منتديات حوامل النسائية - الاهتمام بالمنطقة الحساسه ونظافتها

منتديات حوامل النسائية (https://naqatube.com/index.php)

- المنتدى الطبي الــعــام (https://naqatube.com/forumdisplay.php?f=34)

- - الاهتمام بالمنطقة الحساسه ونظافتها (https://naqatube.com/showthread.php?t=299957)

الاهتمام بالمنطقة الحساسه ونظافتها

الاهتمام بالمناطق الحساسة (مهم جدا)
مرحبا كيفكم بنوتات اليوم جايبه لكم موضوع غاية في الاهميه

اول شي الي دعاني اكتب هالموضوع لاني شفت بنات كثير مايعرفون كيفية الاهتمام بالمنطقة الحساسه ونظافتها ..

فلخصت مجموعة نصايح مهمه تهم كل بنت اومتزوجه :

1- تنشيف المنطقه بعد كل حمام - الله يكرمكم - لان الرطوبه مكان مناسب لنمو الفطريات ... ويكون التنشيف من الامام الى الخلف وليس العكس _ عشان ماتنتقل البكتيريا .

2- - ضرورة تغيير الملابس الداخليه على الاقل مرتين او ثلات مرات باليوم _ وان تكون قطنيه 100 % عشان تمتص العرق وتكون مريحه - موضيقه - عشان تتهواء المنطقه .

3- ازالة الشعر من المنطقه باستمــــــرار - وخصوصا - بعد الدورة الشهرية .......... لان البكتيريا تعلق في الشعر وخصوصا ان المنطقه مكتومه فتؤدي الى الالتهابات .

4- ابدأ ابدا لاتفكررررررررين تستخدمين الصاااااااابون لهالمنطقه لانه ضاااااااااااااار
وبتقولين ليه ؟؟ انا اقولك ليه ........ لان المنطقه هذي فيها نوعين من البكتيريا .. نافعه - وضاره
والصابون يقتل البكتيريا النافعه من المنطقه الي المفروض تكون متواجده اساسا ... وبذالك الصابون العادي يسبب لك التهااااااااااابات وجفاف فضيع ومقرف للمنطقه ...انتبهي .

5- استخدام الغسول النسائي او غسول الماي والملح ... لتعقيم المنطقه وتنظيفها وقتل البكتيريا الضاره والتقليل من الافرازات .
وافضل الغسولات الطبيه - عن تجربه - لاكتاسيد Lactacyd ( ومتوفره بكل الصيدليات )
وتنفع للبنات والمتزوجات آمنه ومامنها ضرر . وتستخدم مرتين باليوم او عند الحاجة وبانتظام بخاصه خلال الدوره الشهريه

6 - استخدام المسك بعد الدورة لانه (( سنه )) .. وبتحسين بعد استخدامه ان المنطقه منتعشه والريحه حلووووه تبقى طول اليوم .... المسك المكعبات من عند عبدالصمد القرشي عن ايدننن .

7- ضرورة ترطيب المنطقه بأي كريم مرطب أو بيبي اويل جونسون - لان السواد يأتي نتيجة الجفاف

8- الي تعاني من السواد انصحها بلبس الشورتات القطنيه .
9- تغيرالفوط الصحية كل ثلاث او اربع ساعات ضروري

10- اغسلي ملابسك الداخليه بماء حار عشان تقضين على البكتيريا .

11 - ملابسك الداخليه اغسليها بنفسك ..... ولاتخلين الشغاله او اي احد يغسلها عنك لانها ممكن تخلطها مع ملابس اخواتك او اخوانك او زوجك او اي احد .. واعرف وحده جاتها التهابات وبلاوي والسبب ان الشغاله تغسل ملابسها الداخليه مع ملابس اخوانها .

12- لما تغسلينها نقعيها عددددل بالماااي عشان تروح بقايا الصابون العالقه فيها .

13- الاكثار من شرب الماء .