منتديات حوامل النسائية - عندي مشكله مع طفلي .. اتمنى مساعدتكم

منتديات حوامل النسائية (https://naqatube.com/index.php)

- استفسارات رعاية الأطفال (https://naqatube.com/forumdisplay.php?f=104)

- - عندي مشكله مع طفلي .. اتمنى مساعدتكم (https://naqatube.com/showthread.php?t=323129)

عندي مشكله مع طفلي .. اتمنى مساعدتكم

السلام عليكم ورحمة الله

اول شي هو طفلي الاول مولود بعملية قيصريه وبصحة جيده والحمدلله .
عمره الان سنه وعشرة شهور وكم يوم ..

بدخل في المشكله .

اول شي يحب طيور الجنه ويجلس عليها فتره ولاحظت عليه عدة ملاحظات وحرمته منها لاني قلت هي السبب اكيد .

طبعا بقولكم المشكله :

يطالع في الانوار والاضاءات سواءا الصفراء او الحمراء او البيضاء جميعهاااا .
يحب الزوايا يروح يجلس فيها .
يحب كفرات السيارات وحرمته من السيارات الصغيره باقي الكبيره .
يلعب طبعا من حاله او مع نفسه واشاركه اللعب بحكم اني اعمل واحاول العب معاه
طبعا نومه خفيف مره وينام متاخر لانو ينام قيلوله ساعه ونص .
يحب السوائل وماياكل كثير يتحرك كثير وبس طفشااان زي اللي يبكي متنكد .

نجي للحركات اللي يسويها ..

يطالع بعيونه يمين ويسار يعني يناظر بزاويا حادة
يحب يطالع للاطفال او انا او ابوه بالمقلوب يقلب جسمه او يقلب راسه
يمشي بعض المرات على اطراف اصابعه
يحرك رقبته يمين يسار فوق تحت وبشكل سريع
يطالع كف يده ويقلبها باي وقت يسويها واكثر شي اذا صحي من النوم
كمان اذا صحي من النوم يتقلب بشكل غريب يبي يكسر رقبته
ويطيح نفسه ولا يحاسب على نفسه ابدا
كان يقول ماما بابا اما دادا هات افتح .. الحين مايقول منها شي
يسرررررح كثيييييير كثير ويحب المرايا
اذا اناديه يرد بالغصب .. يعني بعض المرات بعد ست نداءات واكثر
واحس بعد مايرد علي يضحك كأنه عارف اني اناديه من اول

اتمنى تساعدوني في اجابتكم وتذكرون لي تجاربكم مع اطفال مروا بنفس حالة ابني ...

طبعا قرأت البارحه عن طيف التوحد وسببه التلفزيون ومدري هل ابني عنده طيف التوحد او مرحله وتعدي ..

هو ابني الوحيد ... اسال الله له الشفاء والصحه والعافية ..

الله يخليكم لاتبخلون علي بااجابتكم ومساعندتكم