|
بشروني ولا واسوني:(
السلام عليكم ورحمة الله وبركاته ، اخواتي انا وحده من مليون انسانه عندها مشكلة تأخر حمل. ممكن يكون الموضوع ممل عند الاغلبيه لان المشكله متكرره وبعدة صيغ ، لكن مايحس بالشيء هذا الا اللي فاقده فعلا:(
انا صار لي سنه متزوجه والى الان ربي لم يرزقني بحمل والحمدلله ع كل حال ، المشكله اني لم اكن مستعجله او مهمومه الا بسبة ام زوجي الله هديها ويفتح ع قلبها:( من شهري الثاني من الزواج وهي ملحة ومصره ان يحدث حمل تعبتني نفسيا وضغطت زوجي، والمشكله هم من النوع اللي يراجع مستشفيات عشان يحمل هذا (عقيم) . صدمتني بعد مرور ست اشهر من زواجي وقدام زوجي قالت يافلانه ..العمر يمشي وانا ابي اشوف عيال ولدي..ابندعي وادعي لنفسك تحملين وان ماكتب ربي بنزوجه بالولود!!! يالله كيف حسستني اني عقيم وكيف حطمت امل الامومه عندي ، الله يسامحها من حقها تشوف عيال ولدها بس لو كانت لم تجرحني!المشكله زوجي سكت وماقال شيء..كل اللي طلع معي ابتسامه وقلت ان شاء الله خير. صرت كل شهر ااوهم نفسي اني حامل وانه تجيني اعراض ومره طرت من الفرح دق واحد ع زوجي قال حلمت بك وطلع تفسير حلمي ان مرتك حامل حللها.طرت من الفرحه لاني كنت اوهم نفسي بالحمل اصلا وعلى طول جاب لي تحليل منزلي ، وللأسف سالب..وماصدق ورحنا المستشفى وحللت دم وللأسف! احس زوجي فقد الامل كلشهر اطلبه تحليل منزلي وكان ينتظر ويهتم واللحين ابدا مايسأل وش النتيجه ووش صار؟صرت افكر اني اروح لاهلي بكرامتي:( والمشكله اللي عندي هي ارتفاع بهرمون الحليب)..حللت فترة ماكنت عند اهلي اللحين مدري احس ان عندي اعراض حمل اخاف اني برضو واهم نفسي وانكسر بشوفك الدوره!. واستحي اطلب زوجي تحليل منزلي . كثرة نوم ، خمول ، دوخه بدون غثيان، حرارة ، احتقان بالحلق،ظهري شوي يؤلمني،سويت تحليل الكلور ونفع معاي والنتيجه ايجابيه ، ونبض السره برضو ايجابيه؟ اخاف انصدم :( اعطوني من خبراتكم ، الله لايحرمني ويرزقني وكل متأخره بالذريه الصالحه:( |
رد: بشروني ولا واسوني:(
تكفون من دخلت وقرت الموضوع حتى ان ماكان عندها شيء لاتحرمني دعوه صادقه ربي وحده يعلم ماتكنه صدورنا من الالام،
بإنتظاركم |
رد: بشروني ولا واسوني:(
اختي حبيبتي الله يفرج همك ويوسع صدرك لاتستسلمي بهذي السرعه ولاتفكرين تروحين لبيت اهلج انتي بعدج عروس صارلج بس سنه متزوجه الله يسامحها ام زوجك ما المفروض تقول جذي
انتي ماعليج من حد ومدام انتي سليمه وبس هرمون الحليب مرتفع ماعليج حبيبتي بالدواء ينزل هرمون الحليب ويرجع طبيعي احيانا من عاطفه الامومه يلي بالقلب يزيد هرمون الحليب ومدام زوجك عنده مشاكل ليش ما يعالج نفسه على ما فهمت من كلامك يروحون مستشفيات خليه يعالج نفسه كيف بتحملين يا اختي إذا زوجك عنده مشاكل لازم يسوي فحوصات واشعه لكل شيء عشان يتاكدو من كل شيء ترى النفسيه تلعب دور لا تخليها تلعب فيج حبيبتي وعن تجربه تصدقي واستغفري الله بيرزقج بالقريب العاجل بالحمل التوأم يارب يلي يفرحون قلبج وادعي الله يهدي ام زوجك وماعاد تقول جذي الواحده فهلا كل شيء بتقادير الله وكل رزقه مادري كيف الناس عبالها كل شيء عكيفنا نفوض امرنا إلى الله احسن شيء حبيبتي لاتفكرين وان شاءالله المسئله عندك بسيطه وانتي عروس بعدج فرحي بزواجك ولاتخلي شيء يهمج انتي وزجك ربي يوفقك في الدنيا والاخره ويرزقك الحمل في القريب القريب العاجل |
رد: بشروني ولا واسوني:(
الله يسعدك يارب ، امين يارب لكل دعوه حلوه منك ولك بالمثل يارب .. زوجي ماعنده مشاكل انا المشكله عندي هي ان هرموني مرتفع ، اهل زوجي عندهم اعتقاد ان اللي
تراجع بمستشفيات وتتعالج هذي عقيمه؟.. يعني المفروض الحرمه تحمل سيده بدون اي تدخلات علاجيه، ورسخو هالمعلومه فزوجي صار يشوف المستشفى والحبوب للعقيمه فقط! مدري ليش هالاعتقاد اصلا ..ولذلك انا حللت عند اهلي بالرياض ، وعرفت مشكلتي بالهرمون حسب كلام الدكتوره والتهابات .. شاكره مرورك اسال الله لك السعاده . ماقلتي لي الاعراض اللي عندي ممكن تكون حمل؟ وهل هرمون الحليب ممكن ينزل من حاله بدون اي حبوب؟ |
رد: بشروني ولا واسوني:(
وعليكم السلام ورحمة الله وبركاته
حبيبتي مالك الا الميرميه و البردقوش الميريمه خذيها من خامس يوم في الدورة الى سابع يوم ام البردقوش اشربيه بدل الشاي والزنجبيل اشربيه بكثرة وان شاء الله مايجي شهرين او ثلاث شهور ولا انتي حامل الله يرزقك بطفل عاجل غير اجل يارب العالمين |
رد: بشروني ولا واسوني:(
المشكله أعراض الدورة مثل الحمل مالك الا التحليل المنزلي
المطور واللي في اي وقت تسويه مو ابوا 10 وفي الصباح اختي في معلومه نسيت اقولك هيا تركزي ع ايام التبويض والافضل تروحي عند الدكتورة عشان تسوي لك سونار مهبلي تعرف متى تكون البويضه جاهز لتلقيح ولازم تاخذي ميريمه في كل دورة والله الله بزنجبيل |
رد: بشروني ولا واسوني:(
عزيزتي أخت نوره
ربي يصبرك ويفتح عليكي يا رب وتطلعي حامل أنا ما عندي فكره عن هرمون الحليب بس في بنات عندهم هرمون الحليب وما شاء الله حملو إنتي وكلي أمر لله وهو على كل شي قدير حاولي تتناسي الموضوع شوي مع إني أدري إنو صعب ومثل ما قلتي ما يحس فيكي إلا إللي مرت بضروف مثلك ولكن الالمان بالله أهم شي حبيبتي إكثري الاستغفار والصدقه إذا دورتك منتظمه إنتظري لحد ما يعدي موعدها بعدين حللي وإن شاء الله ما تشوفي ألدوره إلا بعد 9 شهور يارب وربي يفرجها عليكي وعلى كل وحدة منتظره |
رد: بشروني ولا واسوني:(
الاعراض اللى عندك مثل اعراض الحمل
انتظرى يومين وحللى دم افضل وان شاءالله تكونى حامل |
رد: بشروني ولا واسوني:(
الله يهديك يا اختي انتي محسستني انك عندك 10 سنين زواج بدون اطفال هههههههههههههه انت لساتك عروس في بنات تأجل فكرة الحمل حتى مرور عام على زواجهم حتى يتمتعون بحياتهم و انت لساتك عروس و بتعملي فروحك كده الله يهديكي ههههههههه ان شاء الله خير فرفشي و انبسطي و كلو على ربنا لو اراد انك تحملي الشهر الده باذن الله رح تحملي و طمنينا عن احوالك سلام لا تنسي فرفشي و انبسطي و قولي لحامتك كل شي في ايد ربنا جاتها خيبة
|
رد: بشروني ولا واسوني:(
يا رب يناولك إلي فبالك ويرزقك الحمل السليم عاجلا وإنشاء الله ربي ما يخيبك وتطلعي حامل يا رب .
يا حبيبتي لا تستسلمي كل شهر جربي شئ مثل ما قالو البنات إعملي السبب والكمال على الله . أكيد يا أختي الكلام بيجرح بس ما تهتمي لساتك فأول زواجك الصبر مفتاح الفرج |
| الساعة الآن 10:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .