|
ابيكم تشرحون لي مراحل الحقن المجهري
السلام عليكم
حبيباتي معليش على ازعاجكم بس انا ابي اعرف مراحل الحقن المجهري من الف الى ياء وبالتفصيل وهل فيه وقت السحب والترجيع بنج كاااامل او لا ؟؟ تحملوني بس واللله ماعندي غيركم يشرح لي ويفهمني احبكم والله يرزقكم من حيث لاتحتسبون |
رد: ابيكم تشرحون لي مراحل الحقن المجهري
حبيبتى والله اناا ما عندى اى علم بالحقن المجهررى
تاخرت فى بدايه زواجى عن الحمل وبعد ما فقدت الامل قررت احقن مجهرى وقبلها بشهر الله كرمنى طبيعى بدون اى شىء ربناااااااااا يكرمك زى ما كرمنى يااااااااااارب بدووووون عملياات ولا حقن مجهرى ولا اى شىء امين يارب العالمين |
رد: ابيكم تشرحون لي مراحل الحقن المجهري
الله يوفقك ياااارب
ان شاء الله البنات مايقصرو معاك اعتقد عندهم فكره على موضوعك الله يرزقك الذريه الصالحه وكل محرومه امين يارب |
رد: ابيكم تشرحون لي مراحل الحقن المجهري
هلا حبيبتي. الحقن المجهري يسونه للي زوجها عنده مشكله او ضعف وفيه نوعين برنامج طويل وبرنامج قصير
البرنامج القصير من ثاني يوم للدوره تبدين التنشيط والبرنامج الطويل يعطونج ابره تحضيريه وبعدها باسبوعين تبدين التنشيط الفرق ان نسبه نجاح البرنامج الطويل اكثر من القصير طبعا على حسب رأي الدكتوره بعض الدكاتره بطلبو عمل تنظير للرحم لتنظيف الرحم من الألياف والزوائد او اي عائق لزيادة ثبوت الاجنه بإذنه تعالى انا سوا لي الدكتور تحفيز لبطانه الرحم وهذه عمليه بسيطه ينظف الرحم من بقايا الدورات وتساعد على انغراس البويضات بعد الله سبحانه طبعا. تبدين تاخذين الابر لمده اسبوعين او اكثر كل وحده حسب استجابتها وبعدها يعطيج الدكتور الابره التفجيريه بيوم محدد ووقت محدد لازم تاخذيها بالضبط بالوقت لان السحب بعدها ب ٣٦ ساعه طبعا اذا حدد الدكتور وقت السخب توقفين الجماع مع زوجج وتجين صايمه ع الاقل ٨ ساعات وقت العمليه لاتحطي عطر او لوشن او اي شي لانه يأثر. على جوده البويضات طبعا بيوم السحب يحطون لج مغذي وبوقت محدد يودونج العمليات انا بالمستشفى الحكومي كانوا يعطوني بنج موضعي وكنت صاحيه واحس بوجع وتاخذ العمليه تقريبا ٢٠ دقيقه وبعدها يرجعونج وترتاحين شوي اما بالخاص عطوني بنج كامل ماحسيت بشي صخيت وهم مخلصين بعدها طبعا هناك جهاز مخصص لسحب البويضات من المبيض طبعا يتم السحب عن طريق ادخال انبوب بالمهبل الى الرحم بعد السحب مباشره يقوم الطبيب بإعطاء الزوجه ادويه لتهيئة الرحم وبطانته لاستقبال الاجنه عند ترجيعها وثبوتها بإذنه تعالى طبعا هذه الادويه تختلف من دكتور الى الاخر وبالنسبه للزوج بنفس يوم السحب بطلبو منو إعطاء عينه طبعا بعد اعطاء العينه بوخذو الحيوانات المنويه وبحطولها مقويات عشان تحسن قوتها ونشاطها وبعدين بختارو افضل الحيوانات المنويه وبلقحوها بالبويضات اللي سحبوها عن طريق ابره وبعدين تتحول الي بويضه ملقحه بتركوها بجو مشابه للرحم تماما وبراقبو انقسامات البويضه الملقحه طبعا في منها ما بنقسم وبالتالي لا يصلح للترجيع والبعض الاخر يحدث له انقسامات ويتحول الى ما يسمى بالجنين طبعا هناك درجات للاجنه الملقحه درجه اولى وثانيه وثالثه ورابعه طبعا افضلها الدرجه الاولى ولكن مش شرط يصير حمل منها و سبحان الله ممكن يصير حمل من البويضات ذات الدرجه الثانيه او الثالثه او حتى الرابعه سبحان الخالق طبعا البويضه لما تنقسم بصير فيها خليتين وبعدين اربع طبعا. بعد السحب راح ترجعي البيت ويحددوا يوم للترجيع طبعا الترجيع اسهل من السحب بكثير مو شرط تكوني صايمه المهم يقوم الطبيب بترجيع الاجنه بالرحم طبعا المده اللي برجع فيها لا تزيد عن دقائق معدوده وبدون بنج ولا شئ وتبقى الزوجه مستلقيه على ظهرها بالمستشفى والمده تختلف من دكتور لاخر طبعا الدكتور بكتبلها على مثبتات والتحليل الحمل يكون بعد 14 يوم من ترجيع الاجنه وكذلك المثبتات اللي بعطوها تختلف من طبيب لاخر طبعا نصيحه ابدي اخذي حمض الفوليك ٥ ملغ من الحين واشربي اناناس وايد وقت التنشيط لحد قبل السحب ووقفي بعدها الاناناس اشربي ماي وايد وربي يرزقج واي سؤال انا حاضره |
رد: ابيكم تشرحون لي مراحل الحقن المجهري
اقتباس:
|
رد: ابيكم تشرحون لي مراحل الحقن المجهري
اقتباس:
|
رد: ابيكم تشرحون لي مراحل الحقن المجهري
اقتباس:
فديتك حبيبتي الله يثبت لك اجنتك يارب انا عندي تكيس ولا ادري وش اسوي بس لمن اتصل على السكرتيره حقة الدكتور قالت حتى لو تبين حقن مجهري تجين ثاني يوم فالدوره مع ان نفسي اسوي البرناااامج الطوويل طيب كم ياخذ وقت تلقيح البويضه فالمختبر يعني 3 ايام او اكثر او على حسسب انا زووووووجي ماشاء الله سليم بس يقولوا الحقن الجهري افضل من الانابيب |
رد: ابيكم تشرحون لي مراحل الحقن المجهري
امين ياروحي ويرزقج وكل محرومه يارب
هلا حبيبتي. الحقن المجهري هم يختاروا افضل حيوان ويدخلونه ع البويضه اما الانابيب يحطوا الحيوانات حوالين البويضه ويتقلحوا من نفسهم انتي توكلي على الله وروحي زسوي حقن مجهري اخذي فوليك من الحين ناقشي الدكتور وهو حسب حالتج ياختارلج البرنامج البويضه تاخذ يا ٣ ايام او ٥ ايام خسب الانقسامات اللي تصير للبويضه وربي يرزقج روحي |
رد: ابيكم تشرحون لي مراحل الحقن المجهري
البرنامج الطويل. يعطونج ابره تحضيريه من رابع يوم للدوره وبعد اسبوعين تسوين تحاليل بروجسترون ويحدد موعد التنشيط حسب نتيجه التحليل
|
رد: ابيكم تشرحون لي مراحل الحقن المجهري
اسالي الدكتور يسوي لج تحفيز للرحم انا اول مره عرفتها من الممستشفى الخاص وسواها لي بنفس يوم موعدي وماتاخذ الا ٥ دقايق وتساعد على تثبيت الاجنه
|
| الساعة الآن 03:35 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .