Icsi اطفال انابيب
 

السلام عليكم يا صبايا..
حابة اكتب قصتي هون لأنو ما في حدا تاني ممكن احكيله اللي عم يصير جواتي.......
انا متزوجة من 3 سنين وكان عمري 27 وكان حلم حياتي اني انجب ذرية صالحة أول ما اتزوج لأنو خطبتي كتير طولت وما عدت صغيرة بس كان حلم زوجي انو اكمل تعليمي بالجامعة وبعدين نجيب اولاد.. سايرته بالبداية وسجلت ماستر بالجامعة وبعد 3 شهور قعدت ابكي قلتله انا بدي اولاد وما بدي نمنع.. وقفنا التمنيع وعدت الأشهر عالفاضي.. لا أنا عم بقدر اركز بدراستي ولا رب العالمين أذن انو يصير حمل رحت عند الدكتورة وقالتلي انو ما فيني شي ولازم نعطي جسمنا وقت وانو ارجع بعد 6 شهور.. رجعت بعد 6 شهور وحولتنا لمركز انجاب
وراح بعدها زوجي عالطبيب وقله انو النطاف كتير قليلة وحركتها كمان بطيئة
بمركز الانجاب عملولنا مرة تلقيح صناعي.. وانا ما ارتحت ابدا وما مشي الحال
دورت ع مراكز تانية وعملت مرة تانية تلقيح صناعي وكمان ما مشي الحال
قررنا نعمل مرة تالتة واذا ما مشي الحال رح نعمل ivf اطفال الانابيب
وطبعا المرة التالتة كمان ما مشي الحال وبدينا بالـivf وكان الطبيب كتير عم يطمنا انو جسمي الحمدلله قوي وكله رح يكون تمام وصرت أضرب حالي ابر لمدة 10 ايام وويوم السحب طلع عندي ماشالله 15 بويضة وزوجي عطاهن النطاف واستنينا لتاني يوم ودقينا.. واذ............... قال ما تلقحت ولا بويضة :( كان عندي فحوص بالجامعة ما رحت عليهن....
بعدين قرر الدكتور انو النطاف مع انها منيحة هالمرة انو يحقن النطفة بقلب البويضة يعني icsi بس قال لازم اريح جسمي لأنو صار عندي فرط تبويض المرة السابقة.. انا تنحت وقلتلو بدي اعملها حتى لو بس بالبويضة الوحيدة اللي رح تطلع
قلي مناخد كلوميد نص حبة باليوم بلكي بيطلع بويضتين.. والحمدلله طلعت بويضتين ولقحون ووحدة انقسمت ووحدة لأ.. ورجعولي ياها واليوم تالت يوم من الترجيع.. ما قدرت اتفاءل لأنو بعد الترجيع قالولي اقوم فورا عالبيت وما خلوني اريح جسمي شوي
ما بعرف ليش كتير زعلانة وكتييييير مكتئبة وحاسة الله لا يقدر رح اخسر زوجي لأنو انا صايرة كتير عصبية ورح اخسر جامعتي لأنو ما عم بقدر ادرس ورح اخسر شعور الأمومة
خايفة اتفاءل وانصدم وخايفة من تشاؤمي ما يصير حمل.................
انا كتير حزينة من جوا وحاسة حالي صايرة ختيارة وما عم بحب اشوف حدا.. الله يخليكن ادعولي رب العالمين يثبت حملي ويرزقني الذرية الصالحة ويحبب زوجي فيني ويحببني بالدراسة
واذا عندكن اي نصائح ليثبت الجنين بتمنى تنصحوني

رد: Icsi اطفال انابيب
 

أولا حبيبتي اهلا وسهلا بيك بيناتنا
ثاني شيء تفاءلي النفسية كثير مهمة للجسم لان العقل هو لي يتحكم بكل شيء في جسمنا
ثالثا انت مانك ختيارة ولا شيء انا عندي 32 سنة متزوجة من سنة و 4 شهور ومازال الله ماكتبلي الحمل
وافكر اعمل تلقيح صناعي او تلقيح مجهري
والصبر هو مفتاح الفرج اكثري من الاستغفار ركزي في دراستك لاتضيعيها حاولي تنسي شوي انا عارفة انو مش ساهل الواحد يركز وينسى موضوع الحمل ولكن انشاء الله ربي يثبت جنينك ويرزقك هذا الشهر

رد: Icsi اطفال انابيب
 

من خلال كلامك واسلوبك عرفت انك جزائرية اليس كذلك ..... الله يثبت جنينك وتشوفيه بعد 9 شهور ان شاء الله .اهم شيء الراحة النفسية والتحلي بالصبر والايمان وانت لازلت صغيرة انا في 36 وعملت حقن مجهري ولم ينجح وحملت من العملية الثانية ولكن اجهضت في الشهر الرابع والحمد لله .ومازال عندي امل ومستعدة لتكرار العملية مرارا وتكرار حتى يرزقني الله وان لم يرزقني فلحكمة لا يعلمها الا هو .

رد: Icsi اطفال انابيب
 

ماشالله عليك وعلى ايمانك.. بس انا سورية ;) وانشالله ياا رب اول عملية بتعمليها بتحملي فيها توأم سليم معافى

رد: Icsi اطفال انابيب
 

الله يقويك وتعملي العملية وتظبط من أول مرة.. نصيحة لا تستني كتير وبلشي فيها
والله ييسرلك يا رب :)

رد: Icsi اطفال انابيب
 

لاتخافي قلبي والله ان الله اذا كتب شي بيصير بااشد الظروف
اهم شي مارسي حياتك طبيعي
كلي الي تبينه امشي روحي تعالي حركي جسمك عشان
الدم يوصل للبيبي
وحاولي تشغلي نفسك واستغفري وتصدقي
وربي مابيخيبك ان شاءالله

رد: Icsi اطفال انابيب
 

الله يكون في عونك خيتي انا حاسة فيكي
بس لاتيأسي من رحمة رب العالمين
يرزقك بدون حساب وحتى ماتتوقعي متى وكيف
انصحك تستغفري ربك دائما وتصدقي بنية الحمل
وكوني ايجابية دائما وحاولي تنسين اي شيء سلبي
واتركي طيبتك وحنانك يتصرفوا مع زوجك وهو ماراح يستغنى نك ابد
وراح يوقف معك ويكون شريكك في اي عملية تسويها ويصير همه قبل همك
وهيك راح تكسبي نفسك وتكسبي زوجك واهم شي الراحة النفسية والجسدية ياعمري
وبعدين الدراسة ماراح تطير أطلبي تأجيل سنة ولا أثنين وأهتمي بحياتك وزوجك
الى ان تتحسن حالتكم النفسية وظروفك وتوكلوا على رب العالمين
وادعيلك ربي يرزقك الذرية الصالحة ولا يحرمك او يحرم اي فتاة تنتظر هذا الشي بفارغ الصبر
وان شاء الله يوم نشوفك فرحانة وتجي تبشرينا بخبر حملك ...امين يارب
مو بعيدة ع الله توكلي واستغفري وانسي اي افكار سلبية في راسك
اتمنى ماطولت عليك خيتي

رد: Icsi اطفال انابيب
 

شكرا كتييييييييير كتير.. عفكرة هلق سألتك نفس السؤال بموضوعك ;) الله يقومك بالسلامة يا رب ويرزقك اكتر مما بتتمني :*

بالعكس ابدا ما طولت علي.. ما بيخطرلك كلامك شقد ريحني.. الله يقومك بالسلامة ويكون البيبي الك ولزوجك قرة عين :)
ورح احاول اكون ايجابية وشكرا مرة تانية :)

رد: Icsi اطفال انابيب
 

حبيبتي طولي بالج فديتج وعادي كل وحده فينا تمر بنفسيه مرات الله اعلم فيها ودايما كوني متفائله واللي يصير امس بينج وبين زوجج انسيه ثاني يوم ولا كأنا صار شي لان احنا مو متزوجين عشان ننكد على بعض بالعكس عيشي معاه بالحلوه والمره وبكرا راح تضحكين على سوالفكم هههههههههه والحياة ماشيه ياقلبي وعمر السعاده مارتبطت بشي معين بالعكس خلج قويه وزوجج محتاج لج لان اكيد اهو نفسيته تعبانه لان فيه ضعف ولازم انتي توقفين معاه ياقلبي وراء كل رجل عظيم امراة عظيمه وانتي الحمدلله دام الدكتور قال لج ان كل شي معاج اوك ليش تحاتين بالعكس مفروض تفرحين لان انتي بصحه وعافيه بس هالله هالله بزوجج ترا اهو يمكن محتاج لج اكثر كوني له الجنه في الدنيا ولا تضيقين حياتج وحياته عشان تجربه والحياة تجارب والحمدلله على كل حال اهم شي انج تتفائلين وترا الايام محسوبه عليج ماتسوى تقضينها بزعل او ضيق افرحي للدنيا وادعي واستغفري واقري قران وعسى ربي يفرح قلبج يااااارب عاجلا غير اجل

رد: Icsi اطفال انابيب
 

ربي يثبت حملك ان شاء الله ويجبر بخاطرك

الله يكون بعونك يااارب اتعوذي من ابليس لاتعطيه مجال يشوش افكارك خليك ايجابيه ونفسسس عميييق واستشعري السعادة

رووحي الحين لزوجك وفضفضي له باليي فيي خاطرررك لاتضايقي على نفسك قولي له خايفه اخسرك وانا احبك واذا هو بيحبك ماراح يتخلى عنك صدقيينيي
لما تكلميه بترتاححي كثييير بقربي منه لاتبتعدي لان اذا شاف منك نفوور راح ينفر منك .. فهميه ايش انتي بتحسي في هالفتره وان شاء الله ربي يسخره لك