|
تصرفات حماتي معي تضايقني
يا بنات انا كتيييييييييييييييير مدايقة من حياتي وخاصة عيشتي مع اهل زوجي كتيييييييير مدايقة انا قاعدة بحكي معكم ودموعي على خدي..انا كل ما اطلع ولا انزل ولا اعمل اي شي حماتي بتضلها تحكي عني ..تقول ملهاش كنة غيري ...ايش بدي اعمل..وانا ساكنة مع العيلة والله بدي اموت حالي وارتاح...لو اني مش حامل لكان هربت من الدار ومن كل العالم..بس انا صابرة عشان خاطر زوجي والبيبي اللي في بطني..كتييييييييييير مدايقة بدي اطق من الغل..عمر حماتي ما مدحتني قدام حدا...كل المدح لسلفاتي بس...حتى قدام اهلي ما بتمدحني وتحكي عني كويس...مع اني والله كتييييييييير كويسة معاها والله..وعمري ما زعلتها ولا حكيت وشكيت عليها....دايما انا ساكتة....وانا بدي اطلق بس مش من جوزي بدي اطلق من العيلة..الي سنةو8شهور متزوجة عمري ماكنت مبسوطة...دايما بكاء ونكد ...والله زهقت وتعبت...كيف اتعامل مع هاي المشكله(حمااااااااااااااتي) والله نشفت ريقي...كرهتني حياتي...انا اسف اني طولت فالكلام معكم بس ما عرفت احكي لمين..فحبيت احكيلكم لاني لم اجد غيركم.
|
رد: انا كتييييييير مدااااااااايقة
حبيبتى اذا زوجك كويس معك ليش تفكرى فى الطلاق
احكى لزوجك انك حابه تسكنى لحالك ومو مرتاحه مع العيله وحاولى انك تتقربى من حماتك واكسبى محبتها الك وشوفى شو اللى بيضايقها وتجنبيه الله يسخرلك حماتك |
رد: انا كتييييييير مدااااااااايقة
اختي
انا من قبل رديت عليك في موضوعك الي شرحتي فيه ان حماتك تكرهك وعلى بالك السبب انها تكرهك ﻹنك الكنة اﻷخيرة وانا قلت لك ان هذا مش سبب للكره وشرحت لك كيف لازم تكسبيها بس الباين انك ما عملتي بنصيحتي لك ﻹن المدة بين موضوعك هذا والي فات مو طويلة إلي بقصده اني اعتقد إن مش بس هيا الي ما بتعاملك مليح ...الباين انك انتي كمان مش حابة تتصالحي معاها او مش حابة تبدلي جهد بخصوص هالموضوع يعني خليني اكون صريحة معاك انا ما اعرف حماتك ولا اعرفك على شان اوقف بصف وحدة منكم بس انا بعتبر إن النصيحة امانة وما أحب اجامل فا رأي او نصيحتي لك اختي أنك تراجعي نفسك تصرفاتك مع حماتك. على شان تفهمي أيش سبب كرهها لك وخاصة انها على حسب كلامك انها بتعامل كناتها اﻷخريات مليح فا يعني سؤال منطقي ليش رح تستقصدك انتي بالذات فالي بقصده ممكن انتي بسبب حملك او بسبب مشاكل اخرى في حياتك. نفسيتك تعبانة والبني ادم منه لما بتكون نفسيته تعبانة بيكون شخص صعب التعامل والتفاهم معاه فممكن انتي صاير معاك هيك ولها السبب انتي وحماتك مش متفاهمين او ممكن انتي زعلانة من عيلة زوجك وحماتك وإنك حاسة انك انضلمتي معاهم بسبب انك انتي الكنة الوحيده الي مالهاش بيت منفصل عن بيت العايلة فلهذا السبب صايرة انتي موطايقة حماتك وهيا واصلها شعورك اتجاهها. وعلى هاﻷساس بتعاملك معملة مش مليحة عمومآ هذا تفسيري على حسب شرحك لمشكلتك ممكن يكون صح وممكن لا ربي يفرجك كربك ويحل مشكلتك |
رد: انا كتييييييير مدااااااااايقة
اختى ام نرجوسة..اشكرك على كلامك...كل سلفاتي ذاقوا منها المرار..وهلقيت اجي دوري...من الاشياء اللي بتعملها حماتي معاي..رح اقولك جزء منها:انها بتجيب زباله اللي على الشارع وبيكون فيها صحون وكاسات مكسرات وتجيب الزباله على الدار وقدام زوجي واسلافي تقول: شايفين المهمله هادي ابني بجيب الها اغراض وهي بتكسرهم وترميهم عالشارع..وانا احلف وابكي واقول مش انا وما تصدق..بس الكل بيعرفها تاعت مشاكل...وكمان موقف اني كنت طالعة انا وزوجي ورجعت لقيت عباب غرفتي كوم زباله مرمية..سألت وسلفتي قالت ان حماتك اللي كبتهم...ما حكيت ضليت ساكتة...وموقف اخر ممنوع استضيف صحباتي عندي..بس اهلى استضيفهم..ومواقف كتير حتى لمن ييجوا ناس يزوروها عالبيت بتسير تحكي هاد(انا)بتصحى عالساعة عشرة وجوزها بيصحى قبلها ووسخة ما بتنظف..طيب انا من اول ما اتزوجت وانا بصحى الساعة 6وبمسح وبنظف الدار وبعمل الهم فطور..وبروح من الجامعة الساعة12ظهر وبلاقي الدار كأني ما نظفتها...ولا المطبخ بتسكروا بالمفتاح لمن اجي من الجامعة لانها عارفة اني بكون بدي اتغدى...ومرات بتسكر الحمام علشان ما ادخلوا الا بروح عند سلفتي...ولمن بدي اتحمم بروح عند اهلى...هذا اجزاء من مواقف حماتي...شو رايك يا ام نرجوسة..انا عمري ما غلطت معاها..انا حافظة لكتاب الله..كيف بدك اياني اغلط بحق حماتي...بس انا تعبت تعبت موووووووووووووووووووت من حياااااااااااتي...بس انا ماحدا رح يساعدني غير الله لانو ادرى بحالي...الحمدلله
|
رد: انا كتييييييير مدااااااااايقة
اقتباس:
بصراحة ربي يكون في عونك. اختي انتي احكي مع زوجك بحضورها انك محتاجة لمفاتيح الحمام والمطبخ وبالنسبة لباقي تصرفاتها قابليها. بتطنيش وابتسامة خفيفة تدل على إشتهزاءاك على تصرفاتها العدوانية الغبية الغير مسؤولة وما تردي عليها ولا كلمة ﻹن في نوعية من الناس تستلذ بردات فعل اﻵخرين بعد ما يثيروا إستفزازهم فا احسن حل لمثل هذه التصرفات انك تقابليها.ي ابتسامة خفيفة وسكوت على شان تصغريها قدام نفسها وقدام الناس. وطالما الي عليك بتعمليه وانتي مقتنعة بإنك بتعملي الي من واجبك. فا خلاص ما تشيلي هم. واهم شيء انك انتي وزوجك متفاهمين فما تخليه يكون محتار بينكم حاولي انك تفهميه إنك ما رح تهتمي لتصرفات امه ومع الوقت رح يعرف الجميع كل واحد وشخصيته من تصرفاته مش من حكي اﻵخرين عليه فا خليها تحكي لين تمل وانتي استمري عامليها بي اخلاقك مش اخلاقها.هالشكل رح تمل هي من برودك اتجاه تصرفاتها ورح ترتاحي موفقة * |
رد: تصرفات حماتي معي تضايقني
ربي يكون بعونك انا كان بيتعملي اكثر من هيك بس انا العكس لاني زوجة البكري و لما زوجت التانيين صارت بدها تنفجر من تصرفاتهم بس مش قادرة تتكلم لهم و مرة من غيضها منهم اخترعتلي مشكلة و جات في بيتي تصرخ ساعة تسعة بالليل شتا و الناس نايمين قامو يتفرجو علي جيراني قالتلهم تعالو احكمو بيني و بينها بهدلتني قدام سلفاتي بتصرفاتها معي و قدام العيلة بس متاكدة ربي رح ينتقملي و يجيبلي حقي لاني مش قادرة اسامحهم بالرغم من اني بعاملهم عادي الان مه في مواجهات متل الاول
انتي كمان رح يجيبلك ربي حقك اكيد |
رد: انا كتييييييير مدااااااااايقة
اقتباس:
الله يهديها بس لازم تفكري بحل جدري للمشكلة هو انك تستقري لحالك |
رد: تصرفات حماتي معي تضايقني
واخيراااااااااا في حدا فهمني...شكرا الكم
|
رد: تصرفات حماتي معي تضايقني
حبيبتي الله ييسر امورك يا رب
شوفي دام انت لسه بالجامعة حياتك مستحيل تمشي مع العيلة اتحاوري بهدوء انت وزوجك و استاجروا سكن خاص فيكم تتهنوا فيه بما انه زوجك شايف طبايع امه اكيد راح يفهمك و اليوم انت وحدك كيف لما يجي البيبي شو راح تعمل؟ وكلي امرك لربك و اكثري الاستغفار و ان شاء الله يلين زوجك و يستاجر بيت انا بنت خالي كانت مثلك مع حماتها و الشغل كله عليها و مو راحمتها لا بالكلام و لا بالازعاج و اتحملت و زوجها يشوف و يسكت لحد ما جا اليوم الي اجا فيه و قالها لمي اغراضك بدنا نرحل الفرحة ما سعتها و بردوا لاخر دقيقة سمعتها حكي و ما زارتها ببيتها الى غاية ما ولدت ما في حدا عايش دون مشاكل الله يهنيك يا رب |
| الساعة الآن 03:31 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .