|
الم الظهر المستمر من الدوره حتى ايام التبويض
السلام عليكم عندي استفسار انا اخر دوره لي كانت 22-9 -2010 ومع الدوره صادني الم ظهررر المشكله الدوره انتهت والالم ماراح يروح ويرجع بالليل كل يوم والم مزعج بشده استغفر الله الحين صار وقت التبويض وانا اتمنى اني احمل هالفتره يارب بس اخاف الم الظهر ياثر سلبياً شالحل وشالسبب لهاالالم برايكم وحبيت اذكر اني ادرس يعني كل يوم اطول بالجامعه بس هالشي من كم سنه والم الظهر هالمره غريب اول مره يطول هالكثر |
رد: الم الظهر المستمر من الدوره حتى ايام التبويض
انتظررركم,,,,,,,,
|
رد: الم الظهر المستمر من الدوره حتى ايام التبويض
سلامتج ماتشوفين شر إن شاء الله..
يمكن تكونين باذله مجهود وهذا أثره ويمكن قرحه في الرحم طيب روحي لدكتوره يالغاليه حتى تطمنين أكثر وإن شاء الله خير يارب وطنينا عنج .. |
رد: الم الظهر المستمر من الدوره حتى ايام التبويض
هلا اختي سماسم تسليم ياقلبي على الرد
بس مافهمت شلون قرحه بالرحم؟؟ وشنو اسبابها كيف اعراضها؟؟ انا بس عندي الم بالظهر اكثر شي بالليل |
رد: الم الظهر المستمر من الدوره حتى ايام التبويض
خالتي كانت تشتكي من ظهرها بشكل كبير حتى ماتقدر تتقلب وهي نايمه ولمن راحت وكشفت قالو لها قرحه في الرحم وخذت علاج و الحين الحمد الله تمام ..
عشان جذيه أقولج يمكن إلي فيج بسبب مجهود قمتي فيه أو من لبس الكعب أو قرحه فاروحي أحسن شيء لدكتوره وإن شاء الله ماتشوفين شر ,, |
رد: الم الظهر المستمر من الدوره حتى ايام التبويض
الاكيد من الكعــــب بس شاسوي ماقدر استغنى عنه احاول كثر ما اقدر اخذ كعب مريح
بس ماقدر البس بدون كعب انا قصيره خخخخخ طولي 152 |
رد: الم الظهر المستمر من الدوره حتى ايام التبويض
طيب حاولي تاخذين كعب يكون مريح ومتساوي خاصه في الأماكن إلي تلزمج تمشين كثير
,, |
| الساعة الآن 06:03 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .