وقال يكون بعلمك انا بتزوج وحده حضريه رديت عليه مانت قادر تصرف على هالبيت عشان تفتح بيت ثاني قال هاذا تفكيرك ماسألتي نفسك ليش صرت اهتم بجسمي وداخل دوره انقلش لانه بجد اللحين غيابه عن البيت مره كثر وصار يخرج الصباح 8ومايرجع الا11ونص بالليل وانا وعيالي بالبيت طول الوقت العبهم والهيهم مانخرج مكان جاتني فرصه اني امسك جواله ومسكته كان الله يكرمكم يتروش لقيت برضه رقم وراسله كذا بطاقه شحن وصور لبنت كذا صوره بس حافظها بالرسايل مو بالاستديو انا عارفه الرقم السري حقت جواله المهم ماتكلمت ولاقلتله شي بس صدري ضايق واتمنيت الارض تنشق وتبلعنيماني عارفه وش اقوله ولاوش اسوي ابي اولد بالسلامه واخلص
(اسفه اني طولت بس والله اختصرت على قد ماقدر عشان ماتتنكدون)
انتو وش رايكم؟فيدوني الله يفتح عليكم يارب

sweet moon 10-27-2010 08:21 PM

رد: ربي يحفظ عيالي بس مالي غيرهم؟اعطوني رايكم
 
انتي الحين بالشهر التاسع اهتمي بنفسك

ولا تشغلي بالك ... والله يسهل عليك ويقومك بالسلامه

وبعد الولاده .. شوفي يمكن يتغير معاك ويحن قلبه عليك

واذا مافاد .. اجلسي معاه جلسه هاديه وصارحيه باللي بخاطرك

شوفي ليش متغير معاك وحاوي تعدليه

والله يسخره لك ويهديه

دلع بنات 10-28-2010 09:51 AM

رد: ربي يحفظ عيالي بس مالي غيرهم؟اعطوني رايكم
 
اختي اجلسي انتي وياه جلسه رومنسيه هاديه وصارحيه بالي مضايقك منه
الله يكون بعونك يارب

سموة الشوق 10-28-2010 10:19 AM

رد: ربي يحفظ عيالي بس مالي غيرهم؟اعطوني رايكم
 
ياساتر من هالرجال
الوحدة تتعب وتحمل وتولد وتربي وهم يخونون
لاحول ولا قوة إلا بالله
مايراعي مسكينه بنت الناس مع تعب الحمل والعيال وشغل البيت وووو
تدرين عاد مراهق هالزوج شكله يبغى إهتمام وكلام دلع وحب
ولا وش يخليه يكلم بنات؟؟
إدلعي عنده وأشبعيه بالحركات الرومنسيه وإلبسي له لبس الإغراء حتى وإنتي حامل وصارحيه ببعده العاطفي منك وحسسيه بشدة إحتياجك له ومن هالكلام
والله يسخر قلب زوجك لك ويهديه ويصلحه

زهرة البنفسج 10-28-2010 07:46 PM

رد: ربي يحفظ عيالي بس مالي غيرهم؟اعطوني رايكم
 
الله يعينك ويفرج همك ويسخره لك ويهديه ويبعد عنه بنات ابليس حسبي الله عليهم الله ينتقم منهم

فديت حبي 10-28-2010 09:50 PM

رد: ربي يحفظ عيالي بس مالي غيرهم؟اعطوني رايكم
 
والله يااختي الله يسهلك ولادتك يارب
وبصراحه ماادري شقولك بس خواتي ماشاءالله ماقصرو

▂▃ سوسو القمر ▃▂ 10-28-2010 10:53 PM

رد: ربي يحفظ عيالي بس مالي غيرهم؟اعطوني رايكم
 
الله يكووون بعوووووووووووونك ويسهل حملك و ولادتك ويسخر لك زوجك ويرده لك
بصراااااااحه حبيبيتي ليش ساكته رووحي لاهلك وخليه يفقدك ويفقد الاطفاااال
هذا اكيد بنت من بنااات الكرررروت الي يدووورون الرجال عشاان كرت شحن الحمد الله علي النعمه فرت رااسه ماااااالك الا الدعاء الله يفرج كربك

سندريلا 10-29-2010 12:08 AM

رد: ربي يحفظ عيالي بس مالي غيرهم؟اعطوني رايكم
 
ماني عارفه ايش اقولك ادعي ربنا يهديه لك ولعيالك والله يقومك بالسلامه ان شاء الله


الساعة الآن 02:34 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .