طريقة المنسف الاردني
 

السلام عليكم
زوجي من قبل فترة يطالبني بعمل المنسف الاردني وعملتة اكثر من مرة مايضبط معي
ااذا امكن محتاجة الوصفة والمقادير وطريقة الطبخ بالتفصيل ....hwaml7hwaml7hwaml7hwaml7hwaml7
ولكم مني جزيل الشكر والتقدير

رد: الي من الاردن محتاجة مساعدة ادخلو لوسمحتو
 

رد: الي من الاردن محتاجة مساعدة ادخلو لوسمحتو
 

ان شاء الله الاخوات يفدونك يالغلااا

رد: الي من الاردن محتاجة مساعدة ادخلو لوسمحتو
 

مشكورررة كثير بس لحد الان محد رد يا بحر العيون

رد: الي من الاردن محتاجة مساعدة ادخلو لوسمحتو
 

مشكورررة كثير بس لحد الان محد رد
يا احساس امراة

رد: الي من الاردن محتاجة مساعدة ادخلو لوسمحتو
 

انشاء الله الاردنيات يفيدوكي وما يبخلو عليك موووووفقة

رد: الي من الاردن محتاجة مساعدة ادخلو لوسمحتو
 

انا زوجي اردني لكن بعطيكي إياه بالطريقة الفلسطينية ترى كل مين نعزم عنا بالبيت وجرب منسف إمي ومنسف حماتي قال منسف إمي بألف مرة أزكى ها كلامهم مو كلامي الطريقة كالتالي

رد: الي من الاردن محتاجة مساعدة ادخلو لوسمحتو
 

تسلقي الجاج وبسلقو كالتالي حوسي بصلة مع زيت قلي والجاج شقلبيهم دقيقتين ع النار وبعدين حطي الماي عليهم تغمري الجاج وعود قرفة وفلفل اسود حب وهيل حب لتغلي الماي شيلي زنخة الجاج لما ما يظل شي مشان راح نعمل الرز بما الجاج والبن بس يستوي الجاج ما راح نكبها لو جاج بح ظازج يفضل تخلية بالفريزر يوم كامل مشان لا يلت معك بالأكل هاي لكل الطبخات ولو جاج مجمد عادي همو أصلا كانو مجمدينو دجاج مسلخ عمان اكد بتعرفية المهم الفكرة نتخلص من زخة الدجاج لو طازة إحسيبيلو ساعة ولو مسلخ عمان ساعة إلا ربع بستوي لإنو اسرع لا تنسي راح نحطو كمان يغلي شوي مع البن لو مو حابة تحمري الجاج إحنا الفلسطينية بس يستوي الجاج بنحط علية فلفل اسود وملح وبنحمرو بالفرن الأردنة بنزلو الجاج ع طول بالبن بعد ما يستوي وحماتي بتططبخ الجاج بالبن بعد ما يخلي وهو ني إسألي حالك لو طبختي الجاج بالبن وهو ني يا ترى زنخة الجاج وين بتروح يا عيني عليكي أكيد راح إظل بالبن ويطلع زنخ والواحد ما يحبو
هلا نيجي للبن

رد: الي من الاردن محتاجة مساعدة ادخلو لوسمحتو
 

طريقة البن في بحجار جميد أنا عن نفسي ما بستعملو بستعمل لبن طيبة تبع المنسف العلبة كاملة بدها لبن شنينة او لبن عادي كيلو انا مشان بس انا وزوجي بعمل نص العلبة والباقي بفرزو للمرة الثانية لإنو بس نزيدو ماية الجاج بطلع كمية مشا الله عليها
المهم حطينا العلبة كاملة وكيلو شنينة بنخفقهم ع الخلاط او بمشبك اليد مشان ينمسجو مزبوط ومنولع النار وبنظل نحرك ليغلي طبعا لازم التحريك المستمر مشان البن ما يفرط وما بصير بس تخلصي تغطي إي طبخة بالبن وهو سخن بفرط معك لو شو ماكانت الطبخة
هلا غلينا البن طبعا إستوى الجاج يعني إغلي البن قبل ربع ساعة من ما حسبتي للجاج لإنو مابغلي البن بكون الجاج إستوى إنقلي الجاج بالبن وصفي الماي فوقو لا تكثري مشان يطلع البن ثقيل مش خفيف طبعا يفضل وإنتي بتسلقي الجاج لو قليل جاجة مثلا او نص تحطي كمان ماجي بالبن مشان بطلع ازكى لو عاملة جاجتين واكثر عزيمة مثلا ما في داعي للماجي هلا في مكعبات جميد إسمو جميدكو زي الماجي هاي شو ما كانت كمية الجاج لازم نحطها ع البن إلي هي 6 مكعبات لو حطينا العلبة لها بكيلو الشنينة حطي كل المكعبات لو نص نص المكعبات طريقة حطهم بس يغلي البن قبل ما نحط الجاج والماي بنحط الجميد بصحن صغير مع الماجي لو حابة تحطي ماجي ابو مكعبين بس ماجي بنحط عليهم لبن سخن وبنحرك كل ما يدوب إشي منهم بنحطو ع البن ونرجع نحط لبن سخن لنخلص كل الجميد الفكرة مشان لايحبحب معك بالبن وخلي الجاج يغلي ابو 10 دقايق مع البن وهيك صحتين وعافية البن جهز طبعا خلينا ماي كمان حسبنا حساب الرز وبتقدري تحطي ماي وزيت وملح بس لرز نظيفة مو تعت الجاج طبعا إحنا ما ملحنا الجاج وهو بنسلق مشان لما نظيف ماية الجاج ع البن ما يطلع مالح لإنو البن اصلا مالح هلا إمي بتقولي في قاعدة يالبن اصفر يا الرز ما بنفع الغثنين نحط كركم إلي هو العصفر لهيك انا بحط ع البن عصفر بحب الرز يكون ابيض بالنسبة إلي وطبعا لو ما عندك مكعبات الجميدكم إسمها حطي بدالها بهارات منسف هيك إسمها محلات العطارة والبهارات في جميدكو بتكفي وبتوفي ياهاي يا هاي براحتك إلي متوفر عندك هلا نيجي لرز

رد: الي من الاردن محتاجة مساعدة ادخلو لوسمحتو
 

كل كاسة رز تايجر بكاسة ماء انا علي بعاير بالكاسة بحبش النظر مشان لاتكون ناقصة ولا زيادة ولو النظر لازم تكون اعلى بعقلة إصبع يعني 1 سم عن الرز وكل كاسة بسمتي رز الكبسة بكاسة ونص ماي كمان بعاير بالكاسة مثلا حطينا كاستين تايجر خلطناهم بنص كاسة بسمتي للكبسة الفكرة الرز بطلع احلى حبتو وكل حبة بحبتها ةنفلفل وبإمكانك كلو تايجر بس هيك لقيتو ببرك اكثر وازكى
المهم بتعاير الماي لكمية الرز وبتملحيها ولا تحطي شي لا تنهي الماي نفسها فيها هيل وقرفة وبصل يعني مبهرة وجاهزة بس بتحطي عصفر زي ماقلنا لو بدك البن ابيض والرز اصفر وبتملحي تكون لا دلع ولا مالح المعتدل طبعا نقعنا الرز بماي سخنة مشان البسمتي هيك بدو وانا صيف شتاء صرات انقع كل انواع الرز بماء سخن ما لا يقرش بالأكل ويستوي مزبوط بتنقعية يفضل من اول الأكل لتيجي خلص تركبي علية يعني أكثر من ربع ساعة نقع بتغسلية مزبوط من النشا وبتنزلية بالماي إلي بتغلى وبتغلية يغلي دقيقة وبدوقي الملح امورو تمام بتغطية وبتوطي النار وإحسبي عشر دقائق لإنو نوعين لو تايجر لحالو ابو 7 دقايق بس لإنو بستوي اسرع هلا رفعتي الغطاي وشفتي إنو شرب كل الماي حركية شوي مشان لا يتكسر البسمتي بس التايجر لازم يتحرك وع طول غطية وخلية ابو 10 دقايق هيك بستوي مزبوط من البخار نفسو وبتلفلف احسن طبعا خلص نكون طفينا النار يعني بنكمرو عشر دقايق بعد ما يستوي ونيجي ع حط المنسف بالسدر