|
محتارة بايام التبويض
انا جديدة معكن عندي استفسار بخصوص ايام المحتملة للحمل الا اسمهن ايام الاباضة
انا دورتي منتظمة كل 27 يوم واجتني بتاريخ 9/2/2015 و انا الآن باليوم التاسع من الدورة و طبيبتي قالت انو يوم 13 هو يوم الاباضة على طول دورتي و اليوم لاحظت افراز شفاف طويل نزل من المهبل مابعرف شو هوه معقولة صارت الاباضة بكير بهذا الشهر او شو هالشي خفت فكرت انو صاير شي غلط هذا اول مرة بيحصل لي هذا الشيء من حاولت احمل اخد الي هلأ تقريباً 6 اشهر من محاولات للحمل و مابيزبط معي بس هالشهر لاحظت انو هالافراز شو دلالته خفت كتير انو مشكلة لو اشي حاولت اكتب بلغه مفهومة ان شاء الله بكون واضح مقصدي وشكراً اخواتي مقدماً و ربي يكرمنا بهدا الشهر |
رد: محتارة بايام التبويض
هلا اختنا ليل
حياك الله بيننااا طلي ع الموضوع مختصر وواضح بتحديد ايام الخصوبة http://forum.hwaml.com/t311613.html بشأن الافراز عزيزتي اظنه طبيعي المهم مايرافقه ريحة ولا حكة يكون مستعدين الالتهاب وعشان تتاكدي مثلا من انه اباضتك في اليوم ال 13 مو ابكر فيكي تتابعي تبويض عند طبيبتك بالسونار مووفقة |
رد: محتارة بايام التبويض
شكراً الك اخت ريحانة
لا ما معه ريحة لكن متل افراز التبيويض لهيك قلت امكن الاباضة مقدمة مع هدا الشهر و شكراً الك على الرد والتوضيح و يارب خيرة |
رد: محتارة بايام التبويض
اختي اذا كان الافراز لزج وممكن يتمدد لو وضعتيه بين اصابعك لعدة سنتيمترات فبيكون
افراز تبويض فعلا وممكن الاباضة تكون متقدمة بكم يوم ولان طول دورتي تقريبا قريب من طول دورتك احسب للتبويض من اليوم الثامن تحسبا لاي تبويض مبكر حتى يوم ١٦ فانتي خذي بالاسباب وربي يرزقك ما تتمني |
رد: محتارة بايام التبويض
اخت ريڤان شكراً الك فعلاً كان بيتمدد و ان شاء الله بيكتب الخير للكل باذن الله
و هو انا مابراقب بس لفت انتباهي هيدا الشهر و يارب خيرة باذن الله و لو عند حدا فكرة بتفيد برصد الاباضة بيتفضل وشكرا الكن |
رد: محتارة بايام التبويض
رصد الإباضة ممكن بعده طرق
١- ملاحظة ارتفاع طفيف في درجة حرارة الجسم ٢- نزول افرازات شفافة لزجة تتمدد لعدة سنتيمترات ٣- وجود الم بسيط في المبيضين او احدهما ويمكن شراء اشرطه تشبه التحليل للحمل ولكنها لرصد الاباضة وكذلك هنالك اجهزة الكترونية ترصد الاباضة من خلال اللعاب اتمنى اكون افدتك ولو قليلا |
رد: محتارة بايام التبويض
إباضتك بيوم 13 بلشي الجماع بيوم 9 و12ز13 و14 لازم قبل الإباضة أقل شي يومين مشان تكون الحيونات متجددة وسريعة وبحيويتها والإفرازات بتنزل بتبلش قبل التبويض بيومين ويوم الإباضة وبعدها بيومين تقريبا وبتوقف وتاكدي إنو رحمك مش مقلوب بالسونار الخارجي او الدخلي لو مقلو جامعي جماع سجود مشان يصير عند حمل وإشربي مرمية بعد الدورة ما تنظفي 4 ايام بتنشط التوبيض بس لازم تكوني بيوم 8 الشهر تعملي سونار داخلي تتاكدي عندك تبويض ومن إي مبيض وعددها واحجامها مشان لو كان عندك تكيس ما بصير تشربي مرمية بتزيد المشكلة مشكلة انا بس كنت أقرر احمل دورت ي28 كل 9 الشهر اروح اعمل سونار داخلي واتاكد فش تكيس ومن البيضات وأحجامهم وغي مبيض هيك بكون يوم التبويض التقدير اوضح بتخبرك الدكتورة
|
| الساعة الآن 11:46 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .