منتديات حوامل النسائية - مشكلتي مع الاجهاض المتكرر ولله الحمد

منتديات حوامل النسائية (https://naqatube.com/index.php)

- إستفسارات حوامل ثلاثة شهور الأولى (https://naqatube.com/forumdisplay.php?f=9)

- - مشكلتي مع الاجهاض المتكرر ولله الحمد (https://naqatube.com/showthread.php?t=303288)

مشكلتي مع الاجهاض المتكرر ولله الحمد

السلام عليكم صبايا

انا حابه بس احكيلكم مشكلتي مع الاجهاضات المتكررة اللي تعرضتلها خلال سنه يمكن تستفيدو من اللي مريت فيه ..
انا اجهضت من شهر 8 السنه الماضيه 5 مرات او 6 لانه فيه مرة من المرات ما فحصت من الزهق وبعد فترة نزلت افرازات فهمت منها اني كنت حامل

اول شي بدي ابدا بنصيحه مهمه جدا ..انا جبت ابني الله يحميه يااااااااااارب قبل 5 سنين بالزبط وطبعا حمل طبيعي وولاده طبيعيه لاخر يوم وع موعدتي ولدته بدون ايييي مشاكل والحمدلله ومن كتر ما غلبني بعد الولاده قلت خلاص قبل 3 سنين مستحييييل افكر احمل وقررت كمان اني مالازم اولد بالشتا لاني تغلبت كتيييير من البرد والاستفراغ 5 شهور محبوسه مع ابني بالبيت وكل يوم يستفرغ كل ما يرضع ...المهم نسيت انه ربنا اللي كاتبه بصير " انت تريد وهو يريد والله يفعل مايريد)
بس اجى الوقت اللي فكرت فيه احمل ومرت شهور وما زبط اجى رمضان السنه الماضيه وضليت ادعي واستغفر وابكي وزبط الحمل بس طبعا ما يكمل اجهض ع طول وقضيت السنه هيك اطلع حامل وبعد كم اسبوع اجهاااااااااااااااااض بدون اي سبب خلاص ينزل دم وينزل هرمون الحمل..الا تاني اجهاض عالشهر الرابع رحت اشوف جنس البيبي طلع موقف النبض وطبعا ادخال مستشفى ويومين عمليه اجهاض .. وبشهر 3 السنه الحاليه اجهضت توام طبعا هاد لحاله قصه ما فهملها اكبر دكتور بالاردن ...طبعا السبب غير معرووووووووووف كل فحوصاتي مافيها شي ولله الحمد ..بس كل مرة شكل يعني مرة هرمون الحمل منخفض ومرة خلاص بكون مرتفع وبنزل ... جربو معي كلشي ..كورتروب و بيبي اسبرين وهلكت فوليك اسيد ودوفستون ومثبتات وهو اصلا ضعيف وينزل .
طبعا رحت ع شيخ يقرا علي وماخليت حد ما سالته ..كانو يحكولي عندي قرينه بس انا ما عندي اعراض قرينه زي انه بحلم كوابيس بس كنت اشوف ارنب بطلع علي وكل ما اشوفه تاني يوم اجهض :( وهالمرة هاد الشهر حلمت اني عندي 3 ارانب كبار بمطبخ ماما بس ما تطلعو علي عرفت اني حامل عطوووول

وفعلا حملت ولله الحمد و نسبة هرمون الحمل عندي منخفضه ك اغلب حالاتي "30" رحت عند دكتور ما راجعت عنده قبل وحكالي رح يتبع معي طريقة جديدة بده يعطيني من اول يوم بعرف انه انا حامل ابر هايبر 3500 وتحاميل وبيبي اسبرين وفوليك اسيد ..
واخدت من اول يوم وصارت النسبة 172 بعدين فحصت 800 بعدين لحد ما وصل 9790 رحت عالاسبوع الخامس افحص عشان اشوف بس الكيس هاد كان املي ...راح فاجئني الدكتور انه لازم يكون النبض مبين وطبعا ما بين النبض وفحصني داخلي وبرضو ما بين وانا طبعا فرحتي كلها راحت

بعدين فتحت على المنتدى وصرت اقرا وعرفت انه ممكن يتاخر النبض
رحت ع دكتور تاني ع سبيل الاحتياط والحمدلله الف مرة سمعت النبض بس قاللي انه البيبي صغير ومن هون لشهر ونص بتطممني ان شاء الله عالبيبي ..وحكالي انه احتمال يكون التبويض صار متاخر وانا اصلا كنت مسافرة واخدت من البلد اللي كنت فيها منشطات هيك ع كيفي ف ان شاء الله يكون بسببها تاخر التبويض .. ادعولي امانه الله يتمم حملي ع خير لاني فعلا تعبت والحمدلله ع كلشي
اسفه عالاطاله