بعد الاجهاض و التنظيف .. ضروري أفيدوني
 

السلام عليكم .. أخباركم .. ؟؟

أنا اخذت كلوميد و حملت بفضل الله .. و لكن في الاسبوع السابع توقف النبض و كنت اخذ 3 انواع مثبتات تحاميل و ابر .. بعد توقف النبض ضليت شهر بدون نزيف ولا الم ..

و فجأه جاني نزيف و سرت الطوارئ و سولي تنظيف بتاريخ 03/06/2014 بالتاريخ الانجليزي .. استمر الدم اسبوعين تقريبا .. سرت المراجعة قالولي جزء من المشيمة موجود ولم ينظف الرحم كامل .. تقريبا الجزء حجمه سم ونص .. و عطتني دواء ( ميثرجن ) حبتين يوميا لمدة 3 ايام يسبب تقلصات في الرحم و يطرد البقايا و من اخذته وقف الدم نهائيا ..
بعد اسبوع راجعت قالتلي للحين جزء من المشيمة موجود و الجزء فيه عرق بعد و عطتني حبوب ( بريملوت ) اللي تحبس الدورة و من اوقف الحبوب تنزلها ثقيلة قالت عل و عسى تنزل القطعة مع الدورة لكن اذا ملتصقة بالرحم مشكلة .. و قالت عندج مهلة لتاريخ 03/07/2014 تنزل الدورة بكون كملت شهر من التنظيف و اذا القطعة ما نزلت مع الدورة احتمال لا قدر الله الله لا يقول تنظيف مرة ثانيه لانه بقاءها يسوي التهابات و حمى شديدة و تأثر على الرحم ..

بنـــات بليز عطوني من خبرتكم اللي مرت بنفس التجربة .. شو أسوي شو أخذ لاني مب حابة اسوي تنظيف للمرة الثانية لا قدر الله .. ؟؟

و القطعة مالها اثر كل هالمدة في الرحم .. ؟؟ طمنوني جزاكم الله خييير ..

رد: بعد الاجهاض و التنظيف .. ضروري أفيدوني
 

حاولي تشربين اشياء حاره جرفه - الحبة الحمرا ومن هالامور ..

والله يكتب لج الخير وان شاء الله ماتحتاجين تنظيف مره ثانية

رد: بعد الاجهاض و التنظيف .. ضروري أفيدوني
 

انتبهي اختي...لو مانزلت القطعه الباقيه...سوي تنظيف فورا...ترى جدا خطير وجود جزء من المشيمه...جدا جدا
الله يكفينا غرابيل الدنيا.....اتمنى انها تنزل بدون تنظيف...لكن لاتتردين ولالحظه لو مانزلت
وربي يشفيك

رد: بعد الاجهاض و التنظيف .. ضروري أفيدوني
 

الله يسهل لك اموورك حبيبتي

سوي سونار مره ثااانيه عشان تتأكدي من تنظيف الرحم

الله يكتبلك حمل سليم وثاابت عما قريب

موفقه

رد: بعد الاجهاض و التنظيف .. ضروري أفيدوني
 

الله يحفظكي يارب ويعوضك خير
ووقت الدوره اشربي بردقوش وزنجبيل وقرفه ينظف وان شااااااااااااااء الله ما يبقى شئ

رد: بعد الاجهاض و التنظيف .. ضروري أفيدوني
 

حبيبتي دام المشكله خطر على صحتك سوي التنضيف واصبري واحتسبي الاجر
ما تشوفي شر
وربي يرزقك ويعوضك بالحمل السليم المعافى