منتديات حوامل النسائية - أتمنى أحد يفيدني ..

و هذا المعلومات من عم قوقل
ان شاء اله تستفد يفيدك

بصراحه زي ماهو واضح من العنوان حبيت اتكلم عن مستشفى المواساه بالدمام واللي عندها اي استفسار عنه ان شاء الله اقدراساعدها لاني بصراحه يوم كنت حامل ادوشت قوقل معي وانا ابحث عن مستشفى المواساه بالدمام وللاسف اغلب المواضيع قديمه ويادوب القى فيها معلومه او معلومتنين فمن هناhttps://s.yimg.com/qn/alfrasha/up/10...1954639673.gifحبيت اني احط موضوع عن المستشفى بحكم اننا قراب منه فلازم اولدواتعالج فيه واجاوب عن استفسار اي وحده متوهقه مثلي زمانhttps://s.yimg.com/qn/cdn/m002/alfra...milies/028.gif

عاد اذا كان هناك بعض الاشياء الي مااعرفها لاتلوموني تراي والده من سنهhttps://s.yimg.com/qn/alfrasha/up/19...6692924022.gifخخخخخ ،، يمكن يكون فيه عضوات عندهم خلفيه بس ان شاء الله احاول اجاوب قدر المستطاع واذا ماكان عندي خلفيه عن السؤال بحاول اسأل ان شاء الله..

طبعا ياطويلات العمر انا مثل ماقلت لكم والده من سنه الله يحفظ لي بنوتي وهذا الموضوع ببالي من يوم عمرها 3شهور بس سبحان الله ربي مايسر لي كتابته الا الحين ،،،اهم شي الفايده والاخلاق وحب الوطن>>>وش جاب ذي..

تعرفون مشاغل الدنيا الله يصلح الاحوال..

ماأطول عليكم https://s.yimg.com/qn/cdn/m002/alfra...milies/076.gif

بالنسبه للنظافه تقريبا كانت ممتازه بس لاني ولدت ع الساعه12ونص مساء رحت ع غرفتي متاخر فماكان فيه احد ينظف>>>الناس نايمه ،، بس ماجات الساعه 6الا تقولين خلية نحل ماشاء الله الي جايه تنظف والي جايين يشوفون الوظائف الحيويه والاخصائيه جات تسالني اذامضايقني شي وبعدها جت الي تشرح اشلون ارضع البيبي وتكلمت عن اهميت الرضاعه الطبيعيه بس بصراحه كان ودي اطردهم كلهم لاني مانمت باليل من الالم احس الطلق لسه معاي حتى بعد الولاده وطلبت من الممرضه انها تعطيني ابره مسكنه لان دقيت عليها يمكن الساعه2 وقلت لها تجيب لي حبوب مسكنه وقالت لي يبغى ابره قلت لا وع الساعه 5 زاد الالم واستسلمت للامر الواقعhttps://s.yimg.com/qn/alfrasha/up/16...1646894980.gifوخليتها تعطيني ابره..

بالنسبه للاكل تجي وحده تسالني اذا ابي دجاج اولحم بس والله اني ماني معاها ،،وكانوا يقدمون لي طبق فاكهه هديه من المستشفى كل يوم..

الممرضات بصراحه أول ماجيت ربي سخر لي ممرضه عسوله هنديه اسمها ندى الله يسعدها وين ماكانت ،،
أنارحت المستشفى يوم الجمعه ع الساعه 7مساء وكان الرحم مفتوح 2 سانتي مع انه من يوم الاربعاء وهو مفتوح 1س فقالت الدكتوره بنكتب لك تنويم وكانت ندى هذي هي الي ماسكه حالتي الين ماطلعت من غرفة الولاده وكانت مهتمه فيني مرره وانصحكم انكم من تدخلون التاسع (تدعون الله انه يسخر لكم الصالح من عباده )هذي وصية أختي لي وبالفعل أحسها تحققت في هالممرضه..

غرفة الولاده دخل زوجي معي يسمحون أنه يدخل هذي كانت امنية حياته بس يوم قرب البيبي يطلع طردوه عند الباب عشان مايمديه يشوف شي خخخخhttps://s.yimg.com/qn/cdn/m002/alfra...milies/087.gif

الي ولدتني وحده اسمها منال اول مره اسمع فيها بصراحه شكلها بس تولد لان كان الشفت لدكتوره نجوى بركات وع وقت ولادتي قلب الشفت وكنت أول وحده تولدها منالhttps://s.yimg.com/qn/cdn/m002/alfra...milies/020.gif
بس والله وناسه تكونين الاولى يابنات كانت الدكتوره مستانسه ورايقه..

الخياطه وآآآه منها بصراحه اول ماولدت استانست لان احسها خيطتني بقلبها عشان زوجي موجود ويمكن لان انا اول وحده ببداية دوامها لدرجة قالت لزوجي عملت لك خياطه لك وللزمنhttps://s.yimg.com/qn/cdn/m002/alfra...milies/048.gif
عاد زوجي تشقق من الوناسهhttps://s.yimg.com/qn/cdn/m002/alfra...milies/028.gif

بس تقريبا من ثالث يوم احسها مررره مشدوده وتعورني مااقدر اوقف اكثر من دقيقه،، وبعد اسبوعين ألمتني واجد واحسها التهبت ورحت لدكتوره نجوى لانها تعتبر هي الي استلمت حالتي اول مادخلت المستشفى ويوم كشفت علي قالت ان الخياطه زي الفل وعطتني كريم ميبو بصراحه مريح وقالت استمري ع الغسول وحسيت اني ارتحت اشوي ،،، بس كل مااتذكر احسه شي مؤلمhttps://s.yimg.com/qn/alfrasha/up/84...1467381981.gif

مممممممممممم بس هذاالي أتذكره وعموما أنا كتبت هذى الموضوع للي قاعده دور عن معلومات عن مستشفى المواساه ،،ولاتنسونا من صالح دعواتكم..

العذر والسموحه إذا كان الموضوع ملخبط بس أنامسكت الكيبورد وانطلقت الكلمات وكل امنياتي انكم تستفيدوا من الموضوع،،والله من وراء القصد..

دمــــــــــــــــــــ بود ــــــــــــــتم https://s.yimg.com/qn/alfrasha/up/48...1854838227.gif

الله يجزاها خير الاخت اللي كاتبة الموضوع