![]() |
رحت للممرخة هالشهر ومحتاره ..
السلام عليكم ورحمة الله وبركاته
خواتي أنا بكمل سنة متزوجة وللحين ماحملت .. والحمد لله على كل حال ما أستخدم أي مانع .. راجعت من بعد 6 شهور وفحصنا أنا وزوجي .. وماعندنا شي الا أمور بسيطة جدا .. والمبايض عندي تتنشط مع الكلوميد علطول الحمد لله .. لكن مع هذا ما صار حمل وهالشهر سجلت في نادي رياضي لمدة شهر مشيت وأجهزة عالخفيف ورحت لممرخة .. طبعا قالت لي بس أمشي وأشياء بسيطة .. وماسوي تمارين بطن وبعض الأشياء الثانية لأنها قالت الرحم عندي قاسي ومايل ومبايضي يحتاجون تنشيط ( بالنسبة للمبايض عندي علم ) المهم بديت معاها 6 جلسات وعطتني موعد أراجعها تشيك على المبايض وعطتني أعشاب قالت لازم اخلصهم خلال 40 يوم والحمد لله يوم راجعتها قالت المبايض عندي ممتازة ورحمي تمام ونظيف ومكانه وكل شي عندي تمام وتفاجأت انها سألتني جتج الدورة؟ قلت لها لا باقي لي أسبوعين تقريبا المهم خواتي انا دورتي من 27-30 يوم يعني تزيد وتنقص والحين انا بيوم 28 .. وأمس سويت فحص كلير بلو وطلع سالب عندي أعراض خفيفة وهي ألم خفيف في الحلمات والصدر خاصة اذا لمست .. ونهاية ظهري ماسكني ( يجيني ألم الظهر من زمان فمادري له دخل والا ) و ألم في أسفل بطني خاصة جهة اليسار يروح ويرجع وأحس دورتي بتشرف كلمتها اليوم قلت لها فحصت وسلبي .. أشرب شي أو تشيكين علي؟ قالت لا تشربين شي يمكن صار متأخر وما يبان .. افحصي بعد 40 يوم فشو رايكم خواتي؟ يوم ذكرى زواجي بعد أيام قليلة واحس الدورة بتنزل علي .. فبغيت أشرب قرفة وانزلها اليوم بس قالت لا منو لها تجربة في هالموضوع وبما انها قالت كل شي صار تمام ومبايضي ممتازة هل تتوقعون صار حمل متأخر؟ محتارة لأن ودي أجهز وأحجز فندق ومب عارفه أتصرف والسموحة اذا طولت ^^ |
رد: رحت للممرخة هالشهر ومحتاره ..
حبيبتي سنة مو كثير و إنتي و زوجك سليمين و ما تشربي أي أعشاب من ممرخة إصبري كمان يومين و أعيدي تحليل و أكثري من إستغفار و إنسي موضوع الحمل لأنه كثرة تفكير فيه تتعب نفسيتك و ربي يفرحك و يرزقك الذرية الصالحة عن قريب
|
رد: رحت للممرخة هالشهر ومحتاره ..
حبيبتي أنا مع الأخت بسومة
يعني توك في أول سنه لآ تفكرين كثير بالحمل وأكثري من الأستغفار وأنا ما عندي أي خلفية عن الممرخات وإن شاء الله البنات يفيدونك أكثر ربي يوفقك وييسر أمورك ♥ |
رد: رحت للممرخة هالشهر ومحتاره ..
|
رد: رحت للممرخة هالشهر ومحتاره ..
الله يرزقك بالولد الصالح والمصلح علجلاً غير أجل
|
رد: رحت للممرخة هالشهر ومحتاره ..
جزاكم الله خير خواتي
أنا عن نفسي في بداية زواجي قلت مب مستعجله على الحمل ومتى ما الله كتب .. وأصلا ماتوقعت اني اراجع وأفحص قبل ما اكمل سنة لكن ضغط الأهالي وكثرة سؤالهم كل شهر .. وقولهم روحوا افحصو خلاني أروح بعد 6 شهور .. وهاللي مخليني أفكر في الموضوع .. وأحس كثرة التفكير فيه هو سبب التأخر لكن مب بيدي .. رغم اني وضحت لهم أهمية النفسية في هالموضوع :( الله كريم |
رد: رحت للممرخة هالشهر ومحتاره ..
الله يرزقك الذريه الصالحه
عاجلآ غير اجل ي كريم |
رد: رحت للممرخة هالشهر ومحتاره ..
حبيبتي إن شاء الله ما تشوفي الدورة إلا بعد تسعة أشهر يا رب
لا تشربي شيء حتى تتأكدي من نزول الدورة الله يرزقك ما تتمنين يا رب |
رد: رحت للممرخة هالشهر ومحتاره ..
نزلت دورتي.. الحمدلله على كل
شكرا لكم خواتي |
الساعة الآن 01:08 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .