طلق صناعي بعد العمليه
 

سلام عليكم ورحمه الله وبركاته
اخواتي بستشيركم
تعبت من تفكير وخايفه
اخلصت تاسع من اسبوع دكتور عطاني مهله للاسبوع الحاي بيعطيني طلق صناعي
وانا مسويه عمليه قيصري
من سنه وثمان شهور
يقول طلق عن طريق عنق الرحم!@!@
اخذ طلق ولا اطلب قيصري
وايش رايكم بتحريض عن طريق الكشف

رد: طلق صناعي بعد العمليه
 

على حسب حالتك ووضع البيبي حبيبتي إذ وزنه معقول ومتناسب مع الحوض أنتضري إلين يجي الطلق أن شاءالله وكثري من المشي والجماع إذا أمكن وشربي مغلي الدارسين كثييييير مفيد بإذن الله واللي أعرفه بالنسبه للطلق الصناعي مو كويس للي عامله قيصري من قبل إلا إذا على خفيف والتحاميل لتوسيع عنق الرحم موللطلق والله ييسر لك حبيبتى وتولدي بالسلامه

رد: طلق صناعي بعد العمليه
 

وبالنسبة للتحريض مو دائما الرحم يستجيب أنا مثل حالتك كنت عامله قيصري وفي الحمل التالي كملت 40 أسبوع ومافيه طلق ولا أي بوادر ولادة وكان وزن البيبي على 4 كيلو تقريبا وسوت لي الدكتورة ثلاث مرات تحريض لكن للأسف ماكان فيه أستجابه وكنت خايفه لو أنتظرت راح يزيد وزن البيبي أكثر وتتعسرولادتي فقررت من نفسي قيصري وولدت بالسلامه ولله الحمد أنا والبيبي

رد: طلق صناعي بعد العمليه
 

ممكن تستشيري طبيب اخر لانك المفروض تحملي على الاقل بعد عامين من القيصري وانت حملت وراح تولدي قبل هذه المدة يعني ممكن تكون الولادة القادمة قيصري مؤكدة لان رحمك لم ياخذ وقته الكافي للشفاء وايضا وزن البيبي يلعب دور لانه ان كان كبيرا فراح يتعبك

رد: طلق صناعي بعد العمليه
 

الطلق الصناعي بعد القيصري مو زين ابد هذا كلام الدكتوره

رد: طلق صناعي بعد العمليه
 

انا ولادتي الأولى كانت قيصري والثانيه بفضل الله كانت طبيعيه
بس كان بين الولادتين ٦ سنوات يعني فتره طويله بس يقولون ماله علاقه بين فترة طويله او قصيرة

الأهم أن مايقدرون يعطونك محرضات بكثرة بما ان سبق وولدتي قيصري يكون خطر

واللي يقول خطر ماتاخذي ولا محرض غلطان لأن انا عطوني محرض بس المهم يكون الرحم فاتح عندك
انا كان فاتح عندي بس واحد ونص وقبل مايعطوني اي طلق حطولي بالون الماء بعنق الرحم اسألي طبيبتك عنه واااايد مفيد بس لازم يصبروا عليك لأنه ياخذ وقت تقريبا يوم كامل بالمستشفى يحطوا هالبالون عشان يوسعوا الرحم وبعديها لما يشيلونه يشوفوا كم فتح عندك الرحم وبعدين يعطونك طلق مخفف مو قوي
لأن القوي خطر
وكذا مرة خطر
انا ماعطوني غير مره الحمد لله عنق الرحم فتح عندي بعد البالون ٤ سم وبعد شق ماء الجنين ٦ سم
وظل مافتح ابد حتى بعد الطلق يعني طولت
المسأله يبالها صبر لو ماعندك مضاعفات
وبعدين الحمد لله ظليت اقرا سورة مريم والزلزله لحد ماربك سهلها علي الحمد لله صح تعذبت وتأخرت بس المهم ولادتي كانت طبيعي بعد القيصري ولله الحمد

ههههههه قلت قصة ولادتي كلها بس حبيت افيدك لأنك مثل حالتي

عقبالك الله يسهل امورك
موفقه

رد: طلق صناعي بعد العمليه
 

بالعكس حبيبتي المده اللي قضيتيها كثير كافيه بالنسبه لجرح القيصري لأنه يحتاج من 6شهور إلى سنه على كلام الدكتور وأختي ماشاءالله عليها جابت أول مولود قيصري وحملت بعدها ب4شهور وولدت طبيعي وكل عيالها الباقي 3 برضوا طبيعي.