بغيت مساعدتكم خواتي
 

السلام عليكم ورحمه الله

اكيد نصكم يعرف قصتي
انا تاخرت الدوره علي 40 يوم وسويت التحليل المنزلي مافي حمل وسويت تحليل الدم بعد مافي حمل
ويوم كملت 46 يوم سرت المستشفى وسوتلي تحليل دم هرموني قالت مافي حمل وانا كنت احس انه في حمل صح دورتي شبه منتظمه بس ما اكمل 30 يوم الا وهي نازله الحمدلله
المهم صرفتلي دوفاستون لمده 5 ايام مرتين في اليوم وانتظمت عليهم وخذتهم قالت لو في حمل بيثبت واذا مافي بتنزل الدوره!
واليوم السادس نزل علي دم واااااااااااايد بكميه كبيره والم مب طبيعي احس عمري اتقطع واصيح
سرت رجعتلها وقالتلي كان في حمل ضعيف جدا وكنت اشك انه يتم وبالفعل ماتم ( الحمدلله على كل حال)
المهم انا دورتي 5 ايام وبسبب الحمل نزلت علي 7 ايام وكان من تاريخ 21 -06-2014 ميلادي لين 27-06-2014 ميلادي تطهرت قبل رمضان بيوم
المهم بتاريخ 7-7-ميلادي يعني اليوم 12 للدوره بدت تنزل علي افرازات شفافه وشوي بيضا وزادت 13 و 14 و15 الدوره وهي تزيد والحمدلله صار فيهم جماع وللحين الافرازات مستمره وانا في اليوم 17 واليوم اشوف الافرازات زادت تعتقدون هذي فتره التبويض ؟ يعني الاربع ايام الي راحوا ماكان في تبويض؟

بحكم شغل زوجي هو مضطر يكون بعيد عني لين 10 - 7 يعني اليوم 20 للدورة وعقبها مافي امل يصير حمل صح ولا؟
اعرف كلامي مخربط بس ابغي اعرف الدوفاستون ينظم الدورة على طول ولا لا؟
وانا مالي فرصه احمل هالشهر يعني خلاص؟ لاني اشوف الفرازات اليوم اكثر!!
مقهوره ليش الدكتوره ماخبرتني انه في حمل


ادعولي بالحمل قريب ان شاء الله


ربي لاتذرني فردا وانت خير الوارثين

رد: بغيت مساعدتكم خواتي
 

اعرف كلامي مب مفهوم بس حدي ضايقه لاتلوموني :( دعواتكم خواتي

رد: بغيت مساعدتكم خواتي
 

حبيبتي
هو كان اجهاض ونزل ومتأكدين
وبعدين نظف الرحم ولا شلون
وليش الدفاستون
من جد ما فهمت
مقدره توترك ولكن وضحي اكثر

رد: بغيت مساعدتكم خواتي
 

كان اصلا تبويض متأخر وكان حمل في الأسبوع الثالث على كلام الدكتورة
وطاح الحمدلله على كل حال
انا ابغي اعرف الدوفاستون من أول إستعمال ينظم الدورة؟
وسؤالي الثاني أنه الإفرازات زادت علي اليوم ، يعني الأيام الي راحت ماكانت تبويض؟

رد: بغيت مساعدتكم خواتي
 

أختي كثري دعاء وصدقة واستغفار داومي عليهم

اللهم ارزقنا من واسع فضلك وكرمك ورحمتك

رد: بغيت مساعدتكم خواتي
 

اللهم امين

أن شاء الله أختي ومشكور عالردود الطيب

رد: بغيت مساعدتكم خواتي
 

شوفي بما انه تشوفين عندج افرازات شفافه لايأم عديده
فمعناه عندك ايام التخصيب ومن ثم التبويض
حللي تحليل التبويض المنزلي

علشان تحددين ايام الاباضه

عسى ربي يرزقك الحمل بحق شهر رمضان شهر الخير

رد: بغيت مساعدتكم خواتي
 

أن شاء الله بشتريه اليوم وبسوي وان شاء الله خير

يارب ارزقني بشارة الحمل في شهرك الكريم