|
فيني الآم دوره مستمره لساعات هل هذا دليل قرب الولاده !؟
هلا حبيباتي
انا بعد يومين ان شاء الله بكمل التاسع يعني بدخل الاسبوع الـ 40 كانت اتيني من بداية التاسع الام عاديه مثل الدوره خفيفه تروح وترد بشكل متباعد بس اليووووم من الساعه 4 الفجر تقريباً لين الحين يعني قولو 7 ساعات اتيني الام دوره قويه تخليني اتقلب بالفراش ومب قادره اتحرك مثل سكاكين بالحوض والرحم تروح شوي و اتيي وبنفس الوقت البطن يتحجر يصير يابس احيانا البيبي يتحرك فشوي تخف بس مانزل علي لا ماي ولا دم ! و الالم مضايقني ومب منتظم مره كل 10 دقايق ومره كل ربع ساعه ومره كل 5 دقايق اكثر شي نص ساعه شو اسوي وهل هذا دليل قرب الولاده |
رد: فيني الآم دوره مستمره لساعات هل هذا دليل قرب الولاده !؟
هاذي اعراض الولادة حبي
روحي المستشفى |
رد: فيني الآم دوره مستمره لساعات هل هذا دليل قرب الولاده !؟
الله يكتب لك الولادة السهلة اليسيرة..
أنا مكانك أتحمم واجهز أغراضي وأنتظر يصير فيه انتظام للتقلصات، ولما تنتظم ويكون بينها دقائق قليلة أروح للمستشفى. |
رد: فيني الآم دوره مستمره لساعات هل هذا دليل قرب الولاده !؟
اعراض ولادة ياقلبي ربي يتمملك على خير يارب
وشوفي هالروابط ان شاء الله تفيدك http://forum.hwaml.com/t313221.html |
رد: فيني الآم دوره مستمره لساعات هل هذا دليل قرب الولاده !؟
البيبى بيلف مشان ينزل راسووو اسفل الحوض ما شاء الله
اعرااض ولاده يا عمرى جهزر حالك وجهزى الشنطه الله يسهل عليكى هالساعه وتقومين انتى والبيبى بالف مليون سلامه ياااااارب |
رد: فيني الآم دوره مستمره لساعات هل هذا دليل قرب الولاده !؟
جزاكم الله خير حبيباتي
انا مجهزه اغراضي وكل شي بس اختي نصحتني انتظر ينزل مثل افرازات وياها دم او الماي لان اذا رحت مبجر بيتعبوني وكل دقيقه يجيكون وتكرمون صار معاي مثل اسهال خفيف اظن هذا من علامات قرب الولاده بعد ؟ يوم اتحرك الحمدلله الالم يخف بس لين الحين ما احسه انتظم شكلي ان شاء الله بنتظره ينتظم و اروح دعواتكم يالغاليااات اول حمل لي هذا وماجربت الولاده قبل |
| الساعة الآن 09:02 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .