|
مقهوره . شوفوا لي حل :(
سلام عليكم
شخباركم مو عارفه من وين ابدي من القهر اللي فيني كتبت هالموضوع عشان افضفض شوي وتلقون لي حل يمكن البعض عارف شنو مشكله تاخر الانجاب .. زوجي معاه دوالي من الجهتين وبشكل كبير وبعد مرحلتين علاج مع الادويه قرر الدكتور يعمل العمليه لان الجسم تعود على الادويه وماصار يجيب نتيجه الا الحيوانات رجعت اقل من قبل انه وزوجي تقبلنا موضوع العمليه وماكان في اي تردد حتى حجزت الموعد خلاص بس زوجي قايل لامه وابوه عن الموضوع من البدايه ولما عرفوا بسالفه العمليه الكل قام يتحجج من صوب الا انتظر بعد جم شهر شوف شنو يصير والا جرب الاعشاب يمكن تنفع او روح لدكتور ثاني تاكد منه افضل ووووو ... الاسباب ماتخلص هذا غير لما بعض اهله عرفوا بالموضوع الكل صار فهيم علينا ويقول لنا شنسوي !!! شهالمسخره اللي احنا فيها يمكن البعض منكم يقول يمكن يبون مصلحتكم ويبون لكم الخير عدل بس كل واحد يقول لنا حاجه المخ يتشوش والاعصاب تتلف واصلا من الاساس ماله داعي احد يعرف زوجي انضغط وايد منهم ونفسيتنا ثنينا زفت وزوجي ماله كلمه عليهم اللي يقولونه يصير وانه مو عاجبني هالوضع هالشي خاص فيني وفيه واحنا مقتنعين بالعمليه وساعتها اذا الله لايقوله مااستفاد من العمليه بعدها يقرر يروح لدكتور ثاني او يستعمل الاعشاب مع العلم الدكتور اللي نتابع معاه ماعليه غبار وكلمه شاطر قليله عليه وانه بصراحه مافيني صبر انطر اكثر والله ودي احمل واهم يبونا ننطر ليش مادري قولوا لي شسوي وشلون اتصرف وشنو الحل الانسب |
رد: مقهوره . شوفوا لي حل :(
اول شي انتو غلطته وقت الكل عرف بالامر كان لازم تكتمو الامر وتخبرو بس المقربين امه وبيه ومان امك وبيك مو لازم الكل يعرف والكل يفتي ويعمل فيها طبيب
من ناحية تانية زورو اكثر من دكتور قبل الجراحة واذا اجمع الكل ع الجراحة توكلو على الله في حالات الطبيب يطلب عملية والقصة ما تستاهل عملية ممكن تأثر على مستقبل زوجك الانجابي الله يرزقك عاااااااااااااااااااااااااااااااااااااااااااجل ياااااااااااااااارب |
رد: مقهوره . شوفوا لي حل :(
أختي العزيزة
أنا كمان زوجي عنده ضعف بس مو دوالي، و أحنا كمان خبرنا اهله بالموضوع و للحين عندي سنتين و ما صار حمل ، و الحين المفروض انك ترتاحي من ضغطهم عليك بس ما تكوني مصدر قلق ليك و لزوجك و العملية تريثي و استخيروا قبل لا يسويها زوجك و الناس ما تسمعيلهم تفاهمي انت و زوجك و ما تضغطي عليه المسكين و اللي فيه بيكفيه ما بيصير تقوليله ابغى أحمل الحين و هو يوقف قدامك عاجز .. أنتي تكلمي معو أنو هو زوجك حبيبك و انك ما تبغين عيال الا منه هو و شجعيه أنه فيه ناس كثير حملوا من بعد العملية و أنه غالي عليك و ما بتخاطرين فيه لو العملية مو مضمونة ، و اذا تبي رأيي لا تخبروا أحد أنه بيساوي عملية و لا حتى بعد ما يسويها و تنجح . |
رد: مقهوره . شوفوا لي حل :(
ياعمممري وربك حاااسه فيكك والمفروض الموضوع يكون سر ومحد يعرف عنه
ثاني شي لاتيأسين ماتدرين يمكن خيره لكم انهم عرفوا ومنعو زوجك استخيري واجلي العملية شهر او شهرين واستخدمي الاعشاب والعسل واستمري عالرقية ويمكن تكون معجزة وتحملين العمر قدامك ويااارب ياكريمم ماتمر شهرين الا وتبشرينا بحمممملكك |
رد: مقهوره . شوفوا لي حل :(
الله يكون في عونك ويرزقك عاجل غير اجل يااااااارب.
حبيبتي انا كمان احس انكم ماتستعجلوا موضوع العملية استخيري اولا. روحوا عند دكتووور ثاني وشوفوا ايش يقول. |
رد: مقهوره . شوفوا لي حل :(
الله يرزقكم ياارب وان شاء الله العمليه ما منها خوف وحده في منتدى ثاني عانت من تأخر الحمل سنتين وكانت نفس مشكله زوجك فيه دوالي وزوجها سوى العمليه والحمدلله بتوفيق من رب العالمين بعد ما سواها زوجها بشهرين حملت سبحان الله على طوول الطب الحين في تطورر كبير وان شاء الله ما منها خوف توكلو على الله والله يرزقكم يارب بدل ه الضغط النفسي الى انتو عايشينه والمفروض ما تخبرون احد باي مرض او علاج حافظوا على قضاء حوائجكم بالكتمان والله يكتب لكم الخير والذريه
|
رد: مقهوره . شوفوا لي حل :(
حبيبتي غلط انو احد يدري
(استعينو على قضاء حوائجكم بالكتمان) والناس كمان الله يهديهم المفروض يشجعوكم على العمليه مش العكس المهم اللي حصل حصل والحل..! تروحو لدكتور تاني هذا اول شي لو كان رأيو نفس رأي الدكتور الاولاني.. هنا يجي دورك اجلسي مع زوجك ولاتدخلي اي طرف ثالث حاولي تقنعيه قوليله مافي داعي نضيع وقت والعمليه سهله وكثير عملوها وذكريه انو بعد العمليه باذن الله حيصير اب واستخيروا واتوكلوا على الله وكثروا من الدعاء والله كريم الله يرزقكم الذريه يارب في القريب العاجل |
رد: مقهوره . شوفوا لي حل :(
انا لو على كيفي حتى امه وابوه مانقول لهم
وصار الحين كل شي يبونه وانه مالي راي بينهم كنسل موعد العمليه ورحنا للحواج معني مو مقتنعه لكن غصبا علي وبصراحه شغله الاعشاب جدا متعبه وجدا مكلفه صبح ظهر ليل تعالي سوي وخلطي وطبخي يبي له وحده مزااااج وفوق هذا تعالي راكضي ورا زوجج عشان يشرب دواه الحمدلله على كل حال واتمنى بعد هالتعب يجيب نتيجه دعواتكم |
| الساعة الآن 11:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .