|
سساعدوني ياخواتي تعبت من حياتي بعد ولادتي
مرحبا ي الغاليات
ابعرض لكم مشكلتي لعل القى عندكم حل والود ودي اوصل لواحد من الاستشاريين يساعدني انا متزوجة من سنتين ونصف والله العظيم احلى سنين عمري زوجي كان لي مثل الاب اللي مدلع بنته مهتم ويعطيني بلا مقابل مايهمه دلعته او لا اصلا ماكان معطيني مجال اعطيه لانه مسرف علي باهتمامه وحبه وتدليعه كلام حب ودلع وتنفيذ للطلبات لكني ماقصرت معاه كزوجه وعشيقه وصديقه كل اسراره عندي وحياته وكل شي ونفس الشي انا مامر يوم وتهاوشنا او تجادلنا كنت اقول وين الزواج اللي يقولون عنه مو حلو اذا ابتعدنا عن بعض فتره ايام دايما نكون عالواتس وكلام حب وشوق وتغيرت حياتي يوم ولادتي لبنتي الله يحفظها رحت لاهلي مافي تواصل بينا ولا كلام حب ولا اهتمام ماصار يعطيني نفس قبل بس يرسل شنو ناقصكم شلون البنت… الخ قلت يمكن لاني بعيده عنه رجعت بيتي مافي شوق جفاق عاطفي… العلاقه الجنسيه معدوده ع الاصابع شكيت بخيانه لكن طول يومه معانا… تلفوناته عندي يعني انسان فيه خير وواضح… مافي كلام مدح ولا نظرات اعجاب مافي ضم وبوس نفس قبل 24 ساعه انا ادري ان لازال في حب الدليل يساعدني في بنته ويعاوني .. يحبها .. جايب لي شغاله يبي راحتي وطلباتي تستجاب بس وين اللي يحبني ومعجب فيني حتي كلامم الحب مايقدر يقوله ويستصعبه اعطيكم مثال قبل لما احد يمدحني يقول فديتج اكيد انتي الحلا والزين وتستاهلين الحين يقول مايسير الواحد يمدح نفسه قبل لما اعطيه كلمة غزل يرد علي برد احلى الحين يسكت او يطالعني بنص عين يعني منحرج ياناس هذا مو زوجي الحنون اللي اعرفه تكفون ساعدوني لاتقولين بادري بادرت وشفت صد وجربت التطنيش ولاهمه ناقشته قال مافي شي تغير يتهيأ لج |
رد: سساعدوني ياخواتي تعبت من حياتي بعد ولادتي
اووو حبيبتي والله قهرتيني انا وزوجي نفس حبكم بالضبط ليل نهار كﻻم جميل والحمدلله لكن لسى ماحملت ماعرف اذا بيتغير.حبيبتي ممكن احد مخربة عليج او موصلة عنج شي مضوجة وساكت عنج راجعي نفسك يكون بادر منج شي معاه او مع غيرة يكون جرحه وهو ساكت بس مومعناته تغير حبة لج وماعاد يحبج لتخافين
|
رد: سساعدوني ياخواتي تعبت من حياتي بعد ولادتي
معلشحبيبتى..يمكن لأنك توك والده واصبح فى مسءولية واهتمام للمولودة..
|
رد: سساعدوني ياخواتي تعبت من حياتي بعد ولادتي
لا مافي شي مزعله ولا شي
لان التغيير من صار ابو من اول يوم مايمدي ع شي دورت في الانترنت طلعت هالمشكله في كل ديره وان شي طبيعي بس مدري لي متى بتستمر ميحرمنيش > ان شاءالله مايطلع زوجك هالنوع ام القمر عمر بنتي الحين 3 شهور يعني مو توني والده |
رد: سساعدوني ياخواتي تعبت من حياتي بعد ولادتي
و الله الرجال و الزمان ما فيهم امان.....
كلهم بيتغيرو صدقيني هي فقط مسالة وقت انا كمان لساتني عروس 3 اشهر و زوجي ابتدا يتغير معي و اصبح بارد مو زي الاول و ممكن من كثرة المشاكلايضا..... خليه راح يرجع لحالو |
رد: سساعدوني ياخواتي تعبت من حياتي بعد ولادتي
خوفتوني ليكون زوجي كمان بيتغير
ادعولي بالله الله يسخر لك زوجك |
رد: سساعدوني ياخواتي تعبت من حياتي بعد ولادتي
عادي حبيبتي الحال من بعضوووو من ولدت و تغير الغزل وكلشييي
|
رد: سساعدوني ياخواتي تعبت من حياتي بعد ولادتي
حبيبتي يمكن عنده مشكلة ومو راضي يقولك عشان كدا باله مشغول وماعنده نفس حاولي تستفسري منه او خليه كدا الين يصراحك
|
رد: سساعدوني ياخواتي تعبت من حياتي بعد ولادتي
الله يساعدك خيتو
|
رد: سساعدوني ياخواتي تعبت من حياتي بعد ولادتي
والله ياحبيبتي بما انه مثل قلتي كل شيء امام عيونك من تيلفونات ومكالمات ووووالخ
يعني الريال ماعنده سوالف وبعدين الريال كريم معك ومازال مدلعك ولو مايحبك او يخاف عليكي ماجابلك خدامه تساعدك بعد أول طفل يعني راحتك مهمه بالنسبه له حبيبتي لاتخلي الشك او اي كان يدخل حياتك ويخربها الريال ماعليه كلام الله يحفظكم لبعض والله لو تشوفي غيرك تهون بلوتك كثييييير عن متزوجات مظلومات أخريات وبعدين ممكن يكون بعد ما أنجبتي حس بالمسؤوليه اكثر وانه مو قادر يستوعب مثلاً انه صار أب ومتحمل مسؤوليه عائله بعد ماعاش الدلع معاكي نحط كل الاحتمالات بما انه لازال شخص لايعوض حبيبتي نصيحه لاتبدأي بخلق مشاكل بينك وبينه وكثرة سؤاله عن ليش انت متغير خلك طبيعيه معاه وان شاء الله يرجعلك مثل أول وأحسن الله يسعدكم ياااارب |
| الساعة الآن 12:27 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .