|
شوفو شو سوى لي البدكير والمنكير
السلام عليكم حبيباتي
اولا ماكتبت هالموضوع الا لاني فعلاً حابه افيدكم وانبهكم انا سويت قبل العيد بدكير منكير وكل شي تمام وشغل حلو مرتب عقب كم يوم حسيت بألم قوي في صبع ابهام ريولي اليوم اللي عقبه ماقدرت ارقد الليل من شدة الالم وعقب لاحظت حوالي ظفري الجلد شوي يميل للبياض وهذا غير انه منتفخ ومستوي احمر يابس مثل الكوره عرفت عقب انه مستوي فيه خراج واسم المشكله ( داحوس الظفر ) ماقدرت اطوف الموضوع ورحت للمستشفى وانا اعري من الالم ولابسه سليبر ^^" لاني مب قادره البس اي جوتي وهناك حولوني على قسم الجراحه العامه الدكتور سوو لي شق وطلع الخراج والالم لايطاق الله لا يبيلكم واليوم ثاني يوم صح انه خف الحمدلله بس بعد مب قادره امشي عدل والالم خفيف وشعور يضايق والمفروض كل يوم اروح المستشفى يغيرون لي الشاش صوب الخراج وهذا غير انه مايطلع كله من اول مره يعني ثاني زياده يطلعونه لج زياده وجي الحمدلله على كل حال الزبده يا بنات لما شاف الدكتور صبعي قال اكثر المشاكل اللي اتيينا بسبة البدكير والمنكير وحذرني اني اقص حواف ظفري وراني اظافره وقال جي المفروض الاظافر تنقص ( بس من فوق فقط وماله داعي يقصون الحواف ويعدلون شكل الظفر ) لانه اذا غير جي انقص هني تطلع مشكلة داحوس الظفر احس اني كرهت البدكير والمنكير من كل قلبي ومابسويه طول حياتي الا بالبيت وبنفسي انا مب يايه اقول لكم لا تسوون ولاتروحون لانه هالشي بالاحلام يستوي بس حابه انبهكم حبيباتي اولا يفضل تاخذون وياكم ادواتكم ولو انه هالشي مب كافي انه مايسبب لكم مشاكل لانه طريقة التنظيف والقص هي الاساس وايد تحذروا وحطوا عينكم عالحرمه وهي تسوي ولاتطلبون مووول تعدل الحواف بس خل تقص وتبرد الاظافر من فوق لاتقرب من الحواف والله اني ما اريد الا مصلحتكم وقلت في خاطري لو اني شفت عضوه منزله مثل هالموضوع قبل كنت بتحذر او يمكن ما بسوي من الاساس ف الحين انا احط موضوعي هذا لكل وحده ماعندها خلفيه عن هذا الموضوع انا ماكان عندي علم مووول بهالمشكله وانها منتشره بسبة البدكير والمنكير الا يوم رحت المستشفى من كلام الدكتور و السسترات ! بالاخير اعيد و ازيد انا ما اقول وقفوا هالشي بس تحذروا |
رد: شوفو شو سوى لي البدكير والمنكير
يزاج الله كل خير حبيبتي
فعلااااااً كلامج صح مره سويت البديكير وسوولي الحواف تنظيف نفس ماشرحتي صارلي حبه بيصاء تعوررررر بس الحمد لله الموضوع ماوصل للخراج بس كان فعلاااً مؤلم وخذ كذا يوم لين خف مع الدواء والحين قمت أخاف وقت البديكير وخصوصاً أظافر الأرجل شاكره لج تنبيهج يالغلااااااا وطرح تجربتج ولج أحلى ى ى ى فاااايف ستاااااارزززز |
رد: شوفو شو سوى لي البدكير والمنكير
يسلموووووووو حبيبتي
|
رد: شوفو شو سوى لي البدكير والمنكير
اشكرج حياتي توأمي على التقييم
شكرا حبيبتي عالمرور الطيب :) |
رد: شوفو شو سوى لي البدكير والمنكير
الله يسلمج يا ام عبدالهادي :)
|
رد: شوفو شو سوى لي البدكير والمنكير
جزاك الله الف خير ع التنبيه
انا اكره البدكير وماسويته خير شر لان مساكله وايده اقعد بالبيت اعدل لنفسي انا |
رد: شوفو شو سوى لي البدكير والمنكير
مشكوووووووووووووووووره يا الغلا
الحمدلله اسوي بنفسي الله يشفيكي يااااااااااااااااااااااااارب وجزززاكي الله خيررررررررررررررر |
رد: شوفو شو سوى لي البدكير والمنكير
اجمعين حبيباتي
وامين يارب عسى الله يشفيني ويشفي جميع مرضى المسلمين والمسلمات |
رد: شوفو شو سوى لي البدكير والمنكير
جزاك الله خير على التنبيه
الله يعطيك العافيية |
| الساعة الآن 04:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .