منتديات حوامل النسائية - قصتي مع توأمي وولادتي في اول اسبوع من السابع

منتديات حوامل النسائية (https://naqatube.com/index.php)

- إستفسارات مرحلة الولادة (https://naqatube.com/forumdisplay.php?f=96)

قصتي مع توأمي وولادتي في اول اسبوع من السابع

السلام عليكم ورحمة الله وبركاته
سامحوني انشغلت بالحمل وكل تفكيري كيف الولاده ورعاية البيبي
قولو ماشاء الله
الحمدلله عملت اطفال انابيب وكانت العمليه ناجحه وتم ترجيع اثنين اجنه الحمدلله ثبتو
وعشت مرحله جميله وشعور رائع
المهم عشان اختصر لكم الموضوع لانكم اسرتي الثانيه
فحصت وتبين ان عندي ولد وبنت الحمدلله
وكنت اخذ ابر التثبيت مرتين في الاسبوع حتى وصلت نصف السادس نزل عليا ماي كثير وانا راقده رحنا على طول المستشفى في الفحص الاولي يقولون انه ماء واحد من العيال قالو ضروري اترقد وتميت عندهم اربعه ايام كان ينزل عليا متقطع قررو ان اطلع من المستشفى واراجعهم بعد اسبوعين
المهم كان ينزل عليا ماء وكنت اشرب ماء زمزم
بس كان يبين عندهم في الفحص ان ماء العيال كويس
وبعد مارجعت لهم المره الثانيه قررو ترقيدي ترقدت اسبوع وكنت عامله ربط قالو ضروري نفك الربط عشان لاسمح الله يصير التهابات فكو الربط وبدا عندي مخص قوي وآلام شديده اول مره احمل مادري عن شي في الطلق والولاده
كنت في بداية السابع قلت مابقول لهم عشان مايولدوني لاني خايفه على عيالي
اجت دكتوره قالت خلاص ولاده لانه انفتح الرحم اثنين سم نزلت قسم الولاده وانتضرت يوم ونص وكله الم وطلق يجي ويروح
المهم توسع الرحم وولدت وكانو متساعدين معي كلهم وحضور مال الاطفال الخدج قبل الولاده
اخذهم مني حتى ماشفتهم
الحمدلله حالتهم مستقره احجامهم صغيره صار لهم عندهم ثلاثه ايام واحتمال يقعدون اكثر من شهرين مايهم اهم شي سلامتهم
دعواتكم لهم الله لا يحرم كل محروم من الذريه الصالحه
ادعوووووو لعيالي ربي يسعدكم دنياء وآخره