|
احتاج رائكم بلييييز
السلا عليكم ..
حبيت استفسر لان هالموضوع شاغل بالي حبيت اسال عن معرفة جنس الجنين بالشهر الرابع والخامس انا لما رحت لدكتوره بالشهر الرابع وسويت سونار قالت لي الجنين ولله الحمد تمام وكل شي مطمن حتى وزنه ماشاء الله اكبر من عمره وطوله تمام بس لما سالت عن جنسه قالت لي ماعرف احدد لك لان مقفل ارجوله وبقوه كمان فعلا انا شفت هالشي وانا خلال هالشهور ماحسيت ابدا بالوحام بس البطن يكبر باستمرار طبعا وحركة الجنين واضحه وكانت من الشهر الثالث والم الظهر مستمر معي من اول ماحملت والحين زايد ع الورك الايسر والجنين احسه بجهة اليمين ولما دخلت الخامس ببدايته رحت لنفس الدكتوره وقالت لي ان الجنين ع جنبه وصعب اعرف جنسه وقالت كل شي فيه طبيعي وبعدين قالت انا شايفه حاجه اد كده واشرت باصبعها السبابه واتوقع ولد المهم هي ماكانت مركزه معاي من البدايه وقالت تعالي المره الجايه نتاكد عاد انا الظهر عندي احسه متفكك ولاقدر انام عليه توقعت نقص كالسيوم.. الحليب وحبوب كالسيوم كل يوم ولازال الالم مستمر ومن بدايه الخامس والجنين حركاته مستمره ركل بس اسفل بجهة اليمين لان راسه فوق وايديه ورجليه تحت والبطن كل يوم يكبر اللي يشوفني الان يقول بالسابع بس شنو تتوقعون جنسه او من مر عليها نفس حالتي ... انا ليه ابي اعرف جنسه لان انا مطلقه من لما كان له ثلاث اسابيع ومالي بها الدنيا الاهو وخايفه تكون بنت وابوها ياخذها مني وكل شي رزق من الله سوا ولد او بنت والحمدلله اللي اعطانا هالنعمه |
رد: احتاج رائكم بلييييز
ياقلبي
والله ماعندي علم ياقلبي يارب يرزقك بكل خير لك بس الي اعرفو ياقلبي ان الطلاق بالحمل لااااايقع ولاتعتبرين طالق هذا والله اعلم |
رد: احتاج رائكم بلييييز
اقتباس:
هو صح مايقع الا بعد الولاده وبعد الولاده راح اخذ ورقتي من المحكمه يعني بنهايه راح اتطلق وينتهي كل شي وحسبي الله ع اللي كان السبب |
رد: احتاج رائكم بلييييز
الله يعوضك يارب ويرزقك بما يتمنى قلبك لان اختي تطلقت وهي حامل احساسي بك اكبر الله كريم
|
رد: احتاج رائكم بلييييز
اقتباس:
والنعم بالله .... |
رد: احتاج رائكم بلييييز
ياحياتي اللي كاتبه رب العالمين خيره لك
ربي يرزقك اللي تتمنينه |
رد: احتاج رائكم بلييييز
بإذن الله يكون ولد انا كنت احس حركته من الشهر الثالث ويقولون الولد اللي بيتحرك بدري الله يرزقتس يارب بالولد الصالح اللي يعوض عليك
|
| الساعة الآن 04:44 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .