منتديات حوامل النسائية

http://forum.hwaml.com/imgcache2/hwa...920156_359.jpg
سلطة الفليفلة

فليفلات ملونة ( صفراء - حمراء - خضراء )
معكرونة حلزونات مسلوقة
ذرة
بصل أخضر - شبنت - بقدونس
الصوص : ( زبادي و ثوم و ملح و خل و زيت زيتون )
بعدين الفتوش اللي هو خبز مقصص و مقلي .

عصير كوكتيل سعودي

تقصصون الفواكة ( فراولة ، تفاح ، برتقال ، ليمون ، نعناع ) تحطونه بالجيك و تصبون شوي ماي غازي و دخلوه بالثلاجة .
قبل التقديم صبوا عصير تفاح + بيرة تفاح استخدمت بربيكان + سفن اب

وطبعاً حلات هالمشروب بااااارد ف ضيفوا عليه ثلج hwaml02

المكرونــــة
معكرونة مسلوقة .
تحمسين بصل و ثوم و جزر و فلفل اخضر و اذا تبين بازاليا ، بعدين تضيفين المعكرونة عليهم .
احمسي ثوم و 5 طماطم و علبة صلصة الطماط حطي معهم شوي ماجي و ملح وفلفل و شوي ليمون لين ما يتسبّك بعدين حطي
اوريقانو و كاري و اضيفيهم على المعكرونه .
تحطين المعكرونه بصينية بايركس .
اخلطي شوي قشطة خفق + 4 ملاعق جبن سايل + نص بيالة حليب بارد ، صبيه فوق المعكرونه و حركيه بالشوكه .
فوقه حطي زيتون و اوريقانو و سماق و دخليه الفرن ساعة الا ربع و بعدين طلعيه و حطي مزوريلا و بالعافية

http://forum.hwaml.com/imgcache2/hwa...920102_358.jpg

كاساديا الدجاج

المقادير : صدور دجاج مقطع مربعات.
خبز تورتيلا .
بصلة كبيرة .
3 ملاعق كريمة خفق .
بهارات ( ملح ، فلفل اسود ، كمون ، باربريكا ، فلفل احمر مبشور )
حبة فلفل اخضر مقطع مكعبات .
نص كوب زيتون اخضر .
ملعقة ليمون .
كوب جبن تشيدر مبشور .
كوب جبن موزاريلا .
ملعقتين زيت زيتون .

الطريقة : يتبل الدجاج بالبهارات و عصير الليمون و يترك 10 دقايق .
في مقلاة نحط الزيت زيتون و نضيف له بصل و اذا استوى نحط الدجاج المتبّل بعدين الفلفل الاخضر . اذا استوى نشيله من النار و نحط الزيتون
الاخضر و كريمة الخفق و نقلبهم زين .. ناخذ خبزة التورتيلا ندهن اطرافها بالجبن السايل و نحط خليط الدجاج بشكل متساوي و رشّي عليه جبن التشيدر و الموزاريلا و نسكرها بخبز تورتيلا ثاني نحط الخبز في مقلاة حار مش لاصق و نتركه لين يتحمر من الجانبين بنار هاديه و بنفس الطريقة تتسوى لباقي الخبز و تقطّع الكاساديا 4 أو 8 أجزاء

الف صحه وهنــــــــــــــــا