منتديات حوامل النسائية - تجربة ولادتي بمستشفئ قوئ الإمن بالدمام

الولاده في مستشفئ قوئ الأمن بالدمام
كويسه حيل وممتازه عنايتهم من دكاتره للممرضات فلبينات
انا تابعت عندهم بالشهر التاسع يعطونك موعد كل أسبوع كنت كل موعد ياخذون لي قياس الضغط والوزن والسونار وع حسب حركة الجنين اذا ضعيفه ياخذون لك تخطيط لنبضات قلب الجنين لمدة نصف ساعه اخر اسبوع لي بالتاسع جيتهم قالت لي الدكتوره انتي مطوفه يومين لازم بعد يومين تجين تنويم عشان ولاده ونعطيك طلق صناعي انا صراحه خفت بس توكلت ع ربي وجيت للموعد وتنومت نظامهم كل 2 بغرفه ،، طبعآ حاولو فيني يخلوني ع الطلق طبيعي وتحريض للرحم مو راضي ينفتح لين بالطلق الصناعي يعطونك فرصه لاخر لحظه انك تولدين طبيعي مايقررون القيصريه الا للضروره
طبعا انا طولت ولادتي تنومت اسبوع الرحم مو راضي يستجيب ويفتح ولما ضعف نبض الجنين سو لي قيصريه نظامهم بالولاده كل وحده بغرفه لحال وعندها نيرس تراقب حالتها وكل كم ساعه تمر الدكتوره المسؤله انا دكتورتي كانت دكتوره عائشه هنديه مره تعاملها يجننن وحبيبه وحتئ وقت فحص الرحم يدها خفيفه وبالها وسيع وكمان فيه دكتوره ديما حبوبه ويدها خفيفه ودكتوره منيره ولانا شاطرات بس ماارتحت لهم انا حالتي كانت صعبه ويتابعون حالتي 2 من الدكاتره الدكتور نائل استشاري شاطر والدكتور بشير طبعا مايكشوف ع المريضه لأن كل دكتور تكون معه دكتوره مرافقه هي الي تكشف انا الي سوا لي العمليه دكتور نائل طبعا يخيرونك اذا تبين بنج نصفي او كامل انا طلبت نصفي ماابي كامل تخوفت بس قالت لي دكتوره التخدير مايتحمل الجنين ياثر عليه وانا حالتي ماتحمل تاجيل لان النصفي ياخذ تقريبا فوق 10 دقايق عشان يبان مفعوله والكامل بسرعه تقريبا اخذت نصف ساعه او ساعه مو متذكره بالضبط بغرفة العمليات وصحيت بسرعه ماكانت فيني الدوخه القويه يمكن عشان كنت قبلها صايمه يومين وماشربت قهوه والي فهمت انهم مازادو لي جرعه البنج كثير عشان الجنين
صحيت ع طول يورني صورة البيبي بالملف ونقلوني لجناحي الطفل يقعد بالحضانه مايجيبونه لامه هم يهتمون فيه ويكون معك مرافق انا امي ربي يحفظها رافقت عندي لين طلعت للبيت عنايتهم بالبيبي ممتازه يهتمون فيه بكل شي الطفل يجيبونه لك متئ ماطلبتيه بس وقت الزياره مايجيبونه يسمحون بس للاب والام يدخلون للحضانه يعطونك شفاطه تشفطين للبيبي ،، وفيه غرفة خاصه للام والاب والطفل بقسم الحضانه ، مايحتاج تكثرين ملابس انا كفتني لبسه وحده للبيبي لما طلعت لبسوه وانا لبستين كنت اغير فيهن وقت الزياره بدال لبس المستشفئ وعمليتي كانت تجمليه ،، وبس الحمدلله ع كل حال ورزقني بنتي بكامل صحتها،، ادري كلامي مو مرتب ولا متناسق انا الحين لي تقريبا شهر والد وحاولت اكتب تجربتي للمستشفئ عشان غيري يستفيد وتكون عندها معلومات لاني تعبت وانا حامل وانا ابحث بالنت تجارب وماحصلت الا تجربتين فقط 😰