السلام عليكم
كيفكم

بسألكم كل وحده أجهضت

- هل سويتي تنظيف ؟
- ومتى حملتي بعد الإجهاض؟
- وهل منعتي الحمل بعد الاجهاض أو عالجتي قبل الحمل أو لا ؟.

بقولكم وش صار معي

يوم عملية التنظيف ( 1 ذو الحجة ) كان معي نزيف وسوت لي العمليه بعدها كان دم خفييييف تقريبا خذ 9 أيام والالام أول يومين بعد العمليه بس
بعدها أسبوع ونص صحتي من أحلى مايكون مافيها آلالام وكل شي تمام بعدها يارب لك الحمد لما خلصت هالمده جتني آلالام دورة وافرازات بشكل غير منتظم بس مافيها ألوان ولا ريحه تكرمووون وألم عجيب في المبيض الأيسر بعدها بأسبوع جت الدورة


في ( 7 محرم ) جت أول دورة بعد الإجهاض غزييييييييرة في حياتي ماصار كذا كل ساعة أروح لللحمام لانها كثيرة يوم خلصت وطهرت صار ينزل معي لون مو افراز بني خفييييف أشوفه بالفوط اليومية تكرمون كذا تقريبا أربع أيام. بعدها بفترة صار تجيني افرازات والالام مثل الالام الدورة أخف من المره الأولى ألين جت الدورة اللي بعدها


في ( 9 صفر ) جت الدورة الثانية فيها غزارة بس أخف بكثيييير من الأولى اسفه بجددد أغلبها دم سااايل أحس فيها ينزل أكثر من أنها قطع مثل دورتي المعتادة قبل الدورة اللي بعدها الالام دورة قوي شوي مع مشاكل قولون على غير العادة وهالمره بدون افرازات


في ( 4 ربيع أول ) تكرمون نزل دم أسود ومن بكره نزلت الدورة مؤلمة( لمده يوم ونص ) بعدين راح الألم القوي ومازال موضوع دم السايل بس أخف من الدورة اللي قبلها الحمدلله بدون إفرازات هالمره بعد ،ومن أمس بدت معي الالام الدورة والظهر مع ان الدورة باقي عليها أسبوعين تقريبا أمس كله ينزل معي لون مو افراز أصفر خفييييييف وكمييييه قليلة جدا بس أشوفها بالفوط اليوميه يوم واحد بس

وضعي طبيعي ؟ صار معكم كذا ؟ على فكره بعد الإجهاض صار معي هرمون الحليب مرتفع وعالجته لمده شهرين وانتهت فترة العلاج

دورتي تعتبر غير منتظمة ؟؟.
هذا أول إجهاض لي والله يجعله آخر اجهاض من غير شر لي ولكم يااارب

بإذن الله بروح للدكتورة بس ماأقدر الفترة الحالية أبدا :( أزمني موضوع الحمل كل دورة أصيح إذا غصب عني لي أكثر من سنة أبي الحمل وحملت واجهضت الحمدلله على كل حال

طمنوني اللله يسسسعدكم