منتديات حوامل النسائية - اللهم لك الحمد حتى يبلغ الحمد منتهاه تجربتي مع الحمل لوجه الله تعالى

بسم الله الرحمن الرحيم

والصلاه والسلام على رسول الله

كيف حالكم ياغاليات يارب اتمنى ان يكون الكل بخير ما ادري إذا تذكروني بس اظن تذكروني أنا كنت ادخل سابقا كثير بس صارلي فتره ما دخلت
المهم يابنات حبيت انقل تجربتي عسى وحده فيكم تستفيد والله يعلم انـي نقلتها لكم من حبي لكم وحابه الكل يستفيد وان شاءالله اخبركم بالتفصيل الممل وما ابى منكم الا دعوه خالصه لوجه الله تعالى بتمام حملي على خير
اول شيء الحمدلله بسم الله ماشاءالله تبارك الرحمن الذي إذا اراد امرا قال له كن فيكون لمامانع لما اعطيت ولا معطي لما منعت
أنا يابنات امس حللت فحص منزلي وبفضل من الله وبرحمه طلعت حامل الف حمد وشكر لله بعد انتظار سنتين وشهور زواج وعلاجات وتعببببب والتهابات متكرررره لزوجي لكن الحمدلله بخبركم برنامجي شو كان
طبعا الدوره الاخيره رحت عند وحده ممرخه تمسحني وقالت عندي نزول شديد بالررحم مع ميلان للجهه اليسري ومرختني 3ايام من اول ايام الدوره ما اعرف إذا هذا الشي جاب نتيجه كله بعلم الغيب لكن هذا احد البرنامج وطبعا شفت اوجاع قويه جدا بالتمريخ وبعد التمريخ. وعدى على خير الحمدلله وهذا الشهر يابنات كنت مفكره اشل كلوميد من راسي وفعلا اخذته بدون ما اخبر حد حتى بوقتها كان زوجي بيسوي تحليل عشان يشوف الالتهاب راح او لا وانصدمنا انه التهاب مع صديد بنسبه عاليه لكن بفضل الله ماكان شيء متأثر لا العدد ولا السرعه هني تطمنت بس بنفس الوقت خفت لانه مستحيل يصير حمل بالصديد هذا المهم راح عند دكتور وكتبله على نوعين مضاد قوي جدا لمده 10ايام وبعد ذالك ندمت ندم شديد انه اخذت الكلوميد لانه قلت اكيد عالفاضي لانه التهاب وماكنت ادري وقلت اكيد بيزيد عندي التكيس وترى يابنات أنا عندي تكيس شبه شديد وتبويض ضعيف وطبعا استمر زوجي عالمضاد وانا وكلت امري لله وماسويت اي شيء سوى اخذت الكلوميد وقلت بوقتها ألله اعلم يصير ما يصير وحتى بالعاده كل شهر اشل دفستون عشان إذا حمل يثبت واذا لا تنزل الدوره هذا الشهر تحديد ماشليت دفستون وطنشت بمزاجي عشان قلت ما انتظر تجيني بموعد محددخلها على راحتها لاني تعبت وبعدين جى ايام التبويض ولاحظت نزول افرزات التبويض وكنت اقول ياحيف شكله التبويض زين وزوجي عنده التهاب لكن اراداه رب العالمين فوق كل شيء الحمدلله حمدا كثيرررا مباركا فيه المهم يابنات لما خلصت ايام التبويض يوم 16 رحت زياره لاهلي وقعدت عندهم 8ايام تقريبا الحمدلله المرحله الصعبه قضيتها مع اهلي ومافكرررررررت ابدا ابدا بالحمل بس كنت ادعي ادعي واقول يارب يارب ترزقني يعني الموضوع ماراح عن بالي دقيقه بس طنشت لاني عند اهلي التهيت شوي ولما رجعت بيتي بموعد الدوره تاريخ 11_3ميلادي قلت بسوي تحليل الصبح وقمت الفجر وسويته وكالعاده اول ماسويته خط واحد طبعا يابنات أنا ما انتظرت ثانيه وحده وبعيوني النوم صليت الفجر ونمت وقلت خلاص ما بيطلع شيء اكيد ولما قمت الصبح حصلت خط وردي خفيف لكنه واضح وقلت مستحيل اكيد خط التبخررر مابفكر وراويته حق زوجي قالي في خط ثاني واضح لونه وردي بس واضح ما اهتميت كثير خبرته لمن تجي من دوامك فاليل جيبلي فحوصات وحتى خبرته جيبلي الفحص الغالي مو الرخيص واكدت عليه وطبعا طول فتره الظهر لين في الليل وانا على توتر وانتتظر زوجي ولما جى زوجي وكنت حابسه نفسي عن الحمام والشرب والاكل 4ساعات ولما جى قالي ماحصلت من الغالي بالصيدليه وعصبت عليه خبرته الحين هذا ما يبين اعرفه لو اكون حامل بالخامس مايبن هرمون الحمل ههههههه من قد ماسويته وماكان يظهر لي الا خط واحد المهم رحت الحمام سويته وطلعت فورا من غير ما اشوف قلت برجعله بعد دقيقه وفعلا سويته وطلعت وانتظرت دقيقه ولما دخلت شفت احلي خطين بحياتي اللهم لك الحمد الحمدلله حمدا يوافي حق ربي طبعا مو غامق كثير لكنه واضح جدا للعيان الحمدلله وطبعا يابنات بكيت بكيت بكيت بكيت بكيت وجسمي كله ينتفض من الصدمه معقول ربي اذن لي بالحمل الحمدلله الحمدلله يارب ما اكرمك يارب ما اعظمك وورحت لزوحي راويته الفحص سجد لله حمدا وشكورا وطبعا الفحص الثاني قلت اخليه لثاني يوم وطبعا هالليله مانمت ولا غمضتلي عين ابدا ضليت ابكي واشكر ربي الحمدلله يابنات والله ربي كريم وعطاءه كريم فوق فوق فوق فوق فوق الحد وطبعا جات ساعه 5بعدين نمت شوي وبعدين قمت وقلت خلني اسوي التحليل بفضل من الله طلع خطين اوضح من مال الليل وهذي قصتي يابنات اتمنى من كل اخواتي الغاليات ومن كل وحده زائره تدعيلي بثبات حملي وتمام التسع شهور على خيرررر انتتظرررررته كثير هالحمل الحمدلله يارب ثبت حملي وتمم لي على خير يارب ويارب يارب ادعوك بكل اسمائك الحسنى ان ترزق كل وحده محرومه ومنتظره ترزقها هالفرحه الكبيره الله يرزقكم ياغاليات والله من قد ما احبكم ولي كثير صديقات حابه انهم يستفيدو من هالتجربه اسئل الله العظيم ان يجعل عملي لوجه الكريم
وطبعا بالنسبه للاعراض
بموعد التبويض بيوم 14بدا صدري يوجعني كل يوم يزيد عن قبل لين موعد الدوره ماشاءالله كبر وصار يعورني كثيرر وبانت عروق زرقاء بس ماتغيرت لون الحمله عادي شيء بسيط
جاني مغص قبل موعد دورتي ب3ايام يروح ويجي وطبعا يابنات المغص يجي لما اكون نايمه واقوم عالحمام او امشي يزيد ولما اكون قاعده واقوم تجي مغصه 15ثانيه وتروح بس مو مستمرر بس اثناء الحركه ومافي وقت محدد
وبالنسبه للبول ماشفت اي تغير لا لون ولا ريحه
والشي الثاني صار عندي غازات فبطني كثيررررره
بس ماعندي امساك الحمدلله
وطلعت حبه فكرتها مالت الدوره وطلعت لا الحمدلله
وحراره جسمي مو كثير تغيرت بس من امس احس بهبات حراريه
نبضات قلبي زادت
طبعا أنا كنت اشل فوليد اسيد من رمضان الي فات لين الحين ماوقفته
وهذي كل اعراضي وتفاصيل قصتي يارب تستفيدو ياغاليات وان شاءالله ان شاءالله ربي بيرزق كل وحده بالحمل والذريه ما عليككم الا الدعاء والاستغفار وقيام الليل
وفي شغله سويتها ولها مفعول سحرررررري تصدقت يابنات تصدقو تصدقو لو بدرهم واحد تصدقو والله مفعولها سحري وعجيب أنا كان زوجي يتصدق بس هالمره لما كنت عند اهلي قلت ابي أنا اتصدق عشان احس فيها ودعيت ربي يرزقني بالحمل والحمدلله استجاب الدعوات
وهذا كل شيء عندي
لاتياسو يلي عندها تكيس وضعف وزوجها مشاكل الموضوع كل اراده رب العالمين والدعاء اقوي شيء يابنات الدعاء
والله يجزيها الف خير الاخت حياتي توأمي مانستني من دعائها بالولاده بارك الله فيها وبالجميع
اخير يابنات ادعولي ربي يتمم حملي ويثبت حملي ويقر عيني وعين زوجي فيه
يارب ثبت حملي وحمل كل حامل ويرزق كل محرومه بالذريه الصالحه
يلا ابي مباركاتكم وادعيتكم الطاهره
وموعد دورتي تاريخ 11_3_2014
والسلام عليكم ورحمه الله وبركاته