|
مين علمت طفلها على الحمام ونجحت تدخل !!
أمهات بنااات زوجات
بليز الي انتهت من هالمرحله بنجاح تحط تجربتها عشان نستفيد لأنه مثل ما اسمع هذي أصعب مرحلة في الطفولة انا اعلم بنتي على الحمام عمرها سنتين ونص وحايسه معاها ماعرف ايش الطريفة الصحيحة علمتها وهي لابسة الحافظ الكلوت مثل مانصحوني بس مافي فايدة تعملها وماتعلمت اخر شي قالو لي لازم تشيليه وتخليها بدون مشان اذا سوتها على حالها تقولي لها شوفي هذا مو هنا هذا في الحمام وتكرهيها فيه سويت كذا يالله اجلس معاها نص ساعه بالحمام مشان تسوي شي بس مافي فايده قصص وأناشيد جو الحمام على الفاضي وتطلع خمس دقايق وتسويها بالثياب وش اسوي؟ جنيتhwaml5 انشالله تفيدوني بتجاربكم |
رد: مين علمت طفلها على الحمام ونجحت تدخل !!
حياتي الله يعينج اهي فتره اتعب فعلا لازم تنحبسين مع بنتج بالبيت لي تتعلم يبيلها اسبوع عشان لا تلبسينها اشوي و اتفصخينها اشوي البمبرز لأ اذا قررتي خلاص ما تلبس كلش عشان تتعود وما تتلخبط و بعدين وديها الحمام كل اشوي و كل ما ظليتي طولي الفتره يعني وديها كل ربع ساعه بعد فتره وديها كل نص ساعه وجذي لمن تتعلم اذا ما سوت شي بالحمام دلكيها في منطقة الفخذ من داخل مو من بره اذا ما سوت شي رشي عليها اشوية ماي هاذي الشغلات تخليها تبول اما الخروج انا بنتي كانت تخاف منه اذا نزل بالحمام و شافته تخترع و تقعد تبجي بس عادي اهو اسهل من البوله بس قوليلها و فهميها ان(( ككا و بيبي ))في الحمام عيب قوليلها انتي كبيره الحين خلاص تلبسين مثل ماما مو مثل بيبي ,انا بنتي نوعها اذا قلتيلها انتي كبيره تسويلج اي شي اذا قلتيلها انتي بيبي شوفي المناحه و البجي و اخر شي يبيله صبر والله يعينج اتمنا اكون افدتج و قوليلنل شنو يصير معاج.
|
رد: مين علمت طفلها على الحمام ونجحت تدخل !!
اقتباس:
أم ياسمين حبيبتي لاعدمناك انشالله انجح وخلاص تصير تتحكم بنفسها أكثر لانه اكثر من شهر الحين وماحس في تقدم طبعا انا البسها البامبرز وقت النوم . |
| الساعة الآن 01:54 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .