|
صباح الخير
كيفكم بنات
أنا بقولكم موضوعي أول أنا قبل فترة نزلت موضوع اني أحس بألم في الظهر بعد الدورة بكم يوم وكنت مستغربة ﻷن عادة قبل الدورة بأسبوعين تبدا معي اﻷعراض المهم ضل اﻷلم ملازمني أسبوعين تفريبآ وكنت بموت إذا ماأكلت سمك مدري ليش وقبل الدورة بأسبوع جاني ألتهاب في اللثة وكانت اﻷلم فضيييييع كنت بموت منه مع العلم صارلي سنوات ماعانت من الشي هذا ومادري ليش كان عندي إحساس أني حامل بس أول مرة ماأفكر واجد في الموضوع حتى زوجي اﻷشهر اللي طافت كان يتضايق لمايشوفني أسولف عن هالشي أو أقوله جيب لي تحليل من الصيدلية ﻷني كم شهر كنت أحمل حمل ضعيف يمكن 3 أشهر ورى بعض واﻷهم أني من آخر دورة صرت أصلي ركعتين آخر الليل وأدعي في سجودي وأخلص وأقرا سورة مريم وصفحة من سورة البقرة وبعد آخر آيتين من سورة البقرة والحمدلله بإرادة رب العالمين حللت وطلعت حاااااااامل يارب لك الحمد كماينبغي لجلال وجهك وعظيم سلطانك اللحين اللي عندها خبرة في اﻷشهر اﻷولى شاللي أسوية وش اللي أتجنبه طبعآ بكرة موعدي مع الدكتورة وعندي سؤال بعد زوجي من كثر ماهو متأزم من الحمل الضعيف يبي يحللي هرموني فبأيش تنصحوني أحلل ولاكذا خلاص |
رد: صباح الخير
يسعدني اني اكون اول وحده ترد عليج ي غاليتي
أول شيء مبروكككك الففف الففف الففف مبروك الحمل والله يثبته لج ويقر عيننج في شووفته ي رب اكيد اول شيء لازم ما ترهقين نفسج ولا تشتغلين واجدد واكلي حمض الفوليكك ومثبتات وتجنبي شرب الاشياء الحاره مثل القرفه والاشياء هذي وعلي ماقال زوجج روحي حللي تحليل هرموني عشان يتطمن وانشاءالله تجيبينه سليم معافا بلا زياده ولا نقصان ي رب العالمين حياتي عقبال كل وحده منتظره الحمل ي رب الله يبشرها بالحمل عاجلاً غير آجل .... |
رد: صباح الخير
ماشاء الله
الف مبروك ربي يثبته ويسهل لك |
رد: صباح الخير
دعواتكم لي ربي يرزقني
|
رد: صباح الخير
حبيبتي بالأشهر الأولي لا تشريب أشياء سخنه وكمان ارتاحي وبلاش تعملي مجهود كتير وربي يكلمك علي الف خير يارب
|
رد: صباح الخير
الف مبروك ..الله يتمم لك على خيرا يارب ..زي ماقالوا الاخوات عليك بالراحة التامه الي حد ماتعدي الثلاث شهور على خير ان شاءالله ..وحللي تحليل هرموني علشان تطمنن اكثر
|
رد: صباح الخير
|
رد: صباح الخير
باذن الله مايكون حمل ضعيف
زوجك يبي يتطمن اكثر فالافضل تروحي تحللي دم هرموني ويارب يستمر الحمل الي تسويه الرااااااحه اهم شي واذا تبين اكثر تتطمني انصحك ولوجه الله تسوي فحص للرحم قياس عنق الرحم لتجنب الولاده المبكره مثل ماصارلي واهم شي الفوليك يوميا تاكلي حبه وعسى يارب يرزقك بالذريه الصالحه يااااااااارب |
رد: صباح الخير
مشكورين يابنات بس من البارح ينزل علي دم نزلت الموضوع قبل شوي أتمنى تفيدوني مالي غيركم أستشيره ماقصرتوا فديتكم
|
رد: صباح الخير
اول حاجه الف الف مبروووووكككك
والدم هذا ترى تحذير عشان ترتاحي لان شكلك اجهدتي نفسسككك وقولي حق الدكتوره اكيد بتعطيك مثبت دام نزل دم انسدحي على ظهرك ارتاحي وتجنبي الجماع ترى في البدايه مو زين |
| الساعة الآن 02:54 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .