|
مستشفى الفلاح؟؟
ابي اسال اذا في احد جرب مستشفى الفلاح بغبيرا بالرياض بالولاده القيصريه هو صحيح نشوى وساتيا روعه حتى يجونها حريم من دول الخليج لعلاج العقم وانا متابعه من نشوى من بداية حملي بس ابي اسأل احد جرب قيصري عندهم وكيف تعاملهم وغرفهم وهل عملياتهم بالكبس يعني تجميلي؟؟ تكفون بنات لااحد يبخل علي باي معلومع يعرفها متوهقه جديده الرياض وماعرف شي
|
رد: مستشفى الفلاح؟؟
ياعمري إنتي والله أول مره أسمع بإسم هالمستشفى بس إنشالله يفيدونك البنات
أو وإنتي بإستراحة النساء بالمستشفى إسألي الحريم اللي حولك من جرب الله يسهلك العمليه ويخليلك مولودك |
رد: مستشفى الفلاح؟؟
مشكوره اختي خطاي ولقبك دق بقلبي والله عسى ربي يوفقك واتمنى فعلا من البنات انهم يفيدونا
|
رد: مستشفى الفلاح؟؟
نشوى ماعرفها بس ساتيا قد راجعت عندها بس عليها زحمه غير طبيعيه ووتراها مو مسلمه والجميع يمدحها امااالمستشفى نفسه ماعندي عنه خلفيه الله يكتب لك الخير
|
رد: مستشفى الفلاح؟؟
اي الزحمه مرررره تقرف عندها ترى هذي مشكلتهم بس ان شالله في احد جرب ويفيدنا
|
رد: مستشفى الفلاح؟؟
سبحان الله
|
رد: مستشفى الفلاح؟؟
أم لاحلى بنت وين صاير مستشفى الفلاح وبكم الولادة عندهم سواء طبيعي أو العملية
|
رد: مستشفى الفلاح؟؟
والله انا ياختى حصلي موقف معهم من ثمان سنوات وبعده حلفت ماامر من عنده ولدت ببكري عندهم وكان حديث الولاده بالسابع وكان مكتمل وعيبه انه صغير
عاش تسع ايام عندهم وكانوا اول يوم ينادون علي عند الحضانه يبون يركبون تنفس صناعي ويبون توقيعي عشان المبلغ في اليوم 1500 والحمد لله مااحتاجه الا يوم ونص واستقرت حالته ولما كمل ثمان ايام قالوا لي الولد صار يرضع يعني تقدمت حالته ووالله يااخوات ماكان فيه الا ابرة المغذي ولي البخار اللي بالانف يعنى حالته الصحيه متقدمه المهم معد قدرت اكمل تسديد المبلغ وكان الدكتور يهودي الله لايوفقه قالها لنا بصريح العباره اذا مادفعتوا بنوقف العلاج تخيلوا تهديد قالهم زوجي اصبروا علي ايام ادبر نفسي ولما حبيت اشوفه امنعونى ومن بكره اتصل ع المستشفى من الفجر وهم يصرفونى الا الساعه ثمان قالوا لي مااااااااات تخيلوا حسبي الله ونعم الوكيل فيهم ولما جتهم ورقه من الامير سلمان بتشريح الطفل والتبليغ بسبب الوفاه سلموه لنا ع طول بعد ماكانوا رافضين يقولون سلموا 9000 ولا راح يبقى الطفل عندنا حتى الميت مارحموه ولما جوا يغسلونه قال الشيخ ولدكم مامات طبيعي فاتحين راسه وهذي مو اول حاله تجينا لاطفال حديثي الولاده بعد هجوم امريكا ع العراق ومستعد اشهد معكم بس انا رفضت وقلت طير من طيور الجنه ان شاء الله يشفع لي انا وابوه والله يعوضنا خير والحمدلله عندي احلى اثنين ع وجهه الارض والثالث قربت ولادته |
| الساعة الآن 08:59 PM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .