|
افرازات دموية في الشهر الثامن
بنات انا من يومين صار ينزل مني افرازات دموية لونا احمر واحيانا بصير لونا بني
المهم خفت كتير لأني بنص الشهر التامن وباقيلي اسبوعين ادخل التاسع رحت عالطوارئ فحصوني داخلي وقاسو نبض الجنين والطلق وقالتلي كل شي تمام بس روحي بكرى عالدكتورة رحت عالدكتورة وكان الافراز مستمر اول مافحصتني قالتلي مفتوح واحد سم وفحصتني بالسونار قالتلي عندك ولادة مبكرة لازم تلحقي عالمشفى ليعطوكي ابرة الرئة خوفتني كتير وقعدت ابكي فحصت الطلق والنبض والضغط وقالتلي كلو تمام بس عندك ولادة رحت عالمشفى وهون المفاجاة اجت القابلة فحصتني ورجعت قاست النبض والطلق واجا دكتور خاص كمان فحصني وعملي سونار وقلي مافي لااعراض ولادة ولا مفتوح الرحم تفاجئت كل هالخوف وطول اليوم ابكي والحمدالله طلع مافي اعراض ولادة ولا مفتوح الرحم والقابلة قالت مامفتوح الرحم بس قلي عندك طلق والجنين بالحوض ولازم ترتاحي رياحة تامة وكتبلي ع دوا لحتى يروح الطلق واطمن اكتر والحمدالله اليوم راحت الافرازات بس سؤالي مين صار معا نفس الحالة وهل صار ولادة مبكرة والافرازات رجعت ولا خلص راحت ولحتى تعرفو الافراز متل سدادة الرحم لما شفتا قلت خلص رح اولد اكيد طولت عليكن بس بدي قلكن مو اي شي بتقولو الدكتورة لازم نخاف والله يسامحا هالدكتورة عيشتني يوم صعب كتير وخاصة اني بالغربة وماعندي حدا بس جاوبو ع سؤالي لحتى اطمن اكتر ويرتاح بالي والله يهون علي وعليكن يارب |
رد: افرازات دموية في الشهر الثامن
الدكتورة ما غلطت خافت عليك الولادة المبكرة وابره الرئة احتياطية يعني انها ان حصلت ولادة مبكرة البيبي رءتاه محميتين وان لم تحصل الولادة فلا ضرر من الابرة ارتاحي جيدا انشاء الله تفوت الايام الباقية بسرعة
|
رد: افرازات دموية في الشهر الثامن
حبيبتي نور الدكتورة هي الوحيدة الي قالت عندك ولادة مبكرة والرحم مفتوح
والقابلتين والدكتور قالولي ماعندك اي اعراض ولادة وطلبت من الدكتور ابرة الرئة قلي ابدا مايحتاج لأن الرحم مسكر بس الجنين بالحوض وعندك طلق وهيدا الشي بروح بالعلاج والرياحة التامة لحتى ادخل التاسع الله يسامحا لأن ماتتخيلي شو خوفتني حتى تقلي الجنين بحالة خطرة طول اليوم ابكي والحمدالله ع كل حال والله يهون ع كل الحوامل يارب ويسلمو ع مرورك حبيبتي نور والله يسمع منك بأتمام حملي ع خير امين يارب |
رد: افرازات دموية في الشهر الثامن
بنات كل هل المشاهدات ولا رد
بس بدي اطمن ممكن تصير ولاده مبكره او ترجع اع الافرازات و اليوم حاسي بطني صايره صغيره بتمنى الي عندا معلومة ما تبخل فيها علي والله يهون عالجميع يارب |
رد: افرازات دموية في الشهر الثامن
ان شاء الله خير وتلاقى حد يفدك |
رد: افرازات دموية في الشهر الثامن
عندما ينزل البيبي الى الحوض ينقص حجم البطن ان كانت الافرازات توقفت والالم راح فلا عليك لان البيبي بدا ياخذ الوضعية للولادة وان كنت بكرية فهذا عادي لان البيبي عند البكرية تستقر وضعيته في الحوض في الشهر الثامن اما ان كان عندك افرازات والم انصحك تروحي للمشفى وتعملي ابرة الرئة احتياطي
انشاء الله تدخلي الشهر التاسع وتميه وتولدي بالسلامة امين |
رد: افرازات دموية في الشهر الثامن
شكرا يابنات
يمكن ماصار هادا الشي مع حدا وبتمنى هادا الشي انو مايصير لأي وحده والله يهون عل الكل يارب ويسهل الحمل والولاده وانشالله تمضي الايام بسرعه لأدخل بالتاسع دعواتكن الي يابنات |
| الساعة الآن 03:42 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .