|
بنات انا خلاص انجنيت من بنتي
السلام عليكم
شلونكم ي امهات انا والد صار لي 27 يوم بنتي تعبتني نفسيا صياحها مو طبيعي مستحيل تقعد ساكته وتلعب يا تبكي يانايمه اشبعها وابدلها اسدحها ابيها تلعب بس تبكي تبي احد يشيلها اذا احد شالها سكتت ومرات اطنشها وهي تصيح تقعد تفحط وصوتها يروح طبعا نومتها اذا حطيتها بفراشها فزت وتصيح اشيلها ترجع تنام وهذي حالتي ومرات لا تنام من اول مره بس اغلب شي تفز وارجع اشيلها رحت للطبيب قال مافيها شي وبخصوص الغازات اعطيها ادويه غازات خروج بالحفاض الحمدلله زين وديتها لحرمه تعالج قالت فيها خويتها كوتها ع الخفيف وعطتني سعوط ولانفع معاها انا الحين عند اهلي وامي واختي يشيلونها عني واسوي اشغالي بكرا لي رجعت بيتي شلون اصلي واروح الحمام او اخذ شاور وهي بس تصيح احد مر بهالتجربه تعبت نفسيا حتي زوجي مالي خلق له ويمكن لي رجعت راح اهمله |
رد: بنات انا خلاص انجنيت من بنتي
الف مبروك والحمد لله على سلامتك كلهم كذا انا كنت زيك حتى ما طلعت من نفاسي واناتعبانه اشتري لي من الصيدلية شاي اطفال لان هي تبكي من الغازات او يانسون دافي مع سكر نبات راح تنام طبعا اعطيها بالليل واهم شي واللي اكتشفته😂😂😂انهم بينامو ويطولو بعد شاور بمويه دافيه 😜والله يحفظها لك ويعينا على تربيتهم☺️
|
رد: بنات انا خلاص انجنيت من بنتي
حبيبتي
الشيء اللي تمرين فيه طبيعي كلنا مرينا فيه. اول شهرين صعبين شوي ولازم احنا نتحمل ونصبر عليهم هذيل فلذات أكبادنا الموضوع يباله صبر. من تكمل شهرين ان شاء الله بالتدريج راح يعتدل نومها ويطول حبيبتي بما ان الدكتور قال مافيها شيء ليش رحتي وكويتيها عند الحرمة اللي تعالج والله حرام بنتك بعدها صغيره حرام ماكملت شهر تكويها يعني بنتك مافيها. إلا العافيه الله يهديكي بس تقبلي مروري |
رد: بنات انا خلاص انجنيت من بنتي
الف مبروك وحمدلله على سلامتك وسلامه بنوتتك
حبيبتى كلناا كداا انا ما كنت بعرف ادخل ال wc ههههههههههههه اشربيهاا يانسوون دافىئ وماء غريب حلو كتير للغازات ومعلش هدا طبيعى لازم تستحملين فتره وبتعدى الله يديكى الصحه |
رد: بنات انا خلاص انجنيت من بنتي
الحمد الله على سلامتك حبيبتي والف مبرووووك البيبي
مثل ما قالو البنات إحنا كلنا مرينا بنفس التجربة ولازم تصبري و تستحملي خصوصا في الشهرين الأولين تقبلي مروري |
رد: بنات انا خلاص انجنيت من بنتي
لا والله مو كل الأطفال كذا
في أطفال ما شاء الله عليهم يبكون إذا كانوا جوعانين أو موسخين ذكرتيني ببنت أختي لما قلتي تفحط وصوتها يروح تصدقين صار عمرها 7 سنين وصوتها مبحوح بنتك بحاجة للإحتضان الدافئ مثل لما كانت داخل الرحم ممكن ينفع معاها التقميط إذا رجعتي البيت اطلبي من زوجك المساعدة وممكن تستخدمين حمالة الأطفال وخلك هادئة ورايقة لأن البنت تتأثر بنفسية أمها وتذكري أن هذه فترة وتعدي إن شاء الله على خير |
رد: بنات انا خلاص انجنيت من بنتي
ماعليش هي لسه صغيره ولازم اذا تبي حضنك تعطيها عادي و كمان حمميها بماي دافي قبل النوم مثل ماقالو البنات ولين بتنام قمطيها ممكن هذا السبب اللي تقوم فيه و حطي شي من ريحتك صوبها ...
|
رد: بنات انا خلاص انجنيت من بنتي
يا الله يا اختي كأنك تتكلمي عني بالضبط بس انا ولد توني طلعت من الأربعين
الله يعين |
رد: بنات انا خلاص انجنيت من بنتي
1 مرفق
ملف مرفق 10363
اخذيلها هذا الكرسي ماركته graco اشتريته من سنتر بوينت وممكن تحصلينه بامازون يهز الطفل نقس حركه الام بيريحك كثير شوفي باليوتيوب graco swing في مقطع يوضح في انواع بس هالنوع افضل شي نفس حركه الام ويشتغل ببطاريه او عالكهربا من كثر ما احب هالكرسي مافي احد ما انصحه فيه حييييل راح يريحك |
رد: بنات انا خلاص انجنيت من بنتي
حبيبتي شيء طبيعي هالشيء الصياح المتكرر ومن تكبر بتهدا بس حاولي ماتعودينها يوم تكبر عالحملها لان بتتعود بتصيح عشان تحملينها فوق بس الحين حاولي تحطينها عصدرج حاملتنها وطبطبي عظهرها ترا الغازات تلعب دور بعد وشوفي دوا اسمه انفيكول للغازات للرضع زين بعد
وعقبال ما نربي بالسلامة |
| الساعة الآن 09:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .