|
فيدوني يا بنات جده
السﻻم عليكم يابنات انا كنت بتابع تأخر الحمل عند دكتوره فى المتحدون لكن ما ارتحت معاها والحين مين يعرف دكتوره كويسه اتابع عندها حاسه الوقت بيروح مني سنى مو صغير وحرام اخلي بنتى لحالها ف الدنيا اانا كنت لحالي مالي اخت وتعبت ومن هدا الشعور يا رب حد يفيدني |
رد: فيدوني يا بنات جده
فديت قلبك الغالية
عسي حد يفيدك من الأخوات وعسي ربي يبلغك الحمل السليم المعافي بلا زيادة ولا نقصان |
رد: فيدوني يا بنات جده
حبيبتي في دكتوره سما ناظر واللله يشهد على كلامي انسااااانه بمعنى الكلمه ومريحه جدا جدااااا وكل اللي يروحلها يدعيلها لانها شاطره وتخاف الللله مرررررره
انا اتابع عندها دايما وقلبها كبير ، كل مااخرج من عندها ادعيلها هيا واهلها موجوده في المشفى وموجوده في مستشفى فتيحي الله ييسرلك |
رد: فيدوني يا بنات جده
مين كانت دكتورتك اللي ماارتحتيلها؟
|
رد: فيدوني يا بنات جده
الله يرزقك باخ او اخت لبنتك
|
رد: فيدوني يا بنات جده
والله يا بنات يكفينى اهتمامكن هدا
وانا كنت فى المتحدون عند دكتوره هبة الله ما مركزه بالمره تروح تولد بالثﻻث ساعات وتروح واحنا منتظرين فالعياده ماندرى عنها شئ وﻻ احد يبلغنا وشئ اخر مسخره ماهى مقتنعه انى محتاجه بيبي ع اساس انك معكى والحمدلله وفى الخير تؤولي لو عايزه تخلفي ومستعجله خدى كلوميد ولما قولتها ماينفعنى ﻻن عندى مشكله فى شريان فالمخ تؤولي آه كويس انك نبهتينى طب لو ما كنت انا قريت انه خطر ع كان زماني فى غيبوبه او موت بسببها |
رد: فيدوني يا بنات جده
حبيبتي انا في جده بس اتابع عند دكتور يحيى جمال في مستوصف بني مالك الاهلي
انسان اخلاق وماهو مادي وشاطر وسمعته كويسه وتقدري تبحثي عنه في النت ناس كثير نصحوني فيه وبدأت معاه والله يكمل شفايا على ايديه انتي لو ماعندك مشكله في انو يكون طبيبك رجال انصحك فيه اتوكلي على الله ولو قررتي تروحي له ارسليلي في الخاص وارسلك رقم المستوصف لازم تحجزي قبل لانو مره زحمه ربي ييسر امرك ويخليلك بنوتتك وتخاويها في القريب العاجل |
رد: فيدوني يا بنات جده
آمين يارب العالمين
يجزيكي ربي الخير والهنا |
رد: فيدوني يا بنات جده
يا بنات قولوا ع الاقل عند مين بتابعوا
|
رد: فيدوني يا بنات جده
في الدكتوره ريم محلي بالاطباء المتحدون كتير كويسه
وطيبه ما ارتاح لحد غيرها |
| الساعة الآن 07:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .