منتديات حوامل النسائية - ياهلا باللي ع الدنيا حضرر قصة ولادتي،،،

السلام عليكم ورحمته الله وبركاته
ابشركم جبت ولد بتاريخ7/11الفجر الساعه 5/45 دقيقه
طبعآ ولادتي هذي شفت الموت فيها لاني من دخلت التاسع وانا تعبانه ومصخنه قبل ولادتي بثلاث ايام صخنت وارتفعت حرارتي وطلبو علي ترقيد وطلعت ع مسؤوليتي اليوم الثاني ماقدرت اتحمل ورحت للمستشفى وترقدت بتاريخ5/11طلبو علي تحاليل وفحوصات عشان ان معاي حراره ومافي اي التهاب بالجسم ولا بالبول جا ثاني يوم قالت الدكتوره لازم نولدك ونسويلك تحريض عشان الطفل مايتعب من الحراره صعدوني للغرفه الولاده وحطولي طلوق صناعيه عن طريق التحاميل الساعه11وماسوت لي شي بالرغم اني كنت اشرب ماي زمزم وتمر طبعا ع الساعه 3 دقت امي علي ورديت عليها وسالتني وينك قلت ببيتي وين عيالك نايمين وبعدها نادتني الممرضه وسمعت الصوت قالت وينك انتي قلت عند عجوزي وسكرت ماصدقت انها سكرت خفتها تكشفني وتنقل همي واكسب خطاها وبعدها حطو الثانيه الساعه ثمانيه وبدا طلق خفيف وشربت شوربه حيل ساخنه ع الساعه11 وبدا يشتد الطلق منها هنا طلعت علوم وسوالف تعبت حييييييل جاني الم فظيييييييع درجته ماقمت اتحمل وقمت اصيح المهم ع الساعه 3 تعبت ماقدرت اتحمل كل شوي داخله الحمام وضليت بس ابكي المهم جت الساعه 4،47ومعاي تليفوني دقيت ع زوجي وقمت اصيح له قال انا صاعد لك المهم غرفه الولاده فيها دريشه للممرضات عشان اهل المريضه اذا بيسألون عنها طبعآ انا كنت متخبيه داخل في مستتودع للخدامه اللي تنضف وفي كرسي كنت جالسه ع الكرسي وجتني الممرضه وقالت زوجك يبيك قلت لها قولي له احلام ماتبيك وضليت ادعي عليه من هالادعيه هههههه
المهم راح المغص لانه يروح ويجي ولما راح رحت له ويسولف لي من الشباك عاد جاني المغص وقمت اصيح واسولف له بصوت عالي واقوله مقدر اتحمل وهوو يقول لي احلام وطي صوتك عشان اقدر اتكلم معاكي اذا ماوطيتيه امشي واخليك هنا ارتفع ضغطي لا احساس ولا شي عاد مشيت وخليته قبل مايمشي ويخليني المهم رحت وطلبو تخطيط لنبض الطفل وكان تليفوني معاي رحت وحطو الجهاز ع بطني وادق ع اختي الثانيه طبعآ الرحم كان فاتح بس ثلاثه ومازاد دقيت عليها وقمت اصيح لها قلت لها جيبي اي شي يفتح الرحم لو،،،،،،طبعآ الممرضه قاعده تحط الجهاز واقوم وارجع تعبت منه واختي تسمعني وانا ابكي عاد تقولي احلام تعوذي من ابليس وضلت تهديني المهم سكرت منها والتخطيط قالو نص ساعه وانا مقدر لارم اتحرك يعور الطلق اذا كنت منسدحه ومرت عشر دقايق وقلت لهم نزلوه ابي حمام ونزلوه ورحت للحمام وقمت اصيح وكسرت خاطر الممرضه نادتني قالت تعالي اعطيك شي يهدي العوار شوي انا استانست قلت يمكن بنج وقامت تخلط من الابر وحطت الابره بالوريد ولما سالتها شنو هذي قالت هذي شي يلين عنق الرحم طلبتها تفحصني وقالت انا شاكه بشي انسدحي ع السرير عشان افحصك لما فحصتني ققالت شكي بمحله قالت الراس حييييل نازل المهم طلع فاتح خمسه واسألها يعني متى اولد قالت ع العشره الصبح انتي والده هنا قمت اقطع بملابس واقولها وش يخليني اتحمل هذا
المهم كان وقتها صلاة فجر وكان الامام جزاه الله كل خير يقرا سورة مريم ودعيت بين الاذان والاقامه ان مايطلع الصبح الا وانا والده وقمت ادعي من ادعيه فريال اللي بباب الحاره يافتح ياكريم افتح رحمي وقلت يارب مثل ماسهلت ع مريم سهله علي يارب المهم جت الدكتوره والاخصائي اول ماشفت الدكتوره ضميتها وضليت امسك خدودها كانت دبدوبه شوي عشان تولدني ع خمسه كنت اترجاها المهم جاني مغص وع طول جلست تحت وماسكه ايدينها وتقولي قومي يابنتي المهم لما راح المغص قمت وطلبو تخطيط مره ثانيه طبعآ الاخصائي يشوفني ويضحك طبعا كنت اخبط نفسي بالجدار عاد قال لدكتوره عطوها مهدي وسوو تخطيط وشوفو كم فاتح رحت المهم كانت وحده والده وتشوفني وش اسويي من كثر التعب قالت تعالي ابي اعطيك نصيحه بس كم فاتح معك الرحم اول قلت لها خمسه قالت شوفي متى ماحسيتي انك بتدقين ادفعي وراح يفتح بسرعه ماعليك منهم وسويت نفس كلامها وانسدحت ع السرير وجت الدكتوره فحصتني وقالت فاتح سبعه واقول لها يله ولديني ع سبعه مو مهم وش يصير قالت انتي حيل مدلعه
المهم سويت نفس كلام المره وضليت ادفع وقدامي الممرصه اللي تولدني المهم شافت بداية الراس وضلت تهاوش ونادت كل اللمرضات يسووون الاغراض والمقصات وهي ع طول جتني وطلعته طبعن كانت ع يميني الدكتوره ويساري الاخصائي ويقولي شاطره ياست الكل وربي دفعت مرتين والثالثه طلع عرالساعه5،45تخيلو لما طلع اقولهم وروني اياه ابي اشوف ماني مصدقه عاد وانا ع سرير طلبتهم تليفوني ابي اكلم امي والدكتور يقول خلي المشيمه تطلع وبعدين كلميها عاد قلت له لاتلومني امي بالكويت وماتدري اني تعبانه واني مرقده وابي ابشرها انا قبل الناس كلهم وابي هي اول وحده تدري وجابو تليفوني وكلمتها ووبعدها ضلت الممرضه تطلع الميمه لانها تقطعت ببطني وانا ضليت احمد ربي اني ولدت وارتحت والحمدلله ع كل حال وبعدها دقت علي اختي اللي كلمتها قلت ابي شي يفتح الوحم مو مصدقه اني ولدت لاني بيني المكالمه وولادتي ساعه وبعدها ارتحت وطلعت ثاني يوم عشان حرارتي وثالث يوم رحت دكتوره خاصه سوت لي جراحه تضييق لانهم المستشفى ماسووو لي ولا نص غرزه والحمدلله والحين انا بمعانات الخياطه تذبح اللي تعرف شي يهدي الألم تقولي لانه منتفخ ويعور
عاد الدكتور مبلغ زوجي انه لو ماولد ع الساعه ثمانيه الصبح يولدوني قيصري بس الحمدلله الله فكني من القيصريه لاني كارهتها