|
للأسف الدورة بتنزل بعد الي عملته
السلام عليكم خواتي طبعا انا اكتب لكم الحين وقلبي يتقطع من القهر طبعا انا صارلي كم سنه الله ماكتب لي حمل الشهر الماضي قلت خليني اجرب اعشاب طبيعية علشان الحمل بدل الكلوميد والابر التفجيرية فجربت خلطة عيون الوليد ولقاح النخيل وغذاء الملكات والعسل وداومت على شراب الزنجبيل وعصير العنب لاني سمعت انه يساعد على الحمل كثير واخذت حبوب بيبي اسبرين وانتظرت الى موعد الدورة علشان احلل طبعا موعدها كان الخميس تاريخ 27/2/2014 وحللت بول وطلع سلبي والحين تاخرت علي 3ايام وبدا الم الدورة مع افرازات بيضاء ومرات صفراء وفيه خيوط دم وردية طبعا ماتتصورون كيف صرت لما شفت الخيوط الورديه انهرت اكتأبت وقلت خلاص الله ما جاعل اني احمل ولازم ارضى بالواقع . خبرت زوجي وكنت متوقعه انه راح يضايق بس للاسف عطاني كلام يحرق القلب اني ما انفع ومايبي ينتظر اكثر بسالفه العيال كان الحمل بيدي واني اتحكم اذا احمل ولا لا استغربت منه كثير لاني مرة احبه وما ابي يتزوج علي علشان يقتلني من القهر لما حرمته تجيب عيال وانا اغلي من القهر وفالنهاية قالي الخرابيط الي كنتي تاخذية مانفعت خسرت فلوس علفاضي وعملي حسابك ان الحرمة الثانية فالطريق ومافي نقاش . اتمنى يابنات اني اكون حامل لاني مرة متحطمة مو قادرة استوعب اكثر من كذا مارحت كلمت اهلي جيتكم على طول اقول لكم شو صارلي لاني محتاجه دعائكم ونصائحكم لي طبعا انا سويت اطفال الانابيب مرتين وما نجحت وعملت اشعه الصبغه وما نجحت وكلوميد والابرة التفجيرية مانجحت ومافيني شي غير التكيس بس تبويضي تمام طمنوني فيه احد صار له مثلي وطلعت حامل او عرفتو حد صار لها مثلي وحملت |
رد: للأسف الدورة بتنزل بعد الي عملته
لااله الا الله .".يعني الحرمان وفوقه القهر ".والله قطعتي قلبي ..ماعندي شئ اقوله غير الله يرزقك الحمل السليم ويجيب لك الي فيه الخير.
|
رد: للأسف الدورة بتنزل بعد الي عملته
اسال الله العظيم ان يرزقك بالحمل ويفرح قلبك ويطمن بالك عيدي التحليل مره ثانيه ممكن يكون حمل وعليك بالصبر
|
رد: للأسف الدورة بتنزل بعد الي عملته
انصحك يا أخيتي ان ترقي نفسك انتي جربتي كل اسباب الاطباء الحين اتجهي لخالق هذا الكون العضيم والذي بيده كل شي بيده الذريه وبيده قلب زوجك اسأليه وانتي ساجده ومنكسره بين يديه في اوقات الاجابه اقرأي سورة البقره كل يوم وانفثي على بطنك وان شاءالله ربي يشفيك ويرزقك بالذرية التي تقر بها عينك
|
رد: للأسف الدورة بتنزل بعد الي عملته
يالله الله يعينك اختي
والله شي يحزن زوجك ماعنده احساس! الله يكون ف عونج وربي يرزقك بالذريه الصالحه يارب مثل ماقالت الاخت مريومتو سوي عليه |
رد: للأسف الدورة بتنزل بعد الي عملته
ياقلبي
الله يعينك يارب حبيبتي نصيحه تصدقي ولو بالقليل بنية الحمل واكثري من الاستغفار طول وقتك استغفري خليكي توصلي لآلاف المرات من الاستغفار باليوم وراح تشوفي اللي يسرك ان شاء الله ولاتزعلي من زوجك ان شاء الله قبل لايقرر تحملين ان شاء الله ولاتلومينه من لهفته للعيال قاعد يجرحك بدون مايقصد أكيد حببيبتي تقربي لله اكثر فاكثر وصلي قيام الليل الله يرزقك يارب ويسخرلك زوجك |
رد: للأسف الدورة بتنزل بعد الي عملته
وربي حاسه فيكي
ربي يرزقك و يرزق كل محروومه بس عليكي بالدعاااء والصدقه والاستغفار |
رد: للأسف الدورة بتنزل بعد الي عملته
الله ييسر امرك ويشرح صدرك ويفرج همك عاجلاً .. ي عمري والله مشاعر مؤلمه وشئ يوجع .. وجعلنه في قراراً مكين الى يوم معلوم .. الله مااراد لحكمههو يعلمها شئ يألمنا جميع بس مو بيدنا ومااحد فاهم انه مو بيدنا هذا بيد الله وحده الله يرزقنا جميع ..
|
رد: للأسف الدورة بتنزل بعد الي عملته
ياحبيبتي ياختي والله متت من القهر
بس ما في شي مستحيل عند الله واصلي الدعاء والاستغفار وانشالله الله يلين قلب زوجج عليك ويشيل فكره الزواج يارب ارزقها الذريه الصالحه وفرحها في طفل يملأ حياتها يارب يارحيم |
رد: للأسف الدورة بتنزل بعد الي عملته
الله يرزقك يارب قريب..
ويهدي زوجك ويخليه لك يارب بس يمكن قال كدا وقتها معصب بعدين يهدأ ينسى اللي قاله |
| الساعة الآن 02:50 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .