|
عندي سؤال بخصوص البطن وربطه بعد الولادة
السلام عليكم
حبيباتي صارلي اليوم 11 يوم من ولدت ولله الحمد لكن للحين مالبست حزام ولاربطت بطني يعني هل ضروري ألبسه ؟ بصرااحة أنا اشتريت قبل الولادة مشد من نعومي لكن للأسف لما جربته طلع ضيق مع ان قياسه اكس لارج هل تنصحوني اربطه بطني بشيء آخر ؟ يعني سمعت حتى شيلة الراس ممكن اربط بطني فيها مع العلم أنني من 3 ايام جبت ممرخه تمرخني 3 مرات لحد الحين هل هذا كفايه ولا لازم ربط ؟ وهل فعلاً ان ربط البطن يخلي البطن يصغر لكن قبل الاربعين ؟ |
رد: عندي سؤال بخصوص البطن وربطه بعد الولادة
حياتي من اول يوم ممكن تربطي بطنك لان البطن بيكون كله هواء ومايخف الا بالربط انا عن نفسي بربطه من اول يوم وجهزت في شنطة الولاده الرباط عادي حبيبتي اي شي ممكن تربطي فيه مو ضروري مشد انا بربط بشماغ بشيله قديمه والشماغ افضل لانه كبير وغريبه الممرخه ماربطته لك عندنا بعد التمريخ تربط لنا هو لليوم اللي بعده وكذا وتطلب مننا نخليه ليوم العشرين واذا عندك كرش خليه للاربعين مره كويس
|
رد: عندي سؤال بخصوص البطن وربطه بعد الولادة
واعملي تماريين عشان يرجع الرحم مكانه بعد ماتطيبي من الخياط وحاولي تبعدي عن الاكل الدسم عشان ماتكرشي وعليكي بالاكلات الشعبيه المفيده تقويكي وتساعدك على الرضاعه
|
رد: عندي سؤال بخصوص البطن وربطه بعد الولادة
استخدمي المشد البرازيلي سمعت فيه كثير وتحسينه بيشد الجسم كله
انا راح استخدمه في اربعيني ان شاءالله , لان الشماغ خواتي تمللوا منه ويتحرك ويتجمع على البطن وتخافين انه مابيضبط معك بمنطقه البطن ويخففها وهالفتره مهمه جددددا لاخفاء البطن او تخفيف الكرش |
رد: عندي سؤال بخصوص البطن وربطه بعد الولادة
ماعندي فكرة حبيبتي
وبصراحة انا زيك محتارة هل استعمل الربط والا لا ؟! لانو خوفي انو الربط يسبب مشاكل باالارحام وانا موناقصة لاني متاخرة في الحمل وخايفة يكون سبب بتاخر الحمل عندي ! ياريت وحدة تفيدنا |
رد: عندي سؤال بخصوص البطن وربطه بعد الولادة
مشكورات حبيباتي
ام ميمو. الممرخه ربطت بطني اول مره وعشان كانت داهنه جسمي اعشاب اضطريت أشيله بسرعه عشان أستحم ماقدر ارضع بنتي وجسمي اعشاب وثاني يوم لما جت تربطني قلت لها لا. يضايقني الربط الله يستر من هالكرشه كيف بتكون هههههه |
رد: عندي سؤال بخصوص البطن وربطه بعد الولادة
انا بحملي الاول ماربطت الا بعد 15 يوم تقريبا بعد ماخف الدم لاني سمعت ان الربط يخلي الدم متجمع بالبطن ماينزل .....
والحمد لله ماجات شهرين الا الكرش رايحه ياربي لك الحمد ... كنت اسوي تمارين الشفط ع طول من بعد ماولدت ... لازم تستمري عليها ... وبعدين لما تصلي اشفطي لما تسجدي ... |
رد: عندي سؤال بخصوص البطن وربطه بعد الولادة
تحممممممملي و الله بتم معاج الكرشه قريب السنه بس تقدرين تفتكين منها بالاربعين .
روحي اي مكان اشتري مشد .. انا شاريه من الصيدليه من شيكووو وايد حلووو ,, و فعلا خف بطني حيل ... و انا نفاس نفسج تقريبا لي 22 يوم ... و اشربي زنجبيل مع نعناع و شاي اخضر وااااااااااااااااايد تخفف الكرشه و من تجربه لي اسبوعين اشربها والله مافي احسسسن منهآآ .. |
رد: عندي سؤال بخصوص البطن وربطه بعد الولادة
تسلمون حبيباتي عالردود الطيبه
غلا ناصر حبيبتي اليوم بديت ألبس المشد الحمد لله تشجعت منكم مع أنني كارهته ههههه يضغط حيل اهم شيء الكرشه تروح طيب لي أنا اسبوعين من ولدت هل يلحق الكرش يروح ولا لا ؟ |
رد: عندي سؤال بخصوص البطن وربطه بعد الولادة
بتلحقين حياتي بس اشربي اللي قلت لج عنه ..
خصوصا الزنجبيل معروف يذيب الدهووون . و اذا الخياطه تخليج تتحركين سوي تمارين البطن .. بس خلي المشد عليج بس وقت النوم شليه لو تبين عشان تلحقين .. |
| الساعة الآن 12:39 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .