|
معاناتي مع معدتي , ساعدوني !
السلام عليكم حبيت أسألكم أنا أعاني من المعدة .. مو حموضة ولاغثيان أحس كأن معدتي صايرة بالونه وبنفس الوقت أحس إن صاير فيها إنكماش وكنها عظم ويابسة !! مع غثيان طبعاً وماحسيت بهذا إلا يوم حملت (ماشاء الله تبارك الله ), شسوي ؟ |
رد: معاناتي مع معدتي , ساعدوني !
الله يساعدك ان شاء الله
ذكرتيني في بدايات حملي فجأة صرت مااقدر اشرب ولا اكل واتقرف من اي شي وعلى طول ابغى ارجع طبعا لما ازداد الامر سوء رحت للدكتورة وعطتني سكر الفيت وصرت اخذه مرتين باليوم لحد الشهر الثالث وقالت لي خلاص اقطعيه عن لا تكثر الادوية عالجنين يعني مثبت وحبوب معدة ما ينفع الكثرة فقطعته والحمد لله ربي سهلها وراحت اللوعة واشوي اشوي رجعت اكل مثل قبل لا واكثر من قبل تقولين " مكنسة " كل شي امر عليه اشفطه خخخخخخخخخخخ عاد الله لا يوريك شكلي منعتني الدكتورة الحين من الحلويات والشيبسات وبتحللي سكر حمل بعد اسبوع هي خايفة ان هالزيادة منه ان شاء الله بس ما يكون فيني لاني خايفة انحرم مثل ما انحرمت في البداية حبيبتي في مثل وضعك انصحك تروحي الدكتورة وهي راح تعطيك حبوب تخفف عنك حالتك والله يفرج عنا وعنك ويسهل علينا يا رب |
رد: معاناتي مع معدتي , ساعدوني !
الحموضه تجي عادي مع الحمل
انا السابع والى الحين عندي الحموضه وبدأت من اول حملي صرت اخاف اكل شيء واشرب منها اعطتني الدكتورة شراب للحموضه مايأثر عالجنين اسمه ( موكسال ) كان ينفع بس عالسادس احس يخفف ربع ساعه وترجع الحموضه صرت اشرب كاسة لبن ورهيييييييييييب احلى دواء ماشاء الله وابعد عن الحوامض والاشياء اللي احس تجيب حموضه بس روحي للدكتورة اانت لاتأخذي شيء بدون استشارة الا اللبن طبعا هع موفقين.. |
رد: معاناتي مع معدتي , ساعدوني !
فعلاً شراب موكسال روعه للحموضه ..
وشربي يالغاليه حليب بارد والخيار ممتاز للحموضه .. وهم قريت أن أكل فاكهة الكمثرى يعالج أغلب مشاكل المعده وهو بشكله يشبه العمده ,, |
رد: معاناتي مع معدتي , ساعدوني !
ماشاء الله البنات ما قصرو
حبيبتي اكثري من شرب الحليب المبستر البارد وان شاء الله بالسلامة |
| الساعة الآن 10:25 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .