|
عندي سكر Gtt..وحدي خايفة
سلام ..
كيف حالكم أخواتي ؟؟ كان عندي تحليل سكر أول شي في الشهر الخامس .. وطلعت نتيجته 8.4 وقالوا لي انه مرتفع .. والحين عطوني تحليل سكر كل أربع ساعات يجيكون الدم الا هو Gtt وبكرة عندي إياه .. وكلش خايفة على الجنين من إرتفاعه .. وحبيت أسأل .. بعد يجيكون السكر في الأشهر القادمة ؟؟؟ |
رد: عندي سكر Gtt..وحدي خايفة
والله ماعندي علم بس دخلت عشان ادعي لك ربي يشفيك ويتمم لك بخير يارب
|
رد: عندي سكر Gtt..وحدي خايفة
آنه نفس حالتج
فحصي راح يكون الاسبوع الياي اعتقد في حاله ثبوت ارتفاع السكر الدكتوره تطلب منج تسوين حميه وتشترين جهاز فحص السكر علشان تتابعين السكر في البيت وان شالله تكون النتيجه سلبيه ومايكون فيج سكر ويارب مايطلع فيني سكر انه بعد |
رد: عندي سكر Gtt..وحدي خايفة
حبيبتي عادي لا تخافي هاد سكر حمل وما بضر بأذن الله
انا ماما وهي حامل باخي كان معاها سكر حمل والحمدلله اخي هلأ شب عمرو 22سنة ان شاء الله تشوفي الي برحمك قدو يارب انت اعملي التحليل للاطمئنان لانك لازم تراقبي حالتك يا قلبي بالسلامة يا عمري |
رد: عندي سكر Gtt..وحدي خايفة
مشكوووورين على الرد الا يطيب الخاطر ...
عالعموم أمس كان الفحص والنتيجة إسبوع الجاي .. لا تنسوني من دعواتكم .. واكرر شكري |
رد: عندي سكر Gtt..وحدي خايفة
حبيبتي لاتخافين ولا شي
توكلي على ربج انا فيني سكر الحمل ياني من الشهر الثالث وقريب بدخل السابع ان شاء الله بالسلامه سويت الفحص ذي مرتين والفحص اللي مره وحده مرتين واكون صايمه من قبل وكان يطلع 11 و12 واخر مره طلع 13,9 تعبت ورقدوني وخلوني تحت المراقبه لمده يومين عطوني حميه والحمدلله اعتدل والحين عطوني حميه غذائيه هي صج قاسيه شوي بس شنسوي الحمدلله امر الله واتبعتها والحمدلله ينظبط ومره يرتفع شوي ومواعيد مستمره ومتتاليه وسوبت موعد في عيادة السكري والحوامل كل اسبوعين اروح حق الفحص لا تستهيني بس اتبعي الحميه وتوكلي على ربج ولاتخافين لان الزعل يرفع السكر ربي يشفيج ويشفي كل حامل وكل مرضى المسلمين جميعا اتبعي الحميه احسن لانه قالوا لي اذا ما اتبعت الحميه بيعطوني ابر انسولين اسم الله علي الحميه الله يسلمج تبعدين عن كل السكريات والنشويات والدهون يعني كله حليب ولبن او جبن قليل الدسم وخبز اسمر عيش شوي كثري من السلطه حتى الفواكه ترى فيها نسبه سكر ركزي على التفاح الاخضر والبرتقال الجزر فيه نسبه سكر حاولسي تقللي منه معنه بيني وبينج ساعات يكون في خاطري في الحلويات وووو بس اخذ عن خاطري قطعه صغيره ومب زين لانه ارتفع ورقدوني هههههههههه انصحج تروحين حق اخصائيه تغذيه وتشرحين حالاتج وبتوضح لج الله يشفيج ويقومج يالسلامه وجميع مرضى وحوامل المسلمين |
رد: عندي سكر Gtt..وحدي خايفة
مشكووورة أختي على الرد ..
وإن شاء الله يا رب .. نكون بصحة جيدة احنا الـ2 وكل من عنده هالمشكلة.. بس أحس إني تعبت من الحمية .. صارت شي ممل كل خبز أسمر وروب أو لبنة بس يللا .. الله يسهل ونشوف النتيجة على خير يوم الخميس .. لا تنسوني من الدعاء .. الله يسر كل أموركم يااااااا رب |
| الساعة الآن 11:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .