|
خواتي اتعبني ونفسيتي تعبانه
مساء الخير خواتي كيفكن
مالي احد اشكيه غيركن بعد الله سبحانه وتعالى انا اعاني من خواتي رفلات درجه اولى تتراوح اعمارهن من 20 و 17 و 13 تعبت وانا انصحهن واتكلم معهن كرهت حياتي بسبتهن اكل داوم ونوم وجوال ونت بسسس انا متزوجه واجيهم مره بالأسبوع الاقي البيت كله زباله وانتم بكرامه ودي اعاقبهن مفتشله حيل اذا جونا زوار هن عايشات لحالهن مع اخوي امي متوفيه وابوي متزوج له بيت لحاله وش اسوي فيهن دايم ارسل لهن رسايل انكن خلاص كبرتن عيب عيب والله عيب مافيه فايده .... مافيه حياء .... وش اسوي ياخواتي وش الحلول تكفن مالي احد اتكلم معه اخوي أصمخ مايفهم بس طالع برا البيت مايهمه شيء تعبت تعبت يانااااااس ودي اصير مثل المتزوجات اذا جن بيت اهله تلقى الراحه مو مثلي هواش ومزبله وطقت تسبد 💔💔 تكفون ابي دعواتكم ودعوات امهاتكم وجدانكم محتاجتهن حيل 💔💔💔💔💔 |
رد: خواتي اتعبني ونفسيتي تعبانه
يعجبني فيكي انكي انكرتي هالشي غيركي ما تنكر وعادي عندها
والله انا خواتي كذا الحمامات ما ينظفنها انا اذا جيتهم كل شهرين اقعد اغسل الحمامات هن ما يقصرن والله طبخ ويطبخن ويكنسن ويطلعن الزبايل بس الحمامات لا �� شكوانا لله |
رد: خواتي اتعبني ونفسيتي تعبانه
يمكن هم يتصرفون كذا لانهم واثقين بتجينهم اخر الاسبوع وتنظفين وراهم كل شي مابينفع كلام ولا ملام لانهم معتمدين عليك
اتركيهم فترة لاتزورينهم مستحيل يقبلون يعيشون بعزبه طول الوقت بيتغيرون بس محتاجين يحسون بالمسؤولية مشكلتك انه يقع على عاتقك مسؤولية توجيههم وتربيتهم واعدادهم لمرحلة مابعد الزواج وهي مسؤلية مو بسيطة لكن تقربي منهم وناقشيهم وتاكدي انهم يتاثرون ببعض يعني اذا تغيرت وحده الباقين بيقلدونها للاسف البنات الا ماندر هالوقت لها عالمها الخاص المنعزل تماما عن الواقع حياتها ومشاعرها واهتمامها بعالم خيالي ويمكن الي ساعدهم على هالشي عدم وجود شخص يقوم تصرفاتهم ويحاسبهم ويكون له سلطة عليهم بالمقابل في بنات ينحطون عالجرح يبرى اختي ماشاء الله صغيره بس نظيفة حيل ومرتبة وتحملت مسؤولية ولد اختي الثانيه تغيرله وترضعه وتلعبه كانت كثير متعلقة بالنت بس ما اثر على اهتمامها بنفسها الحين خفت عن اول صار مجرد تسلية وقت الفراغ |
رد: خواتي اتعبني ونفسيتي تعبانه
الله يهديلهم حالهم
معلش يمكن لانهم لساتهم ما تزوجوو ومو شايلين مسؤليه .... مسير اما يتزوجووو الحال بيتغير حاولى تفهمينهم بالحب والموده لا تزعقين فيهم ولا تعصبين عليهم لان التعصب يخلق العند والله يسخرهم |
رد: خواتي اتعبني ونفسيتي تعبانه
عاقبينهن بسحب النت او الجولات
|
رد: خواتي اتعبني ونفسيتي تعبانه
الله يهديهم يارب يكبرو ويعقلو وغياب امك اكيد اثر عليهم سلبا حاولي ماتخليهم يعتمدو عليك في التنظيف كل اسبوع او اعمليلهم جدول اعمال يتعاونو دون ما تكون المسؤولية على الواحدة دون الاخرى ولك الاجر لخوفك عليهم ومحاولة مساعدتهم
|
رد: خواتي اتعبني ونفسيتي تعبانه
الله يهديهن
جربي احريمهن من الانترنت او غيبي عنهن لفترة لحتى يعرفوا قيمتك |
رد: خواتي اتعبني ونفسيتي تعبانه
[B]
الله يكون معاك حبيبتي لانك مسؤوليتك مضاعفة عنك بيت الزوجية و بيت اهلك المهم انا رأيي من راي الاخت f16 لازم تخليهم يحسون بالمسؤولية ما تروحي لفترة طويلة و راح تشوفي النتيجة البيت ينطق من النظافة و بالنسبة للنت و الموبايل حذار اختي انهم يسلكون طرق ملتوية خصوصا انهن من غير رقابة حاولي توعيهم لكن باهداوة و بالتي هي احسن و الله يقدرك و يقويك و تنحل المشكلة نهائيا [/B] |
رد: خواتي اتعبني ونفسيتي تعبانه
أنا من رأيي لا تزوريهم شهر و ما تكلميهم
راح يفهموا انك زعلانة منهم و راح يصيروا يعملوا حساب و ينظفوا و يرتبوا لانهم اتعودوا عليك تهاوشيهم لكن تنظفيلهم و ترتبيلهم اغراضهم كل اسبوع ابعدي عليهم فترة راح يحسوا باهميتك |
رد: خواتي اتعبني ونفسيتي تعبانه
الحل انك لا تنضفي لهم ولو عندك صديقه كبيره بالعمر خلها تمثل دور انها حرمه جايه تخطب اختك الكبيره وخلها تجيهم فجأه وتقول وع وش هالوساخه بطلت مابي ازوج ولدي من عندكم وفجعيهم انها راحت فضحتهم يمكن يتعدلو
ادري فكرتي مجنونه بس يمكن تفيد |
| الساعة الآن 10:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .