منتديات حوامل النسائية - طريقة عمل الكفتة بالطحينة فى الفرن طعمها رووووووعة

طريقة عمل الكفتة بالطحينة هتبقى اسهل بعد ما نعرف ازاى نعملها بطريقة سريعة وكمان طعمها روووعة بجد وعلشان نبدا لازم تعرفى انها تقريبا يتاخد حوالى ساعة الى ساعة وربع تحضير يعنى تعتبر وجبة سريعة لو جالك فجأة ضيوف وانتى مش عاملة حسابك المهم تبدأ بـــ
مقادير عمل الكفتة بالطحينة :-

نصف كيلو لحم مفروم
حبتين بطاطس متقطعين شرائح سمكها حوالى نص سم
كوب ونصف ماء دافىء
ربع كوب عصير ليمون
نصف كوب طحينة خام
ملح
فلفل اسود
طريقة عمل الكفتة بالطحينة

طبعا الكمية اللى فوق دى تكفى حوالى 3 افراد فلو عايزة ممكن تزودى المكونات حسب العدد اللى عندك. المهم هتحضرى الصينية اللى هتدخل الفرن وتدهنيها بالزيت او تحطى فيها ورق الومنيوم وبعدين تفردى فيها اللحمة المفرومة بالتساوى بحيث متكونش جهة اعلى من جهة ونفرد فوقيها قطع البطاطس بالترتيب وندخلها الفرن لمدة حوالى من 30 الى 40 دقيقة وخللى بالك لازم يبقى الفرن من تحت مش قريب من قاعدة الصينية علشان اللحمة متتحرقش . ثم نبدأ فى اعداد الطحينة عن طريق وضع عصير الليمون + الطحينة الخام + الملح ونضعهم فى اناء عميق ونحركهم معا جيدا حتى يتجانس الخليط ثم نبدا فى اضافة الماء تدريجيا مع التقليب المستمر حتى نحصل على القوام المطلوب ثم نضيف باقى كمية الماء بدون تقليب ( علشان المية دى هتتبخر لما تدخل الفرن ويتبقى الطحينة ) بعد ما نطلع الصينية من الفرن نصب عليها الطحينة وندخلها الفرن تانى لمدة 10 دقائق . بعد كدة نشعل الفرن من الاعلى لمدة من 10 الى 15 دقيقة او حتى يصبح لونها ذهبيا

http://forum.hwaml.com/imgcache2/hwa...891247_677.gif