|
لو ما أثقل عليج تدخلين موضوعي
السلام عليكم ... صباح/مساء الخير .. للجميع ... أخواتي أعضاء وإداريات منتدى حوامل .... صاحبات الخبرة ... مثل ماتعرفون انا بكرية .. وبعد كم يوم داخلة التاسع إن شاء الله .. وحابة أستفسر متى ينقلب الجنين ... يعني يصير في وضعية الولادة راسه تحت ورجله فوق ... أنا وضع بنتي مستعرض وموعارفة متى راح تنقلب ووايد أحاتي هذا الشي .. ياريت لو تفيدوني بخبرتكم ... ومتى اعرف إنها انقلبت خلاص ... وعندي إستفسار ثاني لو ما أثقل عليكم .. بالنسبة عن وقت الولادة .. يعني متى اعرف اني توسع 1سم او 2سم ... وانه خلاص وقت ولادة ... واللي يخليكم .. فيدوني بخبرتكم ... أختكم بكرية وماتعرف شي ... ومالها بعد الله سبحانه إلا أنتوا فلا تبخلون عليها بشي ... وسامحوني إذا ثقلت أو طولت عليكم ... ولكم مني جزيل الشكر... |
رد: لو ما أثقل عليج تدخلين موضوعي
هلا حبيبتى
ابدا ماتثلين احنا اخواتك بالنسبة لوضع البيبي انتى المفروض تبدى تسجدى او تحبي يعنى لمن تصلى تسجدى لاتصلي وانتى جالسه وبعد ماتخلصين صلاة حاولى تسجدين او تحبي متل الاطفال وان شاء الله بتنزل الراس بالحوض اما كيف تعرفي فانتى راح تحسين بثقل شدييد من تحت وتحسي ان بطنج من فوق يعنى تحت الصدر فاضي او طري شوى والرحم لمن يفتح بيعرفوه الدكاترة او السسترات انتى ماراح تعرفي فتح كم سم الا بالفحص المهبلى اللى يسوونه لج وانتى لمن تنزل منك افرازات وردية بتعرفي وقتها انو الرحم فتح |
رد: لو ما أثقل عليج تدخلين موضوعي
مشكورة حبيبتي وماقصرتي ...
والحمدلله انا اصلي وانا واقفة لان حملي ولله الحمد خفيف موثقيل .. يعني اصلي عادي اركع واسجد عادي ... الله ييسر امورك ويعطيك كل ماتتمنين... |
رد: لو ما أثقل عليج تدخلين موضوعي
حبيبتي ام ناصر الله يهون عليك ويسهل ولادتك ويرزقك العطاء الصالح السليم المعافى ويرزق كل محروم ومحرومه
مثل ما قالت اختي مصرية مغتربه ربي يوفقها حاولي تحبين مثل الطفل هالوضعيه تقلب الجنين وتخلي راسه ينزل بالحوض وبالنسبه للرحم كم ينفتح هم يقيسونه لك ويعرفون ويعلمونك واو مايبدا بك الطلق حاولي تمشين وتاكلين تمر وتدعين لاتخافين بعد ما تولدين بالسلامه وتشوفينه بحضنك راح تنسين كل الالم وترتاحين الله لا يحرم احد هالشعور اللهم امين |
رد: لو ما أثقل عليج تدخلين موضوعي
والله ماعندي علم
بس الاخوات ماقصروا ربي ييسرلك وتولدين بالسلامه |
رد: لو ما أثقل عليج تدخلين موضوعي
حبيبتي البنات ما قصرو
امشي كتير يا قلبي كل يوم ساعة وان شاء الله بيقلب الجنين الله يقومك بالسلامة ويهون عليك ولادتك يا عمري |
رد: لو ما أثقل عليج تدخلين موضوعي
الله يهون عليك احبي مثل الطفل حبيبتي وحاولي تكثرين سجود مو شرط بالصلاه بس
وامشي هذي معلومات سمعتها موعن تجربه عشتها الله يولدك بسلامه |
رد: لو ما أثقل عليج تدخلين موضوعي
أم البدرين الله يجزيك الجنة ... ماقصرتي ..
وخواتي زهرة البنفسج وتوأم كوكي وتوفية الفوشية .. جزاكم الله عني كل خير .. وعسى الله لايحرمني منكم .... |
رد: لو ما أثقل عليج تدخلين موضوعي
مراحب اختي
وحده اعرفها كانت مثلك الجنين مستعرض وقالت لها الدكتوره انها تحبي وهي تطلع الدرج وتنزل منه جربي وان شاء الله يارب يهون عليك وتولدين بالسلامه |
رد: لو ما أثقل عليج تدخلين موضوعي
لا تخافي بإذن الله وقت الولاده يقلب راس الجنين للأسفل بس لازم تساعديه لازم تمشي كتير وبساعات حتى وقت الولاده تهون عليكي ولادتك وكمان يخف الألم إنشالله
وبالنسبه للتوسعات أنصحك نصيحه وأنا مجربه لا تروحي المستشفى ببدايه الألم روحي لمن يصير معك الالم شديد وماتقدري توقفي عرجليكي ولا تجلسي لحتى مايصير معك جرح بالولاده لاسمح الله يعني يوسعو فتحت الرحم لينزل البيبي بسهوله فحاولي عقد مقدري تتحملي الوجع لين ماتقدري تمشي أو تجلسي والله يقومك بالسلامه حبيبتي الله يحميكي |
| الساعة الآن 12:31 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .