|
بنات مكه ممكن تساعدوني حبيباتي
السلام عليكم ورحمة الله وبركاته
كيفكم بناات ان شاءالله كويسيين حبيباتي انا بكريه وصارلي بالسابع اسبوعين وحابه بعد اسبوعين ابدأ اجهز للبيبي وبصراحه محتاره من وين اجهز لنور عيني وقلبي فكرت اشتري الملابس الداخليه وبعض القطع من سنتر بوينت بمكه وباقي الاغراض من محلات الاطفال والاسواق العاديه حابه تنصحوني يامجربات ايش اشتري ومن كل نوع كم قطعه اخذ وشنو الاشياء اللي ضروري اخذهاا وماقدر استغنى عنها؟ ايش رايكم انتو يامجربات تنصحوني بإيش؟ وشنو تنصحوني اشتري سرير البيبي اي نوع الخشب الثابت ولا كبير الهزاز لان البيبي راح يكون معانا بغرفتنا حبيباتي تكفون خاصة بنات مكه افزعولي واعطوني رأيكم وياليت تقولون لي متي تبدأ التخفيضات في سنتربوينت وغيره من الماركات |
رد: بنات مكه ممكن تساعدوني حبيباتي
حبيبتي المحلات العامه لملابس الأطفال تكون قياداتها غلط زي الهر مثلا تلاقي الرجول قصيره والي. طويله ما تتناسب مع شكل جسم البيبي
|
رد: بنات مكه ممكن تساعدوني حبيباتي
شكرا فتفوته عالمعلومه حبيبتي
طيب وين بنات مكه معقوله مافي احد |
رد: بنات مكه ممكن تساعدوني حبيباتي
حبيبتي هاذي فرصتك بعد اسبوع تقريبا حتبدا التخفيضات الحقي عليها الملابس الداخليه مهمه والباقي لاتكثري منو
وبالنسبه للسرير اشتري خشب كبير ليكي وللزمن افضل دام حينام معاكي في الغرفه وربي يتمم حملك ع خير وتولدي بالسلامه |
رد: بنات مكه ممكن تساعدوني حبيباتي
الله يسعدك قلب حبيبها
سالت عن سنتر بوينت قالو التخفيض يبدأ 7/1 وشفت رد تاغ مسوين تخفيض 50% بس موعارفه كيف بضاعتهم تنصحوني اروح اشتري شي من عندهم ولا لأ الله يجزاكم خير ساعدوني |
رد: بنات مكه ممكن تساعدوني حبيباتي
سنتر بوينت اشياؤه كويسة الى حد ما
يعني غسلة و التانية و تبدأ تنكمش بس حلوة مقاساتها ... خدي بربتوزات داخلية ١٠ حبات او اكتر لأنك تحتاجي تغيريها و خدي مقاس من ٠-٣ لأنو حتى لو كانت كبيرة عليه ماراح تبين في الملابس .. اشتري كمان ارواب للنونو ، ٣ حبات كويسة عشان اول الايام لما تكون في السرة و البربتوزات العادية خدي مقاس نيوبورن و لا تسوي زيي انا اخدت كله ٠-٣ و طلع واسع عليه ، لما كمل الاربعين يادووب سارت تجي عليه و اضطرت امي تنزل تشتري مقاس نيوبورن خدي ٣ او ٤ في فترة الاربعين اغلب الوقت ملفوفين و محد يشوف الشياكة هههههه ... الباقي خديه من ٠-٣ و ان شاء الله اول ما تشوفي انه بدأ يسير مقاسه على طول حتلاقيها تصغر عليه فـ لا تكتري يعني مثلاً ٨ او ١٠ حبات ازا بكرية و حتحبي ولدك يلبس و ان شاء الله ما يكون هرجي كتير هههههه و اكون افدتك |
رد: بنات مكه ممكن تساعدوني حبيباتي
بالنسبة لرد تاغ انا ما اشتريت منهم لأني ما رحت اصلاً
بس سمعت يقولو بضاعتهم حلوة |
رد: بنات مكه ممكن تساعدوني حبيباتي
مشكوره اختي كادي ماقصرتي الله يعطيك العافيه
بنزل رد تاغ واشوف بضاعتهم لانهم مسوين تخفيض وان شاءالله بداية الشهر راح اشوف سنتر بوينت |
رد: بنات مكه ممكن تساعدوني حبيباتي
هلا اختي ..
انا من مكه .. وبنهاية الشهر السابع. حبيت افيدك شوي.. انا اخذت كل ملابس النونو من سنتر بوينت بربتوزات عدد6 بربتوزات خارجيه مسكره اخذت تشكيله ومقاسات مختلفه شي سمول وشي نيو بورن وشي 3-0 العدد بمزاجي تقريبا 8 وفيه يجيك طقمها مهادات بواغطية راس وقفازات ومراييل س انتي تنقينها واغذت شنطه طقم المدس طبعا هذا للمستشفى ومهاد لاصق ولبس كله من نفس اللون.. واخذت طقم مناشف… وخذت مفارش لزوووم تاخذين ع الاقل اربع مفارش اما اغراض الحمام والرضاعات راح اخذها من الصيدليه افضل.. انا راح اولد برا مكه علشان كذا ما دورت سريز… الافضل تاخذين سرير يكفيه لسنه قدام .. |
رد: بنات مكه ممكن تساعدوني حبيباتي
هلا اختي انا قضيت شغلات بسيطه من سنتربوينت
لان التخفيضات بدات وبنزل له ان شاءالله هاليومين اكمل باقي الاغراض انا كتبت عندي لسته مقاضي بملاحظه بالجوال مرات اشوف الاغراض الي كتبتها كثير ومرات اشوفها قليل هههههه روحي برضو لسيتي ماكس تلاقين عنده بربتوزات وكوافيل وفنايل داخليه |
| الساعة الآن 08:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .