منتديات حوامل النسائية - قصتي مع الحمل..اتمنى تستفيدون

مساء الخير كيفكم صبايا..حبيت انزل اول مشاركه تكون تجربه شخصيه .لاني حسيت بالمعاناه وانا كل ماصار معاي شي رحت ابحث واقرا كنت ابغى شي يطمن بالي .قررت اني اكتب اللي مريت فيه حتى الكل يستفيد واجواب عن اسئله كثيره كنت قبل اتمنى احد يجاوب عليها ..ماعرفت لها اجابه لين خضت تجربة الحمل..اتمنى منكم تدعون لي..انا متزوجه من ثلاث سنوات بديت ابحث عن الحمل بعد سته شهور من زواجي بسبب اصرار زوجي اني اكشف ..خصوصا ان اقاربه اللي متزوجين معانا كلهم زوجاتهم حوامل..توكلت ع الله وكشفت .طلع عندي تكيس بسيط وغده .مع ان وزني مثالي بس مافي سبب للتكيس ..اعطتني الدكتوره كلوميد ..مع ان دورتي نوعا ما منتظمه يعني تزيد او تنقص عن الموعد اللي اتوقع تجي فيه..بعد الكلوميد كنت ابحث عن امكانيه الحمل وقريت كثير بس مالقيت شي يفيدني..رحت بعد 12 يوم وشفت حجم البويضه عند دكتوره ثانيه كنت ف مدينه ثانيه عند اهل زوجي .طبعا بناء ع طلب دكتورتي اللي اراجع عندها .قالت اوكي سافري بس سوي اشاعه ..طلع حجم البويضه 19 ..طبعا قالت لي الدكتوره تاخذي ابره تفجير .رفضت وكان زوجي مصر .بس قالت مو لازم .وضعك طبيعي..بعد 6 ايام رجعت للمدينه اللي يشتغل فيها زوجي ورحت لدكتورتي..عصبت وقالت الاشاعه غلط وحجم البويضه مهو دقيق ما اخذت من كل الجهات وماقاست السمك للبطانه وكلام كثير .احبطتني جدا .وقالت تعالي الشهر الجاي نكمل العلاج ..اللحين مقدر اسوي لك شي ..وغسلت يدي من الحمل .بعدها رحت لاهلي قبل اروح سويت تحليل دوم قبل موعد الدوره ب5 ايام طلع سلبي .وقت العلاقه احس ب الم مهو طبيعي .بس قلت يمكن التهاب..طبعا انا من ايام اول ما اخذت الكلوميد احس بثقل وتعب .رحت لاهلي وانا ع
اساس ارجع لدكتورتي اول ماتجي الدوره واكمل العلاج ..الالم زاد علي مغص يتبع